麗思咖啡廳

营业中

休息中

好耐冇过去澳门食嘢，我觉得澳门嘅五星级酒店物价比香港平好多，于是就去咗丽斯卡尔顿咖啡厅试吓。服务人员好细心介绍是日推介嘅菜品，又会问我同朋友有冇食物敏感嘅情况，于是推介左苹果片泡沫煎鹅肝、红酒炆牛肉蘑菇配薯蓉同香煎三文鱼配西班牙米饭。坐低之后即刻会有餐包同牛油附上，餐包可以无限添加，而佢哋嘅牛油都系手做，加入咗忌廉色食嘅时候更加creamy。我都几钟意佢哋煎鹅肝呢个前菜，加入咗苹果之后酸酸甜甜都几得意，而且好开胃。红酒炆牛肉就整得太冧，虽然好香红酒味，但我唔太钟意呢个口感。而三文鱼嘅鱼油好香，配埋西班牙米饭成个餐就啱啱好够饱。整体嘅服务好流畅，而且服务员好细心，价钱会稍为偏贵，但都符合食物嘅质素。