影片
更多
2009-01-29
130 浏览
是日系女同事最后一日响我公司做嘢，佢相约咗大老板、两名高层同埋我呢个小脚色一齐去食晏。既然系佢最后一日，所以大老板提议食一啲比较好嘅嘢。大老板虽然响澳门做咗廿几年，但系始终比较抗拒中餐，如是故我地拣咗食葡菜。呢间葡国餐厅系大老板嘅另一间心头好，佢认为呢间供应嘅午餐系公司附近最好味嘅。 入到去，店舖面积唔系好大，格局系一般澳门地道葡国餐厅。店里挤满了人，如果唔系大老板同餐厅老板熟，我地一行五个人都唔会咁容易揾到位。餐牌上可供选择嘅午市套餐唔多，只有寥寥数款。我拣咗一客鸭肉焗饭，除此之外我亦试咗少少鱿鱼焗豆。先讲吓鱿鱼焗豆，睇落好似系白豆，连埋啲鱿鱼粒一齐食，感觉都唔错，除咗有淡淡嘅鱿鱼味之外，仲有丰富嘅豆味。可惜只系试咗一啖，试唔真呢味，下次一定要再嚟试。至于我叫嘅鸭肉焗饭，同样系好味道。呢味焗饭除咗有鸭肉之外，仲有数块葡式香肠。鸭肉一啲都唔韧，一点都唔干，有丰富嘅鸭肉味。香肠切成薄片，香肠入面惨出嘅肉汁同埋脂肪，令整碟焗饭更加香喷喷。焗炉嘅火喉控制适中，外面一层嘅饭焗得脆脆的，但又唔会觉得硬。里面嘅饭因为得到外面嘅饭锁住咗啲水份，所以特别软绵绵。外面香脆、里面香软，双重性格，双重享受
入到去，店舖面积唔系好大，格局系一般澳门地道葡国餐厅。店里挤满了人，如果唔系大老板同餐厅老板熟，我地一行五个人都唔会咁容易揾到位。餐牌上可供选择嘅午市套餐唔多，只有寥寥数款。我拣咗一客鸭肉焗饭，除此之外我亦试咗少少鱿鱼焗豆。先讲吓鱿鱼焗豆，睇落好似系白豆，连埋啲鱿鱼粒一齐食，感觉都唔错，除咗有淡淡嘅鱿鱼味之外，仲有丰富嘅豆味。可惜只系试咗一啖，试唔真呢味，下次一定要再嚟试。至于我叫嘅鸭肉焗饭，同样系好味道。呢味焗饭除咗有鸭肉之外，仲有数块葡式香肠。鸭肉一啲都唔韧，一点都唔干，有丰富嘅鸭肉味。香肠切成薄片，香肠入面惨出嘅肉汁同埋脂肪，令整碟焗饭更加香喷喷。焗炉嘅火喉控制适中，外面一层嘅饭焗得脆脆的，但又唔会觉得硬。里面嘅饭因为得到外面嘅饭锁住咗啲水份，所以特别软绵绵。外面香脆、里面香软，双重性格，双重享受。
餐后饮品唔包，要自己另外叫，食得已几饱，所以都冇再嗌，况且呢餐系「罗汉请观音」，都系保住自己荷包，唔好太破费。五个午市餐共二百九十几蚊。平均每人六十蚊有找(四个人挟即系七十几蚊)。价钱系一般葡国餐厅嘅中位数，但观乎食物嘅质素，还是值得推介嘅。
张贴
