餐廳地點👩‍🍳帶一點神秘感😝，從尖沙咀繁忙街道打開隱蔽的趟門，再上一層便來到餐廳🍴。和嘈吵的街道有強烈對比🆚，餐廳設計感覺令人放鬆。 📝今次order 了兩個HK$398.- 的lunch set 先上「煙燻雞肉沙律 🥗」 和「蟹肉蒸蛋🥚」，雞肉由煙燻煑熟，肉質幼嫩，夾埋沙律一齊食非常開胃😋 之後上嘅「比目魚」和「銀鱈魚」都配上南瓜波菜忌廉汁，兩款都很惹味「零」油膩感。 「北寄貝」和「帆立貝」 都落了海苔湯，兩款都很出海鮮味，帆立貝帶鮮甜味，而北寄貝係帶海水嘅鹹味。 「美國牛肉薄燒（2卷）」和「沖繩黑豚 」 都配上鹽漬昆布，自己比較喜歡佢哋嘅美國牛肉薄燒，我哋點了七成熟，肉質入口即溶，再夾上牛蒡漬加昆布一齊食，更添爽脆口感。 之後還有「流心蛋高菜白飯魚炒飯」、「漬物」「面鼓湯」「炒什菜」，最後食埋「綠茶雪糕🍨」就夠晒滿足😋。 好開心有機會可以和老公自在地傾下計、慢活享受一個午餐😌，下次會再嚟過😝。

星期日同老公黎到銅鑼灣拍拖👫，食晏時間黎到登龍街嘅𝒎𝒆𝒎𝒐𝒊𝒓叫咗兩個 lunch set + 一個brunch set ，先上餐湯🥣和雜菜沙律🥗，餐湯係好清甜紅菜頭湯，雜菜沙律灑上健康藜麥，兩個前菜都非常開胃。



🍳 𝓔𝓰𝓰𝓼 𝓑𝓮𝓷𝓮𝓭𝓲𝓬𝓽 𝔀/ 𝓢𝓹𝓲𝓷𝓪𝓬𝓱 𝓖𝓪𝓶𝓶𝓸𝓷 𝓗𝓪𝓶
波菜煙火腿班尼迪蛋（$108）




將波菜🥬、煙火腿🥓、班尼迪蛋🥚和麵包 🍞夾埋一齊食口感超正， 佢地嘅波菜一啲都唔鞋口，望住蛋黃流出感覺很治癒😛


🥩𝓖𝓻𝓲𝓵𝓵𝓮𝓭 𝓐𝓾𝓼𝓽𝓻𝓪𝓵𝓲𝓪 𝓡𝓲𝓫-𝓑𝔂𝓮 𝓢𝓽𝓮𝓪𝓴 10𝓸𝔃 𝔀𝓲𝓽𝓱 𝓚𝓸𝓻𝓮𝓪𝓷 𝓖𝓪𝓻𝓿𝔂 𝓢𝓪𝓷𝓬𝓮
香煎澳洲10oz肉眼扒配韓式燒肉汁 （$198）



牛扒order 了七成熟，一啲都唔硬😋，喜歡佢哋嘅韓式燒肉汁，甜甜地好好味，薯條超香脆，唔點蕃茄醬都夠熱好好食。


🍤 𝓟𝓻𝓪𝔀𝓷𝓼 𝓛𝓲𝓷𝓰𝓾𝓲𝓷𝓮 𝔀/ 𝓜𝓮𝓷𝓽𝓪𝓲𝓴𝓸 𝓒𝓻𝓮𝓪𝓶 𝓢𝓪𝓷𝓬𝓮
鮮蝦明太子忌廉扁意粉 （$128）

扁意粉夠晒煙韌配上明太子鹹味適中，份量啱啱好。


餐飲order 了Hot Matcha熱抹茶🍵、Hot Haficha熱焙茶 和凍咖啡。



一走進餐廳就已經留意到掛滿一個個很精緻的小鳥籠🏮，原來餐廳有一個好特別嘅活動，只要在餐廳用餐時將手機暫存小鳥籠🏮，顧客都可享受全單9折的超值優惠。活動很有意思，其實係想大家都可以和喜歡的人享受美食嘅時候，不會受電子產品騷擾。

星期日晏就黎到登龍街揾食，突然好想食牛，最後黎到呢間餐廳。 大啡菇扒牛肉漢堡 配 意大利沙律$138 本來以為係漢堡扒，估唔到會用上大大塊牛扒，肉質軟腍，勁多肉汁，大啡菇味道濃郁，牛扒和啡菇都啖啖肉。意大利沙律都新鮮爽脆，有菜食感覺健康很多。 吉列炸牛扒定食 $188 吉列炸牛扒一定要試！ 牛扒自己燒，會先落一舊牛油待溶化後就可以開始燒，近排鐘意食燒熟些少，雖然燒至九成熟，但肉質依傢好軟，外層更有吉列口感。 另外，加了$18 要一客兩件蜜糖蒜香雞翼，蜜糖味濃一點，外層香脆。 飲品點了玄米茶（跟餐免費）和荔枝梳打（跟餐+$12）

