雖然去完日本無耐 但係日本菜時時都想食🥹 尤其是sukiyaki真係我至愛之一 銅鑼灣壽兵衛就係主打壽喜燒嘅日式餐廳🇯🇵 同朋友嚟午餐 點咗兵の膳套餐🥢 ꕥ 刺身三點 北海道帆立貝又甜又爽 拖羅魚油豐富 入口有溶化感🐟另外仲有鰤魚 ꕥ 三文魚籽茶碗蒸 蒸蛋好滑 入面除咗三文魚籽之外 仲有鳴門卷同埋冬菇🍄 ꕥ 關西風壽喜燒 第一道係塩燒牛舌 每一款牛師傅都會詢問我哋想要嘅熟度 牛舌燒至表面微金黃 入口好軟稔🤤師傅仲有教路將牛舌/辣椒蘿蔔蓉/蔥花同淡雪鹽拌勻一齊食 層次果然更豐富 之後就係A4和牛肩胛 帶有油花香🐂而美國熟成肉眼嘅牛味就十分突出 除咗牛之外 亦有豚肉/雞肉 日本黑豚西冷片香味濃郁 肉質有彈性🐖惠比壽雞腿肉 雞皮燒至香又脆 肉就保持嫩滑有肉汁🐔 野菜有芋絲/南瓜/冬菇/娃娃菜 夠晒豐富 索晒湯汁好好味😌 ꕥ 舞茸菇清湯 好清甜 啱晒食完咁多肉類後 清減口腔中嘅膩 ꕥ 甜品 雲呢拿雪糕 相信都係自家制🍨入邊有雲呢拿籽 更香更好味

雞翼控必去‼️中環Wingman 以唔同獨特口味嘅雞翼為主打🐥用嘅仲係無激素雞 食得多都唔怕 店舖裝修走美式風格 牆上貼上唔同嘅漫畫海報 仲有一幅卡式帶砌成嘅牆可以打卡📸 今次我哋就點咗個獨食難肥雞拼盤Loads O’ Birds 有24隻雞翼+2款配菜 兩個人絕對夠晒食☺️另外我見好多人都揀雞翼放題 可以90分鐘無限任食雞翼 24隻雞翼入面 可以自選4款口味 每款6隻🐣 ꕥ 水牛城醬 美式classic嘅口味 酸香微辣 味道層次豐富🤤惹味令人想飲完一隻再一隻 ꕥ 中式海鮮醬 第一次見有咁中式嘅口味 原來用嚟整雞翼都係咁夾🐔味道鹹中帶甜 絕對會令你諗起飲中菜例如乳豬/片皮鴨嘅時候😆 ꕥ 蜂蜜芥末 甜甜嘅蜂蜜 無影響雞翼嘅口感 依然香脆👍🏻芥末特登另外放開 比客人因應口味自己點上 個人覺得加左芥末更香更惹味 ꕥ 自家製鹹蛋黃 面頭加上鹹蛋黃碎 營造到中菜<風沙>嘅效果 而其實雞翼本身都已裹上鹹蛋黃漿再炸 所以好濃郁好入味✨口感細膩 🍴配菜 ꕥ 牛油燒粟米 烤過嘅粟米面頭加上千島醬同埋芝士 賣相靚靚🌽粟米本身夠香甜 而且呢個配搭好恰當 無論口感同味道都好有層次 ꕥ 黑松露芝士忌廉汁通粉 Mac and cheese再加埋黑松露 更邪惡了 一上枱已經聞到黑松露嘅香氣😛通粉有好香芝士味 而且質地夠creamy 唔會太稠 食落都唔會覺得好漏好膩 飲品我哋就點咗芒果梳打同Lemonade🍹另外仲有各種汽水/茶/啤酒/Cocktail等等選擇

