呢晚嚟咗旺角嘅居酒屋食晚飯 見到有個幾抵食嘅二人餐 只需$298就食到5款食物😊 慢煮黑椒牛肉沙律 呢個沙律係用咗胡麻醬同埋新鮮蔬菜整成🥗 係一碟好Fresh嘅前菜 面頭仲有四大片黑椒牛肉🐮 令到呢個沙律唔會太單調 芥末牛舌 作為涼拌嘅前菜呢一個牛舌真係好特別👍🏻 因為用上Wasabi做調味 食落口有少少辛辣 牛舌粒整得好腍身 一啲都唔韌👅 炸雞軟骨 呢一碟炸雞軟骨上碟時熱辣辣 炸粉唔算好厚 但係就炸得好脆卜卜😮 配埋側邊嘅蛋黃醬真係絕配 日式煮餃子 呢一碟餃子外皮唔會好厚 入面就有椰菜豬肉餡料🥟 配埋底下嘅日式醬汁 真係好有和風滋味 三文魚海膽炒飯 呢個橙黃色嘅炒飯入面真係有好多海膽同埋三文魚😗 海膽炒飯炒得幾乾身 而且粒粒分明 仲有啲蟹籽喺面可以增加口感 飲品 我地另外嗌咗兩杯特飲 巨峰葡萄檸檬綠茶同埋柑橘檸檬綠茶🍵 兩杯都唔會好甜 清清地幾好味 我自己就比較鍾意柑橘檸檬多啲🍊 呢一餐都食得幾飽 呢個價錢喺旺角食到咁多野都算幾高性價比啊🥰

呢晚嚟咗呢間旺角天台嘅酒吧餐廳 餐廳名叫reflect😮 所以有唔少用鏡面反射做成嘅打卡位 無論係入口用置定酒吧位都會見到 餐廳有室內同室外位置可以選擇㗎👍🏻 焗粟米片 呢個小食真係好澎湃😻 有一座小山丘嘅粟米片 面頭用咗傑克同車打芝士 再加上碎牛肉同番茄 重點係有墨西哥辣椒 即刻好有墨西哥風情 好啱同一大班fd share嚟食啊😝 雞肉芝士餡餅 入面嘅餡料都幾多㗎 主要有雞肉同埋芝士🧀 一拎起餡餅 芝士做到拉絲效果😙 面頭有墨西哥風味嘅特製嘅牛油果醬 仲有番茄粒同洋蔥粒 食落口更fresh 肉食手工薄餅 Pizza嘅配料有碎牛肉 辣肉腸 火腿同洋蔥 pizza底係薄批 所以pizza邊係非常脆🍕特別鍾意面頭嘅風乾火腿 嗰種鹹鮮味令pizza變得好好味😋 海膽醬大帶子扁意粉 呢個一上檯已經聞到好香嘅海膽味 醬汁非常濃稠🍝 所以每一啖扁意粉都食到滿滿嘅海膽味 帶子上面仲有少少魚子 令鮮味更提升😙 呢餐晚飯真係非常滿足 如果下次想再食手工墨西哥fusion料理嘅話 一定會諗起呢間餐廳😎