餐廳以米白色調為主，感覺舒閒，餐門口就已經係打卡位。 🐖慢煮西班牙杜洛克豬梅肉配豬油拌飯 $92 豬梅肉好軟腍，唔洗點任何醬汁都夠晒入味，豬油拌飯一啲都唔肥膩，食到豬油香味，但唔會油淋淋。 🐂香煎慢煮紐西蘭牛柳配琵琶蝦 $138 八成熟嘅牛柳，啱晒啲鐘意食煮熟啲嘅朋友，肉質唔靭，而且肉味濃。牛柳上放左大大隻琵琶蝦，開左邊唔洗用手剝殼，烤得好香口鮮味。 🍵Fresh Ginger Honey Green Tea $42 (50% off with set) 飲品做造型幾特別，有個圓形波波水松木，淡淡薑味、甜甜哋嘅茶。 🍫 Chocolate $38 (50% off with set) 無諗過朱古力都有靚靚拉花🌸，無落糖，味道已啱啱好。 🍰洛神花巴斯克烤微焦芝士蛋糕 $52 蛋糕好靚，有cream 係面，又有粉紅色花瓣做裝飾🌺。少許焦香味混合埋洛神花，食埋個甜品感覺超滿足。

19：30 黎到餐廳 ，餐廳都幾full ，好彩一早book 左位，一去到就可以即刻坐低。 🥗柚想蝦你沙律 $78 有蝦、蘋果、車厘茄、中華沙律、沙律菜、小量蟹子和勁多柚子係面。蔬果蝦肉鮮甜，配上酸酸地嘅柚子一齊食很開胃。 🍤金龍卷 $88 食材由三文魚、炸蝦、芝士卷組成，三文魚和芝士都好滑溜，夾雜著香脆炸蝦，內脆外軟。 🗻富士山 $88 造型真係好似一個小山丘咁，有牛油果、蟹柳、鰻魚、脆片，上層係鋪滿厚層蟹柳和脆片，鰻魚卷和牛油果做底層，上面有少少鰻魚醬汁做dressing 。 🦀蜘蛛 $88 食材有青瓜、牛油果、蟹柳、軟殼蟹，軟殼蟹鬆脆得黎柔軟，充滿海鮮鹹香味。 🍢串燒：網燒牛舌 $58 和 秘製蒜香牛油燒帆立貝 $28 網燒牛舌係必點之選😋，軟腍煙韌好惹味，簡直食唔停口。帆立貝有濃厚蒜香牛油味，非常爽口。 之前都有試過荃灣分店，今日黎到觀塘分店感覺很不一樣，餐廳位於地鐵站附近嘅工廈，餐廳燈色比較暗、裝修比較有氣氛，適合和同事、朋友收工傾偈嘅好地方🍺。

早兩日比驚喜老公😁😁玩接放工，之後佢帶我黎到海濱匯食飯。 🎃是日餐湯 $48 Daily Soup 幼滑夠smooth 嘅南瓜湯。 🐔雞肉凱撒沙律 $118 Chicken Caesar salad 🥗 出街食飯最鐘意叫沙律，係厚實肉質嘅雞肉，零脂肪感，沙律菜爽脆新鮮心。 🐟香煎鱈魚柳燒粟米 $198 Soy Glazed cod fish （burnt corn🌽) 鱈魚柳外皮煎得好香脆，醬油味濃，肉質滑溜鮮香。燒粟米香甜惹味。 🍹Drinks : Apple 🍏 juice $38 & Mocha $35 食完咁多嘢之後飲番杯蘋果汁感覺好解滯。Mocha 朱古力味濃，幾好飲。 其實之前幫襯過黃埔分店，而呢度嘅氣氛好唔同，有outdoor 綠色草地🌿，夜晚感覺好chill，好多人收工後都會坐出面飲杯野。

星期日出開尖沙咀行街，大約7點晚飯時間黎到餐廳，人流唔多，walk in 都有位。一坐低服務員💁‍♂️先簡單介紹一下餐廳菜單，點菜其間可以調配埋醬汁。






🥘金湯花膠雞鍋 $368







好特別嘅製作方法💗，鍋裡盛着大大個腐皮用韭菜扎住，好似一個禮物包一樣🎁，裡面裝住食材有：半隻雞🐔、素翅、花膠、娃娃菜。服務員幫我哋加湯底時介紹：「湯底係鮮雞湯，由廚師每天花上六、七個小時熬製而成。」火鍋煲滾後，急不及待先品嚐湯底，飲得出係真正嘅鮮雞湯！而且湯底好清、唔油膩、無味精。雞肉嫩滑鮮甜，花膠黏稠滑溜。


