一推開木門 就好似入左一間好靚嘅古典英式圖書館咁😍
裝修以胡桃木為主 牆身以書櫃同壁爐作裝飾
中間有兩排半圓形嘅皮梳化 超級靚！❤️
近窗邊嘅位置更可飽覽維港美景😉
另外仲有live band表演 好有氣氛🎶



🍴 Tasting Menu ($1388)

餐前麵包係Spanish Sourdough
外脆內柔韌 十分出色
撘配海鹽牛油同羅勒蕃茄牛油食都好好味☺️



Cecina de Wagyu Beef Carpaccio
醃製左12個月嘅西班牙和牛薄片味道濃郁 擺盤精緻



Spanish Red Prawn Carabinero
兩塊墨魚汁啫喱中間係西班牙紅蝦他他 以百香果醬提鮮
面頭嘅金箔同選用嘅碟具都為菜式增添高級感✨️



Hokkaido King Scallop
北海道帶子王他他夾雜住蘆筍粒 面頭放左塊昆布啫喱同魚籽
底層係墨西哥辣椒沙冰 口感豐富又特別😉



Bouillabaisse
侍應首先呈上慢煮鮑魚、蜆、烤大蝦
再即席倒入龍蝦湯 儀式感十足👌🏻



Spanish Sardine Confit
西班牙油封沙丁魚配上荷蘭醬、洋蓟、發酵白蘆筍



Lime Sorbet
用嚟清一清味蕾嘅青檸沙冰都幾好味！



Smoked French Eel Pasta
煙燻法國鰻魚配撘富彈性嘅自家製意大利麵
醬汁由巴馬火腿高湯同日本雞蛋製成
味道似卡邦尼 鹹香十足又creamy👍🏻



Charcoal Grilled A5 Miyazakigyu Rib Cap
期待已久嘅炭烤宮崎和牛果然無令我失望
肉質軟嫩又富脂香 正！❤️



Mango Mousse Pandan Cake
甜品擺盤好靚
芒果mousse加上斑蘭忌廉同蛋糕
味道好夾 清新又好味😋




🍸The Honey Thief ($128)
Gin·Curry Leaf·Apricot Marmalade·Lemon·Honeycomb
🍹Alger ($88)
Housemade 24 hours Cold Brew Lychee Tea·Mango Syrup



Drink Menu製作得好精美🥰
12款cocktail靈感取自唔同嘅名畫 好有心思
今次點嘅一杯cocktail一杯mocktail味道都唔錯
其中cocktail The Honey Thief飲落甜甜地 好易入口

當晚差唔多9成客人都係慶祝生日😆
Live band會逐張枱去唱生日歌
仲會有張即影即有同生日卡作為留念 📸
呢間餐廳確實好適合慶祝特別日子🙌🏻

Anjappar由1964年開業至今 已經喺全球超過17個國家有分店 餐廳環境好寬敞 裝修富印度色彩 食客同樣多數都係印度藉人士 一定都好正宗😌 🧅 Onion Pakoda 洋蔥圈 ($70) 洋蔥條加上印度藏茴香Ajwain同其他香料一齊炸 食落香脆 香料味都幾重 唔錯😆 仲可以蘸薄荷醬黎食 🐔Chicken Garlic Kebab 雞肉大蒜烤肉串 ($140) 雞肉應該係串起黎烤完再放喺鐵板上面 以蒜泥醃製嘅雞肉大大舊 好入味😋 伴碟嘅蔬菜就略為遜色 呢款菜同樣都可以蘸薄荷醬黎食 🧈 Butter Dosa 牛油薄煎餅 ($80) 一上菜真係忍唔住“哇”左一聲😯 煎餅真係長達一米 啱哂打卡 口感方面 煎餅表面薄脆 內裏有少少煙韌 而且每啖有好香嘅牛油味😉 仲可以配撘4款唔同嘅醬料黎食 必點！👍🏻 🍛 Butter Chicken Masala 黃油雞咖哩 ($120) 醬汁以蕃茄、奶油、葫蘆巴葉製作 Creamy又濃郁 好好味！😋 🍛 Mixed Veg Curry 雜菜咖哩 ($80) 咖哩同樣以蕃茄同葫蘆巴葉製作 不過主角就變左做雜菜同芝士粒 我個人就比較喜歡Butter Chicken Masala🤭 🫓 Garlic Naan 印度大蒜烤餅 ($40) 烤餅大大塊 空氣感十足 塗滿左蒜蓉 十分香！😍 不過就略嫌油左少少 配撘咖哩或者masala食一流！☺️ 🥤 Mango Lassi 芒果印度奶昔 ($40) 奶昔口感順滑 味道濃郁 以新鮮芒果肉製成 飲落酸酸甜甜 啱哂解膩解辣👌🏻

🍴 ROJO Set for 2 ($535) 二人餐可以任選5款Tapas同一款主菜 仲有一款甜品 🧆 Jamon Potato Salad 黑毛豬火腿味道濃郁 幾好味😌 蛋黃醬薯仔沙律就相對較為普通 🧆Truffle Jamon Bikini 多士烘得十分酥脆 半溶芝士加上黑毛豬火腿 鹹香十足 黑松露亦都好香濃 推薦！😍 🧆 Sauteed Mussel (+$18) 青口隻隻都大大粒 好新鮮 香檳忌廉汁相當好味 好味到係咁黎飲🤤 同樣推薦！❤️ 🧆 Croquetas de Pumpkin Blue Crab Meat 南瓜薯餅味道中規中矩 同埋唔係好搵到蟹肉嘅蹤影 比起其他tapas略為遜色一啲🥹 🧆 Tortilla 店員好貼心咁等我影完相 再切開4份畀我地 西班牙蛋餅嘅內餡有薯仔、軟臘肉腸 表層略嫌乾左少少 切開中間會有流心蛋汁同邪惡芝士拉絲 口感豐富 味道都唔錯👌🏻 🐷 ROJO Suckling Pig (+$38) 燒乳豬嘅豬皮十分香脆！😍 切落去係會有“咔嚓”聲 肉質軟嫩 帶點脂香 就咁食或者蘸青蘋果蓉黎解下膩都同樣好味😋 絕對推薦！！🙌🏻 🍫 Churros 甜品餐具以天鵝造型嘅器皿盛載 好靚 Churros加上朱古力醬同雲呢拿雪糕 經典又好味☺️