呢日經過商場俾呢間餐廳嘅櫻花樹吸引咗 原來呢間係台式火鍋放題 有得揀坐櫻花樹下打邊爐 真係好特別 鍋底 可以選擇一人一個鍋底 免費拼湊成一個鴛鴦鍋😗 我哋嗌咗招牌麻辣鍋同埋惹味沙茶鍋🌶️ 麻辣鍋嘅味道唔算好嗆喉 我就更鍾意沙茶鍋 肉類 我地嗌咗澳洲M7牛胸腹套餐 呢個套餐包括咗六款牛肉🥩 澳洲M7牛胸腹 澳洲250日穀飼卡樂beef 精選牛板腱 日本鹿兒島茶美豚梅肉 西班牙栗飼豬梅肉同埋羊肉卷🐑 日本鹿兒島茶美豚梅肉好嫩滑 忍唔住一塊接一塊🤣 台式小吃 多款小吃包括麻辣鴨血 阿嬤金錢肚 台南府城蝦捲 宜蘭蔥肉餅 澎湖花枝丸 鹽酥雞 紹興醉雞 台式小雞扒同埋榴連炸彈 每款都係即叫即炸 上碟時熱辣辣😝個人最鍾意佢嘅台式小雞扒 入面仲保持好多肉汁 火鍋配料 自助吧嘅食物有好多可以選擇 有新鮮蔬菜 同埋火鍋嘅丸類 當中我最有印象嘅係牛骨濃汁牛丸同埋香菇香辣貢丸👍🏻 真係好有台式風味 仲可以用QR code落單嗌 台式墨魚滑 高麗菜豬肉水餃同埋韮菜豬肉水餃🥟 飲品 有多款台式飲品可以揀😻 連甜度冰度都可以自己揀 真係好貼心🫶🏻 我地試左別忘了水果茶 珍珠奶綠 蜂蜜檸檬綠茶 別忘了四季春🍵 個人最愛珍珠奶綠🧋 甜品 有得食waffle 我哋揀咗朱古力雪糕配迷你窩夫 同埋棉花糖小芋圓配迷你窩夫🧇 發現小芋圓同埋迷你窩夫非常之夾 小芋圓口感煙煙韌韌 係個幾特別嘅甜品😉 更可以揀Mövenpick雪糕 不過就只限嗌一杯🍦 呢度整體環境闊落 感覺舒適 提提大家 食放題要量力而為 唔好浪費食物 一齊做個惜食之人啦

呢日下晝同事話好耐冇食日本嘢 所以佢就建議咗嚟呢間日本餐廳食個lunch 我哋叫咗一人一個午市套餐 再加配咗兩份小食🥰 九品壽司盛配油揚稻庭烏冬定食 呢個係新推出嘅套餐 有齊晒壽司同埋稻庭烏冬 仲有一片油揚喺稻庭烏冬嘅面 甜甜地但同口感煙韌嘅稻庭烏冬好夾🍜 九品壽司包括有 三文魚 油甘魚 吞拿魚 劍魚 赤蝦 鰻魚 吞拿魚腩蓉軍艦 三文魚子軍艦 同海膽軍艦 全部都整得好靚 同埋用料幾新鮮🍣 一份定食仲包括麵豉湯 櫻花蝦沙律 茶碗蒸 角切刺身丼定食 望落好豐富✌🏻 三文魚粒 吞拿魚粒 劍魚粒 八爪魚粒 青瓜同埋玉子 一個丼飯滿足到好多個願望 定食同樣包括麵豉湯 櫻花蝦沙律及茶碗蒸 茶碗蒸入面有原隻蝦仁 蟹柳 白果 同埋菇 真係好有日本原創嘅風味🫢 黃金軟殻蟹 呢個非常推介大家嗌🦀 軟殼蟹加埋鹹蛋黃真係好邪惡呀😝 厚肉嘅軟殻蟹外層炸得好脆 側邊仲有紫菜包裹住一齊食 更加特別 唐揚雞軟骨粒 一碟嘅份量都幾多 送酒一流😂 入面唔會炸得太乾身 濟埋檸檬汁同點埋蛋黃醬就更可以減低油膩感🐥 呢度嘅午市套餐免收加一服務費 所以性價比都幾唔錯 抵食得嚟味道都幾好👍🏻

