與師傅暢談的一夜🤣 今晚同朋友一齊食半omakase，一半壽司刺身、一半串燒鍋物，價錢相宜都幾豐富🤩 頂級A5和牛套餐 $588 附上胡麻醬、酸汁及豉油，胡麻醬用嚟點海鮮，而豉油用嚟點壽司或刺身 🥗是日沙律：三文魚魚籽刺身沙律 🍣刺身拼盤：赤蝦、北海道帆立貝及赤身 大大隻蝦啖啖肉🤩 北海道帆立貝超級鮮甜 師傅喺我哋面前即整㗎！每款都好新鮮！ 🍣壽司拼盤；深海池魚、火炙吞拿魚拖面頰、大拖羅、火炙左口魚 每款壽司魚脂豐富🤩味道各有所長當中最有吸引嘅係大拖羅同埋火炙吞拿魚面頰 🍣OOMAKI 招牌自創手卷 木盤上用紫菜包住北海道海膽、魚子、拖羅蓉嘅手卷，師傅話一啖放落口中😙 味道超級鮮甜！淡淡的幸福感🥰 🍢串燒拼盤 脆脆雞皮、彈牙雞腎及燒得勁香嘅豚腩 🍤天婦羅拼盤 炸蝦、秋葵同南瓜🎃 🥟沖繩豚肉餃子 新鮮煎起超級熱🤣 外脆內軟喔！ 🍖鍋物 A5和牛 和牛超粉嫩！滾一滾就食得超軟腍🤩 每人有3大塊，食完好滿足啊🥰 鍋物放入🥬野菜盛盒，吸收哂啲醬汁味一齊食！ 🍚烏冬/白飯 🍵甜品：抹茶蕨餅

Sake Bar Chu Chu 有多款串燒同清酒！裡面有駐場唎酒師介紹清酒🍶互相交流🙌🏻 仲會不定期提供唎酒師課程～ 🍶佐酒小菜 $38 招財貓貓最中餅夾住三文魚沙律，底部配上紫薯及蓮藕片 🧡麻辣風鮟鱇魚肝 $118 同兩姊妹涼皮有限公司合作嘅麻辣系列🌶️麻辣醬超級香噴噴🤩 味道唔會太辣 麻味唔錯～愈嚟愈開胃呀！留返啲麻辣醬用嚟沾串燒😆 🐟燒馬友一夜干 $198 大大條燒得好香，熱辣辣咁食都好暖胃～ 外皮有少少鹹可接受的，裡面肉質都幾香滑～ 🦪清酒煮廣島蠔 $128 廣東蠔有4隻左右，配上白蘿蔔及菇類，飲完暖笠笠～ 🍗自家製月見免治雞肉棒 $48 雞肉棒棒咬落去有啲粒粒喺裡面有咬口！ 🍗梅醬紫蘇雞柳 $58 🍖厚切牛舌 $68 超級彈牙嘅牛舌‼️ 🐟白鱔 $78 外皮燒得香脆，鱔肉外脆內軟～ 🔥炭火串燒set $158 用炭火燒嘅串燒包括豬腸、雞軟骨、雞尾、雞柳、鵪鶉蛋 飲咗呢幾杯sake 🍶黑龍龍 大吟釀 $118 🍶黑龍 大吟醸 $108 較甜身伴前菜熱熱身先 🍶敷嶋縣 純米大吟醸 無濾過生原 $98 比較特別米果味香濃🤭 🍶忠愛 中取り 播州愛山 純米大吟醸 $88 配上辣嘢一齊飲又唔錯！ 🍶宝船浪の音 浪庵 純米大吟釀 $88 花香味有啲辛口唔太岩我 🍶神龜 小鳥のさえずり $156 店員幫忙整熱杯sake🤭

