今日入到嚟晚餐，上菜係好快嘅，但係趕人走嘅速度更加快。 我好明白香港土地問題，我都唔會特登慢慢食阻住個位，但係我食到一半，只不過係有舊牛肉攝住個牙罅，撩一撩牙姐，佢見到我盤食物仲有一半，都問我食完未想收走我個盤。我心諗：「吓？仲有半份嘢食喺度喎，使唔使咁呀～」 到食完就秒速收走曬所有野，我當時坐喺餐廳最入嘅位置，佢喺我身邊嗌出門口：「兩位而家要攞飛呀，喺出面等！」我望一望個鐘，由上菜>煎>食，我只不過係用咗20分鐘時間。唔係好過分啫？我嗌麵豉嗰個要自己用時間炆熟咖喎。 食物唔好講，麵豉牛肉勁咸，跟餐個湯係凍嘅味精湯，糖心蛋都OK。但成個用餐體驗好差，冇下次

黎到石門京瑞廣場二期，原來呢度好似旺角中心咁，有好多好細嘅鋪仔咖。當中不乏特色小店，得閒真係可以嚟掃下街！ 法包外脆內軟，平時如果食到啲太硬嘅法包會刮損嘴，呢個麵包唔會，鬆鬆軟軟咁。札肉好彈牙，肝醬夠香，我仲加咗多芫荽添！整體黎講味道同配搭真係幾好食。 打開包裝嗰下以為好少餡料，但其實佢將啲餸塞曬喺個包入邊，所以咬開其實係足料咖。 老闆仲提我，下次黎買嘢食嘅話可以WhatsApp落咗單先，連等候嘅時間都慳返呀

荃灣出曬名掃街多野食，今日一出地鐵站就見到南豐中心開左呢間新小食店，見到麻辣手撕雞腸粉咁有特色就試試佢！店員服務態度好好，醬料同店面全部都企企理理，乾淨衛生，食起上黎都放心啲。


麻辣手撕雞腸粉 $35
腸粉爽滑之中帶少少煙韌，個麻辣汁又香又麻，恰到好處！雞都唔馬虎，醃到入曬味。諗起都流口水呀麻辣魚蛋 $10
要知道一間小食店合唔合格，魚蛋係好重要既。呢度既魚蛋夠彈牙，個汁又好味，我比4星。奶醬多 $13
奶醬厚多塊包外脆內軟，唔會太硬，烘到有少少金黃色，無得輸啦～栥飯 $15
朋友對栥飯情有獨鐘，大件又飽肚，又係早餐之選～
菊花蒠米水 $12
鮮製菊花蒠米水，夏天飲好清潤呀

身為一個中環人，蘇豪同我已經密不可分，最愛呢個小區咁Chill既氣氛，絕對係"Good Vibes Only"。

今晚黎到Doubleshot by Cupping Room真係驚豔左我，食物一流，飲品無得彈，連Staff都好有親切感。由於佢無街舖咁嘈吵既熱鬧氣氛，呢度相對安靜，全晚坐得好舒服，傾計飲野hea足一晚。

Black Buddha $148
以Whiskey作為基調，加入茶味作點綴，酒味較為強烈，正合我心意。另外有誠意既地方係佢用一條粗既長棍型冰，有效保冷之餘亦延長左稀釋杯飲品既時間。


Not Your Average Cha $78
仿如清泉一般存在，有氣質而且清新脫俗既一杯飲品。點解咁講呢？因為佢既口味好清淡，但清淡唔代表係無味。一飲落去首先會感受到淡淡花香；中調變成果香，尾調就係茶香，味道層次鮮明。
同行友人平時唔係幾好杯中物，所以佢話平時飲既Mocktail多數都比較甜，呢杯就恰到好處。

Ora King Salmon $228
三文魚要揀Standard熟度，你一定唔會後悔！魚肉激嫩滑，魚油甘香豐腴，魚皮烤到紙咁薄，仲非常香脆。連啲配菜烤蕃茄仔都Juicy又好食，真係非常出色！