荔枝角又有新cafe✨回春 橘白色嘅門面 配上招牌回春二字 簡潔得嚟又好搶眼 店內木系裝修 感覺柔和溫馨 帶點復古感🕰️ ꕥ 松茸味噌三文魚春之定食 好豐富嘅定食😍前菜/主食/甜品/水果都有齊晒喺度 主角三文魚輕煎過 魚肉嫩滑 油份充足🐟配松茸菇飯好健康 口感濕潤🍄‍🟫炒白菌煮得好香 份量又多 仲有南瓜都好清甜 日式豆腐係冷盤 個汁類似鰹魚汁 所以食落都好夾🙏🏻最後就食埋藍莓同蘋果 同埋甜品泡夫 勁滿足❤️ ꕥ 秘製冬蔭青口海鮮蝴蝶粉 整體食落好惹味 甜酸辣兼備🍝越食越開胃 除咗兩大隻青口 仲有魷魚/八爪魚等海鮮 好足料 都好新鮮 處理得好 唔會有任何腥味🦑 點set都可以優惠價加配飲品 我哋就分別揀咗伯爵朱古力同凍mocha☕️伯爵朱古力入口帶有清香 唔會太甜 而mocha都調配得幾好 朱古力味同咖啡味相融合

上個weekend同朋友喺荔枝角做完啲嘢 順便喺附近食lunch🍽️我哋都唔熟附近所以都係上網揾 好彩最後揀咗呢間孵化生活無中伏 仲好有驚喜添✨裝修寬敞舒適 佈置簡潔有格調 除咗lunch set外 仲有假日brunch🏖️想講呢度嘅餐牌封面設計都好靚 叫咗兩款lunch set 可以自選配湯或沙律🥗我哋都揀咗黑松露泡沫蘑菇湯 連餐湯都咁有賣相 抵讚🥹口感綿密中又有粒粒蘑菇碎 味道濃郁 配嘅餐包係黑色嘅蒜蓉包 居然都係好脆(我好耐無食過用心製作嘅餐包🥲)所以由餐湯開始已經令我有驚喜 ꕥ 咖喱牛沙朗 荷包蛋配白飯 牛嘅份量都好多 肉質軟稔🐂咖喱惹味得嚟唔會好辣 入面仲有薯仔添🥔隻蛋煎到啱啱好燶邊 真係睇得出廚師好有要求好細心 ꕥ 比目魚柳配辣椒蕃茄莎莎 比目魚質感比我想像中嫩滑 配忌廉醬汁好適合👍🏻食到中間我再配埋蕃茄莎莎一齊食 味道更加提升更有層次 下面仲有一層滑溜嘅薯蓉 同埋西蘭花/冬菇等配菜🥦 ꕥ 水牛城雞翼 點套餐可以用優惠價加配 用蒸籠裝住 又係一個靚靚嘅presentation🥰有5隻雞翼 都幾大隻厚肉 外層脆脆地 醬汁酸酸辣辣 調味得宜啱口味 套餐配送果茶 我哋加少少錢轉咗白桃梳打同埋Cappuccino☕️

尖沙咀棉登徑嘅日式餐廳N.28 Teppanyaki🇯🇵主打鐵板燒 餐廳內環境高級有格調 唔好以為鐵板燒一定好貴 佢哋嘅午市精選套餐由$148-$238🍽️同樣可以坐喺bar枱位 睇住師傅烹調到擺盤 再慢慢食 雙重享受呢😌 套餐包埋沙律/湯/飯同甜品 當日嘅鯛魚湯好鮮甜😍 ꕥ 安格斯牛扒伴法國羊肚菌汁 師傳會先詢問牛扒要幾成熟 再睇住佢煮 今次呢位女師傳都功架十足👩🏻‍🍳我哋request mediun well 熟度剛好 牛味本身都夠濃 點少少鹽已經好正🧂伴碟仲有幾款調味 羊肚菌汁有獨特香氣 鮮香濃郁 而我最鍾意昆布鹽再加蒜片同牛一齊食 好有層次感🧄 ꕥ 香煎鐵板大蝦配加拿大銀鱈魚 兩款都好新鮮 蝦肉質感爽彈 配嘅醬汁帶微微酸甜味 好夾🦐銀鱈魚一直係我嘅favourite 肉質嫩滑 充滿魚油香 師傅仲將魚皮煎到脆卜卜🐟如果再大件啲就好啦😆 食完主菜後 仲有綠茶雪糕🍧綠茶同奶香味相融合 質感都好滑㗎 呢度嘅店員都好nice👍🏻由入座都離開都好helpful 每樣嘢無論餐牌/菜式等等 都會詳細介紹

