影片
更多
2009-11-02
304 浏览
9月5日, 我们的8周年快乐!终于都黎到我地正式庆祝8周年大餐, 当然唔可以马虎! 黎得澳门, 一定要食番餐正宗葡国菜啦, 几间出名嘅葡国餐馆都系喺妈阁庙附近, 我地就拣咗呢间, 因为D环境好似靓d~ ::: 餐前面包 :::一人一个, 有手心咁大, 表面又有少少脆, 搽埋牛油又香又松软~ 作为开胃小食十分满足~::: 焗蟹盖 (2个) ::: $160呀菲十分想食~ 卖相十分精致,系酿蟹盖上面加2粒橄榄, 做到好似一只蟹咁, cute爆!加埋d配菜, 真系有d唔舍得食~ 真系斋望都觉得叫呢个系冇错~ 俾足200分! 用小匙羹吃一口, 香脆, 热辣, 新鲜蟹肉味, 全混在口里, 味道十分丰富! 最满足嘅系啖啖纯蟹肉, 无乜点沟其他野去做, 又唔会炸得太油腻, 混咗d白汁又好好带出蟹肉嘅味道! 不愧为葡国出名菜~ 唔大食嘅人食完其实都应该饱咗一半~ ***超级推介***::: 烧牛肋骨 ::: $128叫嘅时候以为系好似𠮶d西式餐厅嘅烧猪肋骨咁, 点知原来系用中式牛仔骨嘅切法, 上枱𠮶阵有d心惊, 以为好普通. 好在食落唔差, 系高级肉地嘅牛仔骨, 半肥瘦得刚好, 大慨5-6成熟, 外面
终于都黎到我地正式庆祝8周年大餐, 当然唔可以马虎! 黎得澳门, 一定要食番餐正宗葡国菜啦, 几间出名嘅葡国餐馆都系喺妈阁庙附近, 我地就拣咗呢间, 因为D环境好似靓d~
::: 餐前面包 :::
一人一个, 有手心咁大, 表面又有少少脆, 搽埋牛油又香又松软~ 作为开胃小食十分满足~
::: 焗蟹盖 (2个) ::: $160
呀菲十分想食~ 卖相十分精致,系酿蟹盖上面加2粒橄榄, 做到好似一只蟹咁, cute爆!加埋d配菜, 真系有d唔舍得食~ 真系斋望都觉得叫呢个系冇错~ 俾足200分! 用小匙羹吃一口, 香脆, 热辣, 新鲜蟹肉味, 全混在口里, 味道十分丰富! 最满足嘅系啖啖纯蟹肉, 无乜点沟其他野去做, 又唔会炸得太油腻, 混咗d白汁又好好带出蟹肉嘅味道! 不愧为葡国出名菜~ 唔大食嘅人食完其实都应该饱咗一半~ ***超级推介***
::: 烧牛肋骨 ::: $128
叫嘅时候以为系好似𠮶d西式餐厅嘅烧猪肋骨咁, 点知原来系用中式牛仔骨嘅切法, 上枱𠮶阵有d心惊, 以为好普通. 好在食落唔差, 系高级肉地嘅牛仔骨, 半肥瘦得刚好, 大慨5-6成熟, 外面熟得黎好香, 而内里生得黎又肉味够, 一d都唔韧~ 而且咬落劲牛脂味超浓郁, 真系锯扒都无试过咁浓牛味嘅牛仔骨!!
::: 葡式焗鸭饭 ::: $148
呢个反而冇想像中咁好, 饭偏干, 饭焗到起焦系好, 不过中间嘅饭都有一种干硬感, 可能系佢葡国嘅特色啦… 鸭肉同葡国肠都过咸, 除咗面头几块看上几肥, 里面捞咗喺饭嘅鸭肉都偏瘦. 整体个感觉干争争. 同埋其实个饭都几油… 不过作为葡国特色菜, 叫做试过就算…
::: 木糠布甸 :::
意外地我地坐嘅船公司可以换一杯红酒或木糠布甸, 咁我地就要咗木糠布甸啦~ 细细杯味道都唔错, 质地比较creamy, 云呢拿味浓d~
其实呢餐已经十分满足, 起码食到d好特别嘅菜式, 尤其是焗蟹盖! 服务十分周到, 环境卫生都好好~ 看到很多外国人黎食, 不枉我地拣咗呢到黎庆祝我地嘅8周年!~
张贴