Wagyu Steak $298
賣相行頭，擺盤精美，原來牛扒同雪莉酒醃蘿蔔係咁夾咖，個醬汁都好cramy好好味，牛肉烤至焦香既外層灑上片片海鹽，味道更昇華，就算我叫到Medium-well肉質都係非常軟腍。食左以上兩款主菜，都覺得佢既煮法同味道好特別，忍唔住問一問店員大廚係咪外國人。店員確認過後就話我知，主廚係委內瑞拉mix西班牙既！不得不讚佢既廚藝真係好高超呢～

Burnt Cheesecake $68
呢個Burnt Cheesecake，放入口你會品嚐到幸福既滋味。芝士香軟幼滑，中間仲要係流心既質感。比我期望既實在好食太多太多，我同朋友爭啲連紙都舔乾淨埋！一致認為呢個甜品不可錯過，係全晚既高潮！

我同朋友食完呢餐之後都急不及待下次要黎試埋佢既lunch set！今晚係一個非常好既用餐體驗呀～不論食物、飲品、景觀、佈置同服務都係一流呢～

Menu

蘇豪區特色餐廳美食你數得出既都有, 連韓國hit爆既芝士hotdog最近都喺度落戶啦! Lunch time黎個一粒鐘放縱, 享受吓滿口都係cheese既感覺! 🤤

🌭芝薯拉絲 $38 拉絲熱狗既選擇多到我好迷妄, 樣樣都想食! 最後揀左芝薯, 店員做好hotdog後會幫你加上醬汁, 我揀左茄汁芥辣配薯粒, 經典不敗既組合同薯仔係最夾既。咬開hotdog後中間煙煙韌韌既mozzarella cheese瘋狂拉絲, 芝士一啲都唔吝嗇, 即刻拎起IG拍埋個story厄like🤣
🍱Bulgogi Rice Box $75 呢個lunch box係我見過數一數二有誠意既, 淨係配菜都已經有7款：泡菜, 魚餅, 蛋卷, 韮菜餅, 魚糕, 菠菜, 大豆芽。當中魚餅真係好出色, 辣辣地咁勁好食! 烤牛肉同紅米飯都係水準以上, 成個餐盒感覺上好健康, 同埋佢配菜多, 夏天食啲涼涼地既野真係開胃啲。
韓式烤肉多士 $44
韓式多士一向遠近馳名, 一場黎到都會試埋佢, 同好出名果間韓式多士店一樣, 佢呢度既醬汁都係偏甜既, 另外芝士溶溶地咁放喺粟米煎蛋上面, 再疊住烤肉同蔬菜, 成個層次好豐富, 勁多餸。 Tuna Mayo Gimbap $58
我對飯卷係有個情意結既, 吞拿魚飯卷好好食呀! 材料都幾多, 卷得夠厚實👍🏻 Dalgona Latte $40 咖啡上面既焦糖脆脆好似honeycomb咁, 要打開個蓋食左佢先, 如果唔係佢就會溶咖啦。唔係coffee shop黎講佢既咖啡算係幾好飲, 有驚喜, 可以再encore!
室內環境
呢度最貼心既位係佢雖然地方細細, 但立食既地方都算寬敞, 同埋仲有個洗心盤添! 店員亦好禮貌又nice, 下次黎開呢頭飲野, 可以順手食個snack呀🥰 餐牌