帝逸酒店嘅春日料理性價比超高！ 觀賞美景同時享受高質美食 🌸春日料理特選套餐🌸 前菜—前菜三拼盤 左：鳳螺用上3小時煮食，爽口彈牙無沙！ 中：螢光魷魚瑤上芥末醬，彈牙！ 右：法式白色魚糕，味道辣中帶微酸～食完好開胃 🦪刺身—原隻北海道海膽 有30g北海道馬糞海膽！外層紫菜夠哂脆，配合鮮甜嘅海膽真喺好爽呀🤩 🍳蒸物—櫻花蝦青海苔茶碗蒸 茶碗蒸蛋滑嫩又夠香！裡面有櫻花蝦、青海苔，突出返鮮味！ 🐟燒物—鰆魚西京燒 魚脂豐潤嘅西京燒，入口彈牙淨實啊🥰🥰 🍤揚物—白魚山野菜天婦羅 包括紫蘇葉包白飯魚、雷菜滕演蒜、紫色椰菜花，配上蘿蔔蓉，天婦羅汁及櫻花鹽，外脆內軟，炸皮薄薄一層🤩 🍣御飯—竹葉蒸壽司 木盒專程由日本職人購入，蒸壽司即場點火蒸，由師傅打開，竹葉味道充斥整個空間啊🤩 裡面超多餡料！鋪滿鰻魚、大蝦及海膽🤤🤤 🍲椀物—竹筍大蜆味噌湯 裡面大大隻嘅蜆肉、入口鮮甜又暖笠笠，仲有有竹荀香味嘅味噌湯🤩 🍓甜品—草莓櫻餅 鮮甜嘅草莓🍓配上大葉櫻餅，裡面喺紅豆餡料～作為飯後甜品大滿足啊！

2024年2月29日‼️ 喺呢個4年一度嘅特別日子💕 來自南澳酒莊Penfolds同帝京酒店crossover舉行special wine tasting🥂 特意挑選6款酒配搭6道菜品🍽️ 夜晚同大家一齊盡興一番😌 當中最喜歡Bin 704 & 10YO🍷🍷

🥚序幕 APPETIZER
花蟹茶碗蒸•普洱海參凍 •鬈髦豬叉燒
Crab Meat, Egg, Steamed / Sea Cucumber, Jelly Mangalitsa Pork, Barbecued
🥂KOONUNGA HILL AUTUMN RIESLING 2023
第一款酒帶有果香及少少酸味，作為開胃菜嚟講都唔錯～
·估唔到前菜都咁豐富，花蟹超香新鮮而茶碗蒸夠滑溜，海參凍一咬落去普洱味道滲出嚟😳叉燒燒得焦香超香口啊！

🦞焰舞 LOBSTER
青花椒 •龍蝦球•炒牛乳
Lobster Fillet, Chilli, Milk, Stir-fried
🥂CELLAR RESERVE CHARDONNAY 2019
比較dry及重身，酸度高啲，適合配搭海鮮
·乳龍蝦肉球超級彈牙又爽口‼️中間喺炒北海道牛乳，入口嫩滑得嚟又香脆口感🍳混合竹笙、薑米油，蟹頭油，一齊食好香，最特別喺有青花椒，有陣陣嘅麻味，一啲都唔辣！味道好特別🤣

🍖韶 華 PORK
琵琶烤豬•法國鵝肝•蝴蝶夾
Suckling Pig, Foie Gras, Steamed Bread
🍷CELLAR RESERVE SHIRAZ 2021
呢款酒香醇又溫和比較silky, 配上油膩嘅肉比較舒服
·乳豬肉配上大大塊鵝肝🤩 用蝴蝶夾夾住一齊食，一啖咬落口，乳豬外皮脆口，肉汁吱哂出嚟，而鵝肝細緻綿密，超香噴噴🤪🤪 啖啖肉嘅感覺好想再回味😳