呢日約咗友人去一間餐廳 點知餐廳full晒 冇得walk in😮 我哋諗唔到食啲咩好 就去咗food court 因為美食廣場咩菜式都有 任君選擇 俾我無意中發現咗呢間藏身喺food court嘅點心店🤣 點心拼盤 一份點心拼盤有齊晒五樣招牌產品💕 入面有叉燒包 蝦餃皇 香菇燒賣 飛碟雲吞 同埋棗皇糕各一件 叉燒包餡料充足 五樣點心入面 我就最鍾意食燒賣🥳 下次可以嗌多一籠燒賣 鴨腳扎 兩隻都好大件 除咗鴨腳之外 入面仲有豬肉同埋好鬆化嘅芋頭✌🏻 最欣賞佢外層入味嘅腐皮 豉汁蒸鳳爪 呢度嘅鳳爪隻隻都好厚肉 除咗面頭有豆豉底下仲有花生粒🥜 流沙奶皇包 一籠有兩件 搣開啲奶皇包晒出嚟 奶皇包非常軟熟 係一個好推介嘅菜式🍞 鮮蝦腐皮卷 即叫即炸 非常脆卜卜🫶🏻 入面嘅餡料有彈牙嘅蝦仁 芹菜 沙葛 所以除咗有外層嘅脆腐皮之外 整個腐皮卷嘅口感幾有層次🦐 中國茗茶 食點心點可以少咗有中國茶啊😉 呢度嘅茶係逐杯計嘅 我同友人就嗌咗一人一杯 可以消消滯呀嘛🍵 呢間點心真係即叫即蒸㗎😝所以上檯時都熱辣辣 食物絕對冇因為佢喺美食廣場而遜色 下次嚟要試吓佢嘅荷葉蒸飯同葡撻先得🤗

呢日去咗油街實現做文青 感受一吓藝術氣息🎨 夜晚就嚟咗呢間cafe坐吓 食個晚餐 黑椒牛肉多士配薯條 想食得輕量啲嘅話 呢份多士係個唔錯嘅選擇🥪 多士係酸種麵包 輕輕烘過之後 搽上一層horseradish sauce 呢一種醬汁食落酸酸地 有少少似cream cheese🤣 然後再有火箭菜黑椒牛肉同埋燶邊太陽蛋🍳 整個配搭都好夾 旁邊仲有大量嘅薯條🍟 煙鴨胸波椒汁蝴蝶粉 呢碟蝴蝶粉嘅份量夠晒同朋友兩份分享 佢嘅形狀好掛汁 醬汁嘅味道有少少墨西哥風味 因為主要嘅材料有三色椒🫑 然後面頭有五片非常厚身嘅煙鴨胸 餐廳完全唔吝嗇 五片煙鴨胸都係有一定嘅厚度 所以煎香完之後入面都保持住Juicy Latte 呢間cafe嘅咖啡真係別出心裁☕️ 拉花都幾獨特 成日都帶俾人驚喜 呢日得到嘅係印度猶長嘅造型😮 latte 奶同咖啡嘅比例好好 奶香十足 Cold brew 呢個都幾特別 係裝咗係一個玻璃樽入面 再附上一個球狀嘅冰粒🧊 等我地飲嘅時候先加落冰度🫢 我就更鍾意呢個 因為有好香嘅咖啡香👍🏻 呢間cafe嘅質素都唔錯 食完先記返起自己喺旺角都有食過呢間餐廳 兩間分店都一樣咁高質啊🥰