🌹豬頸肉 $128



必點之選😋！砌到似三朵玫瑰花嘅豬頸肉，未食落口都已經夠晒吸睛，頭個幾啖好脆口，肉質越嚼越軟嫩美味。


🍡芝心牛丸 $52



肉質彈牙可口，配上芝士心，多一層口感。


🥟鮮蝦雲吞 $48



鮮蝦雲吞味道爽口，烚熟後更滲透雞湯鮮香味。


🥛豆腐$38



連埋湯底一齊進食更添嫩滑感。


🥬雜菜拼盤 $88



火鍋總喜歡食多些少菜，感覺會健康啲。


🫔炸枝竹$38



湯底本身有很多腐皮，炸枝竹更厚實口感。



餐廳採用玻璃廚房，極高透明度食客可以更放心。

一點半左右黎到餐廳，坐滿了客人，不過人流尚算快，剛剛有人賣單我倆剛有位子坐。 🥗蒜泥青瓜 係開胃涼拌，清脆青瓜充滿蒜泥味道，夏天食唔錯。 🐓口水雞 雞肉肉質係比較實一點口感，配上麻辣醬汁非常夾。雖然醬汁顏色深紅，卻無想像中咁辣，落單時要求麻辣醬汁分開另上，可以因應個人喜好沾上醬汁份量。 🐟十三少酸菜魚（下單時要求不辣） 大大盤酸菜魚，一放上枱已聞到香味，店員介紹係「每日用新鮮魚湯餚製，可以先品嘗湯底。」雖然用上很多酸菜，但湯底依然充滿濃厚魚香鮮味，還帶有有香辣薑味，魚肉非常嫩滑爽口，零腥味，雖然魚肉已起骨，但用上新鮮魚肉食材，所以進食時都要小心一點魚骨。 🍬紅糖滋粑 黏笠糯米沾上紅糖，外層係炸得脆口，熱熱地煙煙韌韌幾得意。 今次一改我對川菜「無辣不歡」嘅觀念，下次會再來呢。

假日和老公拍拖👫黎到饒宗頤文化館，未夠一點鐘黎到餐廳，當時仲有一半空位，但過左一點就好快就坐滿人，餐廳好文青feel，餐廳裡裡外外都有超多打卡位📸。 🦞袐製龍蝦包 配沙律 粒粒龍蝦肉都彈牙有咀嚼口感，帶有少許甜味嘅麵包🥯連埋沙律醬一齊食非常清甜。 沙律🥗很新鮮爽脆。 🍝招牌龍蝦仔白汁意粉 意粉一上枱就聞到用火槍灼熱嘅香氣，食材用上乾身爽口嘅小龍蝦和爽脆蘆筍，白汁充滿着龍蝦嘅海鮮味，還有少許胡椒香調味，意粉乾爽有質感，真係食唔停口。 🍹美麗瘦身良方 （柚子檸檬奇亞籽梳打） 其實係柚子、檸檬🍋梳打，再落加些奇亞子，酸酸甜甜好開胃。 ☕️像極了愛情的咖啡 （玫瑰士多啤梨牛乳咖啡🌹） 個名都夠晒浪漫💕，飲品都好靚，有士多啤梨和玫瑰花瓣放面，係一杯Latte 加咗士多啤梨🍓醬汁，再自己親手倒stand-alone 嘅espresso 落去Latte 到。味道係有少許士多啤梨嘅酸甜、expresso 嘅濃烈、少許咖啡嘅甘苦澀味，百感交集，真係好似愛情💓，後來見到好情侶💑都有點呢款飲品。 🥧純索朱古力蛋糕 勁重朱古力味！ 有啲似brownie 口感， 一層忌廉一層厚實朱古力🍫，比我食到有少少杏仁味道，唔知係咪落咗杏仁油呢❓味道唔錯😋。 🍰藍莓芝士蛋糕 係typical嘅藍莓芝士蛋糕， 不過比出面嘅cheese 無咁飽滯，質地奶滑。 🧉冷泡咖啡 好純、零咖啡苦澀味，外型好似酒樽咁，可以唔洗加糖加奶，好好品嚐咖啡真正原味道。 可能係星期日嘅關係，中午時分餐廳非常多人，真係一枱接一枱。好鐘意餐廳每一個枱角出現富有人生哲理嘅字句📖。享受了足足一個下午的漫活。

大約一點45分到達餐廳，無book 枱但好彩仲有吉位，其實當時餐廳已半滿，好快就full 咗。 🍝卡邦尼意粉 煙煙韌韌嘅意粉，用上比較拮身嘅卡邦尼醬，有兩條風乾煙肉調味，份量適中，醬汁唔會太滯，但就有勁多芝士粉🧀，啱晒我口味。 🐣田長雞翼 脆卜卜雞翼，好香濃嘅牛油味道，肉質嫩滑juicy。有少許沙律菜，感覺健康。 🧋香芋波波鮮奶 一開始見到隔離枱有杯紫色好靚😍嘅飲品，最後自己都叫咗同一杯飲品。充滿著紫色香芋味道，仲有紫色嘅珍珠粒粒，又靚又好飲。 🍹雪燕咖啡 每一口都充滿住燕窩嘅咖啡，咖啡味香濃，連埋燕窩很滑溜😊 🧁荔枝茉莉 酸酸甜甜嘅荔枝味道，加上有小小茉莉花香味，可以連cream 一齊食。 餐廳真係好靚，好多紫色花花裝飾💜，每一個角落都係打卡位，好多主人都帶悉心打扮嘅小竉物去影靚相📸。