將軍澳海邊西餐-THE HUNTER


呢間餐廳喺將軍澳海濱嗰邊，主打地中海菜，比市中心遠少少，不過可以泊係藍塘傲🙂當日唔算太多人，因為怕熱所以坐左indoor比😅outdoor 打卡位都好有氣氛🤪

Order左龍蝦湯：味道偏酸，唔知地中海菜係咪咁嘅style😅
烤羊架：烤得幾香😉好香炭燒味，油香同羊臊味取得平衡😌好似底下係茄子蓉，幾特別
烤雞都好嫩滑，一切開啲雞油都流出嚟🙂
Pinna Calada：見Menu冇，bartender專登整架😉另外點左杯Fizzle Swizzle既mocktail, 有passion fruit, coconut, pineapple 酸酸地幾開胃😙

Overall 唔錯，幾有氣氛，食飽飽仲可以去附近Donki行吓🤣Happy hour 都好岩Feel🍺

澳門地道地道咖喱雞米-金城二食店

呢間特色店都係捐窿捐罅先搵架😂佢哋最出名係咖喱雞😂咁緊係試試有幾出名啦，今次離開遊客區，唔使排足成個鐘(遲下就唔知😂), 一場嚟到梗係試佢個咖喱雞米，等多陣就有啦，咖喱味真係好濃郁，但湯唔會太”傑”，雞件都好滑，而且份量都唔少㗎🤤可惜飲品就比較淡味😅

如果唔想排隊既朋友，可以過黎試吓😬我今次去二店，應該係分店掛😅

銅鑼灣Chill嘆西餐-Arcadia Fb:下一站豬欄; IG@Pig7station 估唔到金朝陽中心都有間格調餐廳，一嚟都門口都好有氣氛，一排Bar枱放滿各式各樣的酒，色彩繽紛🍸另外有個打卡位係氫氣球，可以再去影相㗎， outdoor都好靚，過嚟嘆返兩杯🍻就最啱啦 被安排到窗邊位置，先黎廁所Nuts😂 order 左忌廉煮青口: 青口配上白酒prefect match😋不過麵包太脆，沾唔到汁 蝦肉長春卷: 大大條好香脆，配上酸辣醬更惹味 脆烤意式飯: 呢個幾有驚喜，係外邊找到脆脆嘅飯團😂有少少cheese口感 相信夜晚更有氣氛，約埋朋友過嚟Chill 吓打吓卡☺️

XXL Cinnamon Ring-Le Salon De Thé de Joël Robuchon


呢款Cinnamon Ring好搶手㗎，上次都係訂購咗先有，今次試吓碰碰運氣，點知未賣晒喎😌睇外表已經好吸引，大大件🤪未打開已經好大陣玉桂味，表面沾滿糖漿，令到外型更加吸引，返到去可以焗返熱食，都可以放到一至兩日😙麵包好鬆軟，焗返熱食仲係表面脆脆架😗如果有興趣可以提早預訂啦

澳門有格調中菜-樂軒華粵菜餐廳


今次嚟到澳門，入酒店唔係嚟賭場🤣係去食好西先😂今次嚟到澳門十六浦索菲特酒店入面嘅中菜廳，被安排到窗邊位置，可以睇到澳門市景架，點心都唔錯，鹹水角夠香脆，蝦餃都大大粒架，一籠有5粒😂上面仲加上蟹籽

最特色係香脆五花腩，仲係用蠟燭熱住個碟上🤤切到一粒粒咁，方便一口一啖😂外皮好脆呀👍🏻坐得舒服，又夠格調，大家可以試試😊

觀塘懷舊冰室出爐蛋撻-英發茶冰廳

呢類型嘅懷舊冰室好少見，好多都變哂連鎖式，冇晒地道風味🙂今次嚟到觀塘呢間冰室，本身諗住嚟食早餐，食食下，聽到店員叫賣，見到佢嘅新鮮出爐蛋撻好吸引，即時叫咗一個🤣係曲奇皮㗎，外面好脆，而入面既蛋漿都好滑，仲係熱辣辣㗎☺️最後每台都叫1個，好快一盤賣晒😂其實佢仲有好多懷舊蛋糕㗎、卷蛋、蒸蛋糕，大家可以嚟支持吓小店👍🏻

出名沙嗲牛肉麵-渣華茶冰廳

平時lunch 見到門口排隊，今日預早少少黎試吓，等左一陣就有位啦，枱面唔大所以要搭枱，見到好多人點lunch set, 都抵食，不過今次目的係試沙嗲牛肉麵😂好快就到，沙嗲味好濃郁，有少少花生碎係面，鐘意花生味多既朋友應該幾鐘意😌另外試左通粉配搭，係細細粒個款通粉，幾好食😂

雖然坐得冇咁舒服，茶記都預左快食😅都係試食物，唔好expect service啦😂

觀塘出色咖啡拉花Cafe - Cobber Noodle and Waffle

觀塘除左商場都有好多其他食好西架，今次試咗你間Cafe😊訂咗位，所以好快可以入座，點咗以下幾款食品。最欣賞係個咖啡拉花，構圖複雜，而且好靚😌👍🏻👍🏻

喇沙意粉：幾surprise, 平時好少見意粉既配搭，少少辣幾惹味🤤海鮮都幾足料
芒果竹炭糯米窩夫配椰子雪糕: 感覺幾得意，煙煙韌韌嘅感覺，芒果配椰子雪糕好似泰式糯米飯咁🤣
蜜糖芥末雞翼：表面沾滿厚厚嘅醬料，好脆口，不過鍾意食黃金雞翼多啲😅

必食海膽拖羅壽司-壽司郎

心血來潮預早book咗壽司郎，登記後好快就有位，因為得1 hr 用餐時間，所以即刻用pad 點野食先😂必點既海膽壽司，拖羅壽司😌海膽好清甜，夠新鮮😛拖羅尚算肥美，呢個價錢都抵食

另外發現貝類都幾出色架，北寄貝壽司，赤貝壽司都好爽口😙感覺上物超所值，都幾滿意😋梅酒都好抵飲😂聽講某D分店唔會太多人，唔使等咁耐🤣大家可以試試，記住訂位呀

北角開心果控必食-初麥手作烘焙


之前試過呢間既布甸包好滑😊今次買左開心果千層包同埋其他味道嘅布甸包，竟然有開心果味，同埋芋頭味🤤開心果控要試吓啦😉

開心果千層包除咗表面佈滿開心果，入面都係開心果餡料，有淡淡嘅開心果味，又唔會太甜😀另外試咗開心果布甸包，麵包表面係淋身，如果返屋企可以焗返脆嚟食😂入面滿佈開心果餡料，好滑好香😗如果預啱出爐時間，會排長龍架🙃