喺太子嘅cafe餐廳 Owens一定係我排名頭三甲之一🍽️食物水準高 價錢大眾化 而且職員都超niceeee~ Tea time嚟到都幾多人幫襯 不過好彩仲有少少位可以直入😛呢個時間有lunch set同tea set揀 我哋就叫咗兩個lunch set 套餐會包埋餐湯或沙律🥗同埋飲品 ꕥ 黑松露野菌雞胸闊條麵 份量驚人🥹有好多件雞胸 經過慢煮後再輕煎 軟嫩又不失香氣 闊條麵煮得啱啱好 有咬口 黑松露醬汁夠香 亦足夠令每一條闊條麵都沾上呢🍝 ꕥ 紐西蘭頂級肉眼牛扒 可以揀配飯/意粉/薯菜 牛扒點咗7成熟 切開一睇 微粉嫩嘅顏色 絕對交啱功課😌質地軟稔得嚟有彈性 牛味亦好香 旁邊有個燒汁可以點埋嚟一齊食 味道再提升↗️ ꕥ 蜜糖柚子雞翼 以$38追加嘅小食 雞翼都幾大隻 外層脆脆地 入面依然保留肉汁 唔好乾柴👍🏻加咗蜜糖柚子醬汁 都無影響脆嘅口感 食落甜甜地 幾惹味 ꕥ 抹茶蛋卷 ꕥ 伯爵茶麻糬Tiramisu 甜品都係優惠價加配嘅 兩款都有我至鐘意嘅麻糬🫶🏻抹茶蛋卷中間仲加咗紅豆🫘一啖食落去就有多重口感 而伯爵茶麻糬tiramisu口味較清新 呢個配搭幾特別 飲品方面 朋友點咗新鮮蘋果汁 而我就飲熱海鹽焦糖鮮奶咖啡☕️都好啱口味 食咗咁多嘢 埋單都係三百幾 真心好抵😜

去元朗探朋友 朋友帶到yoho mall吃lunch🍽️最後選擇了吃台灣菜的Check in Taipei 首先裝修已經很喜歡 粉色系的主調 設計像海浪一樣 感覺柔和舒服🌊食物也不錯 ꕥ 擔擔牛肉麵 湯頭濃而不膩 感覺蠻正宗的 有淡淡藥材味 入口很順🍜裡面牛肉有5大片 質感軟稔 而麵條可以選擇手工刀削麵或者寬粉 我選了粗粗的刀削麵 很有口感🥢最喜歡麵上面有蟲草花 脆脆的 好吃 ꕥ 松露魯肉飯 魯肉呈粒狀 肥瘦均勻🐷醬汁中混入黑松露 調配恰當 增添香氣 而且醬汁份量不少 可以拌勻整碗飯 ꕥ 明太子甜不辣 這家的甜不辣做得很好 口感煙靭軟糯 明太子醬帶有適量鹹香 很好吃😋是我最喜歡的一款 ꕥ 蒜香三色台腸 應該是我如果最慷慨的小食😆份量超多 台腸有三款口味 黑色的是墨魚腸 紅色的分別有經典台灣腸 和加了魚子的一款 各有特色 搭配蒜片一起吃 很惹味 這𥚃除了台灣飲品 亦有一些特調 我點了宇治抹茶牛乳 抹茶味道很香很濃郁 口感順滑🍵朋友點的珍珠奶茶🧋也說很不錯