見到呢間台式餐廳喺網上有咁多正面評價 呢晚就嚟咗呢度試一試 餐廳店員係操國語嘅 我估佢哋真係台灣人嚟㗎 牆上面亦都有台灣著名景點嘅壁畫 我哋就坐咗喺可以望住個九份景嘅位置😂 豐盛台灣牛肉湯麵 呢個湯麵真係冇改錯名 佢真係好豐盛 有好多款唔同嘅配料喺入面 香菇貢丸 花枝丸 牛𦟌 滷蛋 油麥菜🥬 佢用上關祖麵 都幾有咬口 湯底都幾濃郁 我最鍾意佢嘅牛𦟌 因為真係滷得好入味 同埋好腍🐮 麻油雞+飯菜套餐 一份套餐有齊一個台式麻油雞湯 滷肉飯 灼青菜👍🏻 一盤咁嚟 望落好豐富 我幾鍾意佢個滷肉飯 因為除咗有滷肉之外 仲有大量嘅肉鬆 送飯一流🫢 麻油雞湯唔會好鹹 清清地 仲有成隻雞腿肉喺入面 抖起來~兔刨冰 見到店員拎嚟嘅時候隻兔仔已經跳緊🐰 呢隻兔仔係一隻桂花味嘅布甸🍮 所以都幾有驚喜 兔仔嘅下面有一層紅豆蓉 喺下層係有仙草汁嘅刨冰😮 唔少得嘅係佢側邊嘅芋圓 地瓜圓 紫薯圓 三種同樣整得出色 呢一份份量好多 啱晒同朋友分享 飲品 珍珠鮮奶茶 呢一個鮮奶茶嘅味道唔會好甜 而且呢度嘅珍珠煙煙韌韌整得幾好食🧋 黑糖芋芋鮮奶 呢一杯我哋嗌咗少甜 鮮奶撈埋甜甜地嘅芋泥 真係好夾 呢間台式餐廳都幾地道 食物味道幾吸引 特別嘅刨冰仲好啱打卡添😉

上星期六帶咗媽媽嚟呢度享用星期六日晚市先有嘅韓牛精割品味體驗套餐🐮 呢個套餐都幾抵食 有廚師即席表演切牛添㗎😻 稀少韓牛部位 先嚟講佢嘅主角 呢個套餐包括咗五款韓牛嘅部位 包括有板腱肉 翼板肉 沙巴當 肩胛里肌同埋特級牛小排 😉 廚師會喺桌邊即席切韓牛🔪 而另外一位店員就會逐個部位同你介紹 個人就最鍾意沙巴當 油脂豐富 肉質嫩滑🥩 韓式前菜及小食拼盤 呢個套餐包括咗有五款韓式前菜 有泡菜 牛蒡 菠菜 海帶 同埋海鮮芽菜😮 海鮮有蝦仁 蜆肉 魷魚 都幾豐富 韓式小食拼盤一份有齊韓式年糕 脆炸薯條同埋煙肉片🥓 薯條上碟時熱辣辣🍟 煙肉片炸得好脆 韓牛脂飯 係一個石頭鍋飯 主要嘅材料有韓牛粒 雞蛋 炸蒜 香蔥🧄 店員會幫手將材料撈勻 韓牛粒嘅份量都幾多 整個石頭飯會唔會太乾 石頭鍋飯嘅炸蒜味道嘅 整個飯都幾惹味🍳 是日精選韓國酒 韓國酒可以三選二 我哋就揀咗燒酒同埋柚子酒 柚子酒味道比較容易入口🥂 兩款都好有韓國風味 蜂蜜雪糕 底下嘅係牛奶雪糕🍦 加上面頭有啲蜂蜜同埋有蜂巢添㗎🍯 蜂蜜撈埋牛奶雪糕味道幾好 真係好有特色 呢度嘅服務真係好好 嚟緊就係母親節 喺星期六日帶媽媽過嚟食呢個套餐就最適合啦💛