🎻店內擺放的乾花、素色空間及木結他等，彌漫著文青的氛圍。
這裡有點像食堂，先找位置，點餐，待響鬧裝置發出通知後自行取餐。
貼心的是店員會幫忙拿食物到您的桌子上，算是「半自助」服務。 .
🦞海底世界|海龍王真的來了 $228
臺式餐牌真的好可愛，為菜式說了個故事。海底世界很繽紛，有龍蝦、干貝、及溫泉蛋等，配上我最愛的羅勒醬，那獨特的香草味很清新。有驚喜的是脆藜麥，為燉飯增添了卜蔔脆的口感。 .
🍢串燒|吃燉飯配串燒 $158
燉飯烤汁甜甜的，拌入溫泉蛋讓整個飯充滿蛋香。原本普通的菜和肉串在串燒上吃，別有一番風味。而且造型美美的，文青們不防先來拍個照再吃吧~ .
🥤每日昔昔
今天是草莓和香蕉奶昔，使用新鮮水果製作味道非常清新，creamy的口感有點像雪糕般美好。 .
☕Latte $34
平時晚上很少喝咖啡，但來到文青Café面對這些美美拉花的咖啡我抗拒不了。咖啡入口濃香、牛奶順滑，飯後來杯咖啡與朋友細聊心事，這夜特別愉快。

第一次叫Pizzabox既外送速遞，實在令人太失望，一定無下次！ 喺呢個全港同心抗疫既時間，人人都注重衛生戴上口罩，尤其是餐飲業既更加應該要加強衛生意識！但當我地見到外送職員上到黎無戴口罩真係O曬咀，佢地接觸食物同咁多客人，唔帶口罩真係適當嗎？
再者送貨真係遲太多，本身我想訂7點送貨，佢地時段已滿，就安排8點送，點知等極都未有，打去熱線又話叫餐廳覆電話比我地，但餐廳又唔覆。最終等左60分鐘，9點鐘先送到黎，仲要送到黎餐廳先覆電話比我。如果佢係接唔切單既話，可以老實講，我都可以食其他野。但佢承諾左8點送到黎，又遲到1個鐘，都幾不能接受。
到食物方面，樣樣野都係凍既！已經唔知擺左幾耐先送餐過黎。 點左兩款薄餅，乾到吞嚥困難，餅底又厚又乾好似食光酥餅咁。其實Toppings係唔差既，但成舊野乾爭爭真係好難啃。
另外仲有一個肉醬千層麵同雞飯，兩樣野都過咸，味道亦唔好食。
總結上述衛生問題、逾時送貨、食物質素都唔好，平時真係極少比喊喊既我都可以講句「無下次」！

久仰大名男神吳彥祖有份投資既The ThirtySix酒吧，最近社交活動可免則免，但每日番工放工繃緊既精神狀態下真係好需要透吓氣。酒吧位於公司附近，飯還是要吃的，比個籍口自己放工黎Chill下。

酒吧位於商業大廈二樓，搭𨋢上到去一開門就見到一道Whiskey牆，呢度既主題飲品不言而喻啦。作為小粉絲，一場黎到點都要叫番杯男神推薦既野飲先算朝聖。所以打開Drink List我就選定好”Specialty Highballs”果欄，當中有兩款都好想試，心大心細後揀左”Hojicha Mizuwari”，同行友達就揀左同樣以Whiskey作為基調既”Naked Orange Sour”。
點好酒後就係欣賞Bartender表演既時間，動作靈活爽手，仲要非常Cutie~ 飲酒送心心，好識氹人歡喜~ 嘻嘻
Naked Orange Sour $120
非常light同清新既cocktail，酸酸甜甜，酒味比較淡，啱曬無飲開酒但又想小酌一杯既朋友。
Hojicha Mizuwari $140
首先觸碰到杯Highball既係嗅覺，Bartender將橙皮炙燒，等香氣散發番出黎，所以未入口已聞到橙香。接下來就係清爽既Whiskey+Soda，本身應該係以日式焙茶(Hojicha)作為其中一個主調，但由於Whiskey實在太突出，所以醇厚既酒味蓋過左茶味。
Brandy Blue Cheese Fondant Burger $168
Blue Cheese同Burger原來係咁夾咖！兩者都非常濃郁，互相輝映，尤其是Burger值得一贊，肉味好香口。最搞笑係佢混合左本土特色，係菠蘿包黎既！層脆糖食落更有層次。每款配料都唔馬虎，平時我食Burger第一時間一定挑曬啲Pickles出黎先既，但今次唔需要，因為呢度既Pickles酸度唔算好高，咬落仲幾脆口，好清新既感覺。
Salted Egg Chicken Crackling $68
呢一味係男神受訪時推薦既心水小食，雞皮完~全唔油膩，咸蛋黃係粉末狀既，味道點都即止。用黎送酒真係不得了！
‘Kani Miso’ Crab paste and Crab Egg & Udon Uni miso butter $268 甲羅燒都算係近期超Hit既食品，豐盈綿密又鮮味既蟹膏伏喺舌尖上既幸福感真係難以用筆墨形容，加上海膽味噌醬烏冬，人生享受也！旁邊仲有一小杯清酒同埋一隻鵪鶉蛋可以混埋一齊食。我就咁飲左啖清酒，係甘口既大吟釀，好正。
Izakaya Bites $98
意猶未盡下再加左$98任食串燒黎繼續送酒，多款串燒之中我最愛黑松露薯蓉球，勁Creamy口感，一粒唔夠要再Encore。
另外煙燻鴨胸都好好食，佢有好強勁既smoky味。
芝士辣椒仔春卷都唔錯，其他款式仲有粟米球/玉子燒/炸餃及同雞串等。
除左串燒任食之外，仲有加$88既甜品任食，不過當晚食完串燒後就差唔多，所以就無叫到甜品任食，淨係點左杯甜品Cocktail。

