哩間小店位於地方唔太就腳嘅地方，平時去荃灣都應該唔會上到去哩個位行街。但為左去食佢地嘅燒賣專登過去一趟都係值得的 由於我去買個日突然間落雨落到倒水咁，所以我都係買些未蒸嘅燒賣返屋企慢慢享受算🫠 以我記得係$20/10粒，仲要係人手自己包嘅燒賣簡直買少見少，所以好想寫下食評支持下 老闆娘好好知我買返屋企食，另外比左袋豉油同辣油我，同埋叮囑我燒賣放冰櫃可以存放耐啲，但豉油最多就放3日，因豉油佢地有自己調製過，唔放得太耐 味道👅方面 唔駛講一定好食，同平時街邊篤嘅燒賣好唔同，你會食到佢係真材實料唔會只係得舊粉而且大大粒，以咀仔咁細嘅我嚟講，1粒可分3啖食超好食gogogo 評分（5👍🏻最高） 味道👅 👍🏻👍🏻👍🏻👍🏻 人情味😋 👍🏻👍🏻👍🏻👍🏻👍🏻

朋友話哩間餐廳無服務可言，但食完佢嘅野食係會返轉頭想再去食的，所以佢就約左我來試下菜。🥦🫛🫑🌽 係openrice book左8:30pm, 係門外等左10-15分鐘左右都已經可以入座。（當日係平日，門口無野做時聽到，walk-in要等個半鐘）😅😅 由於我地係兩位少女，食嘅嘢唔太多，所以只點了以下幾道菜： 1️⃣貧窮是寂寞拼盤（半份） 由於叫半份關係，我地只可以㨂3款最愛食🙃🙃 炸魷魚、蝦餅同春卷 3樣野當中，我覺得蝦餅係最好食，食落去有鮮味而且熱辣辣 yo~ 炸魷魚同春卷就普普通通 正正常常咁啦 2️⃣冬蔭公大蝦Pizza 哩個Pizza好足料，蝦🍤大大隻，少少少少辣咁，味道都ok 😉 3️⃣楓糖芝士奶蓋香蕉麻糬 最好味就係哩個壓軸登場嘅waffle 😋😋 芝士奶蓋同麻糬都係我摯愛 （其實所有肥仔野我都鍾意❤️）將所有野加埋一齊食，一個字 其實哩個甜品都好飽肚，我地兩個少女差啲食唔哂 另外服務方面，可能太忙，落單呀加水呀可能要揮多幾下手先會見到你，不過都理解嘅～所以服務都唔係想像中咁差嘅😄 評分（5👍🏻最佳） 味道👅 👍🏻👍🏻👍🏻 服務💁 👍🏻👍🏻👍🏻

由於另一半只鍾意食拿破崙蛋糕🎂，所以每年佢嘅生日我都會為佢搜羅唔同嘅拿破崙比佢品嚐下😋😋 今年上網搵左好耐見到好多comments 都話哩間係拿破崙蛋糕界嘅天花板，咁無奶油唔買來試吓啦🧐🧐 生日前3日係網上訂，到當日㨂最遲個個時間拎。 由於好似7點左右去拎，但到到11點左右先拆開嚟食，本身都擔心個蛋糕會倒塌 （6月嘅天氣熱到跳舞💃🏻我仲拎住佢周街走，驚佢唔會塌咁）一打開見佢都仲好靚仔喎，出左街成晚都仲keep到個靚樣。 味道👅方面，由於我㨂個個係雲尼拿加香芋口味，所以可以一次過試兩種味。 下層的香芋味好似食緊🥛公司香芋味雪糕咁，甜度唔太甜，我覺得剛剛口唔會太膩。 雲尼拿個層比香芋個層甜少少，但都係接受範圍內，而且有雲尼拿籽係入面，所以雲尼拿香味都好出。 最後要講個餅底真係好酥脆，咬每一下都會有酥脆嘅聲。👍🏻👍🏻👍🏻食唔晒放雪櫃到第二日食都仲脆，真係好少見。由於第2日已經食晒，我試唔到第3日仲脆唔脆🤭🤭🤭 評分（5👍🏻為最高） 味道👅 👍🏻👍🏻👍🏻👍🏻👍🏻