🍋TEA🫖
檸檬•薑茶 Lemon, Ginger Tea
中場休息喝杯薑茶暖暖身，清清油膩感💕

🍖土飼 WAGYU BEEF
宮崎 A4 極上和牛
A4 Miyazaki Wagyu Beef
🍷BIN 704 CABERNET SAUVIGNON 2019
好鍾意呢款酒獨立飲用好易入口好醇滑，帶有莓香味🍓適合同肉類及芝士一齊享用。
·和牛切成一片片粉嫩色，以秋葵及芥末醬作伴碟，配埋酒一齊食用👍🏻👍🏻



🍗鳳儀 CHICKEN
龍香•沙薑雞
Marinated Chicken, Secret Ginger Sauce
🍷CELLAR RESERVE GSM 2022
呢款酒帶有香濃嘅花香味，配上白肉味道剛剛好～
·蒸籠裡面可以熱住隻雞🍗 雞肉質超級嫩滑～好暖笠笠！

🍜絕品 NOODLE
澄海滷鵝，淮山麵 Brine Goose, Huaishan Noodles
·澄海獅頭鵝配上苦瓜，可以去除油膩感。
准山麵入口比較爽口，湯底滷水味勁香噴噴😍

🥛港甜 DESSERT
鴛鴦茶，奶凍 Coffee and Tea, Panna Cotta
🍷FATHER GRAND TAWNY 10YO
呢款酒入口好似梅酒咁，帶點酸酸嘅果味，可以中和返甜品嘅味道‼️
🍮成個甜品都可以食㗎！外殼係好似茶記檸檬茶白朱古力，裡面係喺滑溜嘅鴛鴦奶凍，配埋10YO一齊食，有種奇妙嘅變化好好味😋

粵式老飯店「生記飯店」由灣仔協生大廈搬到三湘大廈，創於1976年，連續10年榮獲米芝蓮指南推介餐廳🍽️有質素保證✨ 🍖上湯枸杞浸厚切豬潤 $188 黃沙豬膶超級出色，每塊都好厚起碼有成1-1.5cm厚度！咬落去爽口得嚟唔會太過粉，吸收哂枸杞湯味！清甜得嚟一啲都無豬羶味！ 🍲生拆泥猛肉丸粥 $188 4位 成煲上，附油炸鬼～ 裡面有肉丸、泥猛肉，味道帶有陣陣魚香味，粥底鮮甜，稀稠度適中，裡面無魚腥味！最重要嘅喺我無食到骨啊👍🏻 🍈蝦籽古法扣柚皮(1件）$118 嘩！人生第一次食古法柚皮，原來柚子皮都可以食😳 柚子皮入口超級軟腍無苦澀味，吸收哂汁啲味道，仲帶有柚子絲添！ 🍗生記招牌古法鹽焗雞 半隻 $195 超級香噴噴嘅雞🍗有埋雞頭！雞肉質嫩滑，就算喺雞胸部位都保持到嫩感😳 🍍菠蘿生炒骨 $148 好夠獲氣嘅生炒骨，甜酸度適中～生炒骨肉質都唔錯，菠蘿都唔會好酸～愈食愈開胃！ 🥨家傳手磨生煎蓮藕餅(8件） $128 煎得香香入口爽脆嘅蓮藕餅，用上冬菇粒、臘肉粒、豬肉、鯪魚肉、芫荽同蓮藕粒製作而成～ 🫖每位茗茶$15