嗚 要去到下半年先有時間去旅行啦🥲 掛住韓國都可以過嚟呢一間韓式Cafe過吓癮先 適逢春天嘅來臨 呢一間Cafe提供咗多款櫻花系列嘅產品🙀 除咗造型特別之外 味道都唔錯㗎 半半炸雞 呢一款炸雞係可以喺其他口味度揀兩款🍗 我哋就揀咗芝士炸雞同埋蜂蜜炸雞🍯 兩款都係有啲調味粉喺上面 黃色嘅係芝士炸雞 白色嘅係蜂蜜口味 兩款都同個炸雞好夾 炸雞非常香脆 雞皮炸得好鬆化 入面嘅雞肉仲保持肉汁👍🏻 非常推介呢一碟嘅炸雞 初開櫻花牛角包窩夫 呢一個甜品真係整得好靚 牛角包窩夫好香牛油味🥐 兩層牛角包窩夫中間有一層士多啤梨芝士蛋糕同埋cream 酸酸甜甜 非常開胃🍓 側邊仲有個牛奶雪糕🍦 上面有啲士多啤梨乾 同埋側邊都有啲櫻花造型嘅餅乾 櫻花滿開刨冰 呢個刨冰即叫即製 需時大概15分鐘🍧 面頭有一層口感好豐富嘅cream 睇吓刨冰主要都係士多啤梨味 最欣賞嘅係佢側邊有啲士多啤梨芝士蛋糕同埋櫻花造型嘅餅乾🍰 芝士蛋糕口感好Rich 夾埋刨冰一齊食 口感都幾豐富 飲品 我哋仲嗌咗兩杯櫻花主題嘅飲品 櫻花綻開棉花糖泡泡 呢一杯係熱飲嚟嘅 個賣相好靚 但係即使嗌咗少甜 味道都係偏甜 如果唔鍾意飲甜嘢嘅唔建議嗌呢杯🤧 另一杯櫻花樹下奶昔 呢杯係凍飲嚟嘅 底下有啲綠茶味 整體賣相真係好做到櫻花樹下嘅感覺🍵 如果有鍾意粉紅色嘅你 可以過嚟呢間餐廳用餐🍴 因為呢度嘅裝修同埋食物都令人好有少女心💕

呢晚經過荃灣呢間泰菜 見到門口都有人望緊個menu 咁我都唔執輸 睇吓有咩好嘢食啦☺️ 見到啲食物都幾啱口味 就入咗去坐低啦 北海道帶子娘惹牛油貓耳粉 呢個貓耳粉好似fusion菜咁 面頭嘅北海道帶子輕輕煎香 再配上下面富有泰國特色嘅醬料🧈 食落口有少少娘惹嘅香料味 加上呢個貓耳粉加埋辣椒 番茄等嘅配料 所以食落口都有少少辛辣😻 個人就幾鍾意呢一個主食 黃咖喱 有豬 牛 雞三款可以選擇🥘 我地揀咗牛 入面嘅係牛腩嚟㗎 而且炆得好腍 配埋有少少辣嘅黃咖喱 味道幾出色🐮 黃咖喱入面仲有茄子 長豆 洋蔥 番茄仔等嘅配料 更加可以均衡飲食🍅 呢個咖喱本來係配白飯 但仲有另一個選擇就係轉印度薄餅🍕 硬係覺得印度薄餅配咖喱好正 所以就加配咗 果然呢度嘅薄餅整得幾好 夠晒乾身同埋香口 甘蔗蝦配魚子蛋黃醬 甘蔗蝦嘅外層係脆炸蝦滑 而入面係一條充滿蔗汁嘅甘蔗🎋 外層嘅脆炸蝦滑點埋蛋黃醬真係好夾 仲可以加啲三文魚子增加口感同鮮味🐟 芒果糯米飯甜筒 呢個甜品造型特別 甜筒底下有糯米飯 椰漿 椰子雪糕🍦而側邊就有芒果粒粒同埋一啲果仁 估唔到呢一個芒果糯米飯配埋甜筒係咁夾嘅🥭 特別係個椰子雪糕味道清清地 唔會搶晒糯米飯嘅香味 飲品 THAI MILK TEA 同埋THAI GREEN MILK TEA 兩個都好有泰式風味☕️ 預先包裝喺樽仔入面 仲提供埋冰杯俾我哋倒出嚟飲 兩款都唔會太甜 個人就比較鍾意綠茶嗰款多啲 因為比較特別🍵 呢間泰菜嘅配搭新派得嚟又有泰菜嘅神韻💛 如果鍾意泰國嘢嘅朋友可以嚟試一試啊