之前食過一次，念念不忘呢度嘅辣蟹，今次適逢移咗民嘅朋友返嚟香港，就帶埋佢哋嚟食餐港式經典味道👅一行四人，點咗幾款招牌菜式。 先嚟招牌避風塘炒辣蟹，揀咗要大蟹，肥美多肉，啖啖滿足，伴碟嘅炸蒜要嚟撈飯都一流！ 除咗蟹，朋友最掛住嘅就係瀨尿蝦，椒鹽特大瀨尿蝦，好大隻，差唔多手臂咁大😂外酥內嫩，充滿椒鹽香，帶微微辣味，惹味之選👍🏻 脆皮BB乳鴿炸得外皮香脆，最緊要肉質無因為油炸而變嚡，處理得幾好🐥 招牌醉鮑魚入口爽彈嫩滑，帶有淡淡酒香。 豉椒炒蜆好夠鑊氣，乾淨冇沙，豉椒味香濃，又唔會蓋過炒蜆嘅鮮味。 潮州肉碎蠔仔粥好足料😚勁多蠔仔肉，粥內再加咗蒜同香蔥，令味道更提升！

最近主打頂級薩摩牛嘅Beerfar’s推出咗尊享個人體驗晚餐 每位只需$268 一見到就即刻book位啦😆呢度地點方便 就喺尖沙咀The OTTO酒店2樓 環境都好寬敞 呢個尊享個人體驗晚餐 係2位或以上嘅限定🍽️ 套餐除咗燒肉外 仲包埋沙律/湯同小食 ꕥ日式芝麻醬沙律 都幾大碗 沙律菜新鮮 仲有車厘茄🥗重點係芝麻醬足夠 可以拌勻整個沙律 ꕥ鰹魚昆布蛋花湯 口味較清甜 唔會好醎🥣加埋蛋花增加口感 ꕥ蟹膏蟹肉味噌多士 賣相精緻矜貴✨兩大片海膽加黑魚子 下面就有層蟹膏蟹肉 鮮味十足 燒肉方面就有五款🥩 ꕥ 三筋肉薄燒 職員好好幫我地燒埋呢款 因為薄身怕我哋難處理 燒好後放喺米飯上 再加埋隻蛋😍就好似壽喜燒做法咁 味道當然有層次 而牛肉本身都好軟嫩 正👍🏻 ꕥ 澳洲和牛三角腩 係我最鍾意嘅一款🐂質感鮮嫩軟稔 ꕥ 澳洲和牛西冷 牛味特別濃郁 個人推介點胡椒鹽係最正🧂味道更加提升 ꕥ 牛後腿肉 較有咬口嘅一款 肉汁滿滿 一邊咬一邊有肉汁咇出嚟 又係另一種滿足💫 ꕥ 牛腹肉 油花最靚就係佢 好吸引🤤入口有溶化感 食落好香 但又唔會覺得好膩 食完之後仲有唔同嘅日本雪糕食🍦要咩款可以自己揀 另外職員都超nice 會主動換燒烤網/加茶等等🍵經理仲幫我地揀咗枝好啱口味嘅sake添

札幌過江龍Suage 喺北海道被譽為No.1湯咖喱🍛除咗受當地人歡迎 去過嗰邊旅行嘅都應該會去朝聖過 上年中喺朗豪坊開咗 最近終於同朋友去咗試吓🥢 Lunch有set 仲可以優惠價追加小食或升級飲品🍢當然另外亦有單點嘅選項 ꕥ 日式唐揚雞湯咖喱 呢款係lunch set之一 會配埋日式沙律同果香茶🍵最正係湯咖喱總共有12種辣度俾你揀 我就揀第3級嘅小小小辣 對我嚟講啱啱好🌶️甜中帶微辣 幾香口 配烏冬好夾 烏冬質地煙靭滑溜 而唐揚雞都有點驚喜 熱辣辣 外脆內嫩有肉汁🐔另外仲追加咗司華力腸 勁豐富😆 ꕥ 和牛肩胛湯咖喱 呢款就選咗配飯 一樣咁好味🍛和牛質感軟嫩 牛味突出 所有湯咖喱入邊都有好多野菜 南瓜/薯仔/茄子等等🍆呢個仲有埋半隻流心蛋 飲品方面除咗果茶同汽水之外 仲有啤酒/咖啡… 選擇都幾多㗎☕️