餐廳周圍都有唔少貓頭鷹嘅擺設同裝飾 辨識度高又可愛🦉 由於當晚全場爆滿 所以就無影到畀大家睇🫣 座位方面 店舖比較細 所以會坐得比較迫少少 🐔 Owl's Stage 辣味牛肉醬雞翼 4隻 ($68) 雞翼炸到香脆 裏面都仲幾juicy 牛肉醬辣度唔高 好惹味😆 🥗 青蘋果紅菜頭沙律 & 餐湯 沙律有青蘋果粒、紅菜頭粒、車厘茄 作為套餐嘅頭盤相當有誠意 再配上黑醋 清新又開胃😌 🐂 燒紐西蘭特級西冷扒 8oz 配自家製南瓜蓉 (Set Dinner $228) 今次叫左7成熟 牛扒嘅生熟度控制得幾好 西冷扒肉味濃郁 稍有嚼勁 伴碟嘅南瓜蓉好幼滑 超級好味😍 🍝蝦蟹膏蟹肉帶子意粉 ($168) 帶子口感鮮嫩 蟹肉多番少少就perfect 醬汁好creamy 有十分香濃嘅蝦膏蟹膏味 好正！ 推薦！❤️ ☕️ Set Dinner奉送咖啡或茶

餐廳裝修以東亞南風為主 座位闊落舒適 靠窗嘅位置仲可以睇到海景😍 坐低無耐 侍應已經為我地送上蝦片 蝦片好脆 少少辣 幾好味👌🏻 🥗 燒豬頸肉配青木瓜沙律 ($148) 豬頸肉份量都幾多 燒得好好 外層些微焦香 肉質軟腍 配撘青木瓜沙律同酸辣嘅醬汁 清新又解膩☺️ 🐔香茅烤雞 (半隻) ($238) 一上菜已經好香 雞皮烤得焦脆 肉質仲保持到鮮嫩多汁 略嫌香茅味唔夠出 但加埋特製醬汁一齊食好惹味！🤤 🍮皇家泰茶雪糕瀑布提拉米蘇 ($118) Tiramisu以玻璃圈圍住 賣相好靚❤️ 側邊有5杯配料 包括有：泰茶布丁粒、曲奇脆脆、黑珍珠、泰茶焦糖醬、泰茶雪糕 自行加完配料之後 再將玻璃圈拎起 Tiramisu就會好似瀑布咁傾瀉而下 好壯觀😆 泰茶雪糕同布丁粒都有好香嘅泰茶味 甜度亦適中 泰茶醬結合Mascarpone cheese 再加上香脆嘅手指餅 味道好唔錯 而且份量都好多 我覺得其實足夠2-3個人share 推薦！🫶🏻

呢間新開張嘅cafe係Unidici嘅姊妹店 裝修同樣走輕工業風 簡約有格調 🍢魚糕串辛辣麵卡邦尼意粉 ($138) 魚糕串十分吸晴！份量都唔少👍🏻 醬汁應該係用辛辣麵調味包加上牛奶調製而成 撈埋隻流心蛋一齊食🍳 好creamy好有卡邦尼醬嘅感覺 好味！😋 加上泡菜同脆口嘅公仔麵碎 口感好豐富 🐙辣炒八爪魚意大利飯 ($138) 忌廉雜菌意大利飯keep到姊妹店嘅水準 估唔到同韓式辣醬都幾夾 撈埋一齊食仲可以降低少少辣度 八爪魚粒都好彈牙👌🏻 🐔Unnie炸雞翼 ($58) 有4款口味可以揀：原味、甜辣、蜂蜜蒜蓉、蜜糖芥末 今次揀左蜂蜜蒜蓉味 雞翼炸到香脆 入面仲好juicy 蒜香加蜂蜜好惹味 推薦！😍 升級套餐 粟米濃湯+精選蛋糕+自選飲品 (+$63) 🥤藍莓提子梳打 提子味好出 唔會一陣藥水味 幾解渴 🥤金莎朱古力 好打卡able 飲品上面真係放左兩粒切半嘅金莎 記得記得要攪勻先飲！！ 因為底部其實有好多朱古力醬🍫 攪勻飲落朱古力好濃 甜度適中 推薦🥰 🍰精選蛋糕 今次嘅蛋糕分別係Tiramisu同柚子芝士蛋糕 兩款蛋糕都係又靚又好味 誠意十足❤️

呢間餐廳我已經bookmark左好耐 咁啱有朋友講起佢未試過地中海菜 於是就帶佢去試下🤭 睇番餐廳簡介 先知原來大廚來頭不少😳 黎自約旦嘅大廚Chef Tarek曾經喺半島酒店、深灣遊艇俱樂部、君悅酒店等地方任職 亦曾經為多個國家嘅領事館預備私人晚宴 更有訪港嘅中東貴族指名要Chef Tareke為佢地下廚！🙌🏻 🫓Classic Trio Dips Platter ($160) 可以一次過試哂3款蘸醬🤪 包括有：經典鷹嘴豆泥、烤茄子蓉、黑松露鷹嘴豆泥 配撘蘸醬嘅彼得包可