今次同朋友一齊享受生活🥰一齊學到好多做女人嘅事情😳 4 course $468 🦪生蠔鰹魚湯啫喱 Lobster bisque, lobster ravioli +$88 生蠔超級鮮甜一啲腥味都冇🥰 配上黑魚籽牛油果creamy 得嚟好爽😆 🦞龍蝦湯 Oyster tartare, avocado, Kristal caviar +$148 個龍蝦湯用酒煮過夠哂濃郁🍷用上干邑泡泡，綠色嘅basil oil ，裏面係意大利雲吞🥟 🍚Risotto, wagyu beef cheek, winter truffle +$88 入口即溶嘅和牛面頰配上粒粒分明嘅意大利飯，表面仲有黑松露好香啊～ 🍤Carabineros prawn homemade spaghetti🍝 +$128 自家製嘅卡邦尼蝦意粉，入口彈牙，女仔share食剛剛好～ 🍗USDA ribeye, 3 peppercorn sauce +$108我哋叫咗五成熟，美國肉眼粉嫩色嘅肉質，牛味濃郁，配上3種椒醬～ 🍖Pork loin, chorizo potato, mustard sauce +$88 豬肉彈牙爽口！配菜為薯蓉+椒、甘筍🥕 🧀Cheese Platter + $38 三款唔同嘅芝士配上咖啡一齊飲好滿足😆 🌰Dessert 粟子tiramisu🤤🤤好香滑喔 ☕️Mocha ☕️Cappuccino

恭喜哂朋友結婚啦🥳🥳 今次喺佢婚後第一個晚餐😆😆 天婦羅&壽喜燒Dinner Menu $1188 前菜3品 🐚白梅貝+洋蔥煮入哂隻螺 🫔牛蒡免治雞肉卷 🍆和牛田樂茄子 表面有味噌醬配上 🍳松葉蟹肉黑松露茶碗蒸 蟹肉香噴噴而黑松露味又唔會太搶😝 天婦羅part 開始啦💁🏻‍♀️💁🏻‍♀️ 附上天婦羅汁、柚子鹽及抹茶鹽🍵配合返各種海鮮，以及梅子蘿蔔蓉清一清油膩感～ 季節海鮮❄️ 🔸愛知縣 目光魚 點抹茶鹽，即炸起超熱！入口超級脆卜卜魚肉保持香滑🤩 🔸兵庫縣穴子 點抹茶鹽 （星饅）咬落超爽口😳 🔸北海道帆立貝 點柚子鹽 外脆內軟好特別嘅感覺🥹 日本野菜2款 🍆熊本名物赤長茄子 點天婦羅汁 🍠3種番薯餅甘時紅薯、甜薯、紫薯 有漸變色效果甜甜哋咁 壽喜燒-SUKIYAKI 🍖A4十勝和牛肉眼三片 牛脂豐潤勁靚，師傅會問想要幾多成熟～我哋叫咗4成熟～三塊會分開幾個階段食🔥 附上長崎縣無菌醃蛋，蛋黃浸醬汁浸咗3-4個鐘。 一嚟梗喺食第一塊先啦！將和牛片沾沾蛋汁食好香滑🤩 入口即溶超幸福啊🤤 第二塊同第三塊喺食野菜時食～ 日本野菜5品 吸收哂燒喜燒汁甜甜哋～ 🧅兵庫縣洋蔥 鮮甜美味😆 🥚厚揚絹豆腐 實心豆腐 煙韌 🍄長野縣花菇 花形金時人参紅蘿蔔 🥬娃娃菜 咬落爽甜夠清！ 🍝葛絲吸收哂啲壽喜燒醬汁 北海道白米飯🍚 呢個白米飯用嚟配壽喜燒和牛～咁樣配搭一齊食好香口！朋友仲食咗2碗添😂 漬物碗物：大蜆清湯🍲超鮮甜啊🥰 甜品為自家製作檸檬木糠奶凍🍋

最平$680就享受傳承自東京米芝蓮一星「銀座いわ」 水準🤩由「銀座いわ 」東京米芝蓮一星餐廳創辦人岩央泰，同入室弟子金子司主理嘅過江龍，主打江戶前風格Omakase，食材同本店一樣新鮮✨店內走日式簡約風格，進店就感受到高雅清寂感覺，好有氣氛，而壽司吧枱用上250年日本和歌山吉野檜木製成，質感滿分💯