Cookie Monster $130
愛酒既我，連甜品都要係酒！Cookie Monster其中一款配料係「無得輸」既Oreo，再加上Cocoa liquor，甜而不膩。
同場加映小遊戲，喺呢ThirtySix條鎖匙入面揀中一條開到鎖既話就可以得到免費一Shot。秘訣等大家去到再發掘吓啦！哈哈！順帶一提呢度既店員又nice又幾好傾，下次真係要再黎hea吓。 內在環境 餐牌

深海池魚刺身(厚切) $100
池魚口感爽口，厚切啖啖魚肉滿足感強勁
池魚薄切 配京蔥醬油 $180
薄切能沾更多醬汁，可盡情享受醬汁風味，京蔥味道非常突出，配合醬油有啲似中式蒸魚豉油既味道
牛舌 $90
司傅好花心機慢火烹調，令肉質嫩滑肥美，爽口彈牙，入口油香滿溢，串燒必點之選！
蝦天婦羅(3隻) $270
天婦羅炸得乾爽唔油膩，本身味道較清淡，著重蝦既鮮，可自行灑上綠茶鹽調味。特色之處係連蝦頭都會炸埋，成隻蝦都食得。
明太子雞翼 $80
雞翼釀得非常飽滿，肥嘟嘟咁~ 明太子帶微辛辣味，非常惹味。
蘆筍豬肉卷 $40
蘆薈很嫩，完全無渣，半肥瘦豬肉烤至焦香脆皮，兩者好夾。
冬菇串 $30
冬菇烤過後散發出香氣，口感軟身。
烤蕃薯 $40 呢個必食！蕃薯係流蜜既，烤到外皮脆脆地，極之香甜！口感亦一流！
牛肉烏冬 $150
牛肉好嫩，烏冬亦都夠滑溜。

平時較少踏足大坑呢度，但由銅鑼灣中心地帶行過黎都幾近，約十分鐘路程左右，餐廳比較多而且無咁繁忙，又多個搵食好地方。 羽衣甘藍沙律配搭幾新清，醬汁主要以酸味為主，刺激食慾。Quinoa份量比較多，食落會有飽足感啲。 芝士黑松露焗帶子醬汁creamy好味，帶子肉好厚身，肉質鮮嫩彈牙。 西冷擺盤係幾靚既，但可惜熟度無得揀，個人本身愛食medium-well，但上菜這件只有三成熟，對於我來說不易入口，只是淺嚐了一下。出色的是薯菜，非常美味，如份量多一點就更好了。 石斑魚是結實的魚塊，同樣賣相精緻，不會太過油膩。