Lunch Omakase $680
清雅 みやび Pure Elegance

🍠海老芋 木魚湯煮過+柚子皮 入口即融甜甜哋
🦀松葉蟹肉茶碗蒸 蛋夠哂滑溜裡面有日本年糕🤩
🐙墨魚 中間夾住紫菜 彈牙易入口
🍊愛媛縣蜜柑鯛 呢款魚飼料時添加蜜柑皮 食用時散發著淡淡蜜柑香味～
🦐富山縣白蝦昆布 配搭蛋黃豉油 啖啖肉好滿足啦！
🦪北寄貝 彈牙爽口
🐟池魚 爽甜滑！
❤️赤身醬油漬 來自青森縣下前地方 赤身好入味
😳中拖羅 魚脂豐潤恰到好處 滿滿幸福感
🌸春子鯛 撒上柚子皮好香，魚質厚身彈牙～
🧡北海道馬糞海膽 用紫菜包住，超鮮甜一啲都唔腥耶🥰
😝海鰻味道濃郁～
🍳玉子燒魚肉蝦肉 好似蛋糕質感嘅玉子燒夠哂香！
🍳好似布丁質感嘅玉子燒，裡面有忌廉表面有焦糖，入口滑溜！
🍲味噌湯
🍨甜品雪糕

尖沙咀海港城新開嘅「安娣瑪萊 Auntie MALAY 」，店內充滿南洋風格嘅花磚，五彩玻璃及希藝，牆上掛有大型壁畫描繪馬來西 亞太太溫婉面貌🌴配合亞熱帶植物，營造出綠意環繞的氛圍。門口嘅巨型鳥籠沙發座超靚呀！坐喺裡面好舒服✨ 🫔迷你魚醬蝦米春卷 喺馬來西亞嘅新年食品，蝴蝶結造型入口脆脆又香胃～ 🧡焦糖脆魚皮 魚皮炸到脆卜卜，甜甜哋帶點微辣，有檸檬葉、青檸葉同開心果碎香氣～ 🍳蠔仔塔塔蛋餅 好夠鑊氣！蛋餅大大份裡面蠔仔一啲都唔腥份量都夠～ 🦐黄金軟殼蝦 超級脆卜卜外殼都食到🤣 🐟亞參酸辣沙巴仔配黃金油條 🍖仁當牛面頰肉配燒肉鬆糯米飯卷零 🍗海南雞鑊仔飯 超惹味嘅海南雞鑊仔飯，店員即製將鑊仔飯撈起，淋上醬汁然後再加上肉質鮮嫩海南雞，鑊仔飯帶有少少飯焦一齊食🤤 🍮薑汁焦糖布丁 布丁質能滑溜，帶淡淡蛋香味道唔會太甜，裡面仲有粒粒開心果碎～ 🥪班蘭咖椰多土 好邪惡裡面班蘭咖央醬好正，裡面仲有一大塊牛油🤤 配埋個酥脆多士好正 🌈娘惹七彩香蘭糕 色彩繽紛好靚嘅糕點，飯後來一點甜～ 🥛班蘭紅豆沙 🫘紅棗杞子茶

發現車輪包界嘅天花板🍪 估唔到呢個車輪包出爐1分鐘即被搶購一空🤯 我剛好拎到一個😝 我個日去喺紅日，超多姐姐喺門口等車輪包出爐😂 因為我到達時，仲要15分鐘左右先出爐，唯有一齊喺門口等🤣 啲姐姐話呢間紅豆烘焙嘅車輪包好好味又唔會太貴😋所以放假會買嚟食開心吓🤭 🍪車輪包喺西洋菜南街店限定‼️ 🍫榛子車輪 新鮮出爐勁香噴噴！表面朱古力醬溶化緊勁靚！熱辣即食嘅話食到外面層酥皮好酥脆🤩 可以一圈一圈咁開分開嚟食！ 🍓草莓車輪 聖誕限定特別版，店員話睇唔知會唔會再推出！表面粒草莓🍓超可愛的！ 店內仲有好多甜品切餅🍰3D造型蛋糕🎂布丁麵包🍮菠蘿油🍍港式麵包🥖曲奇🍪方包🍞酥餅等等！種類好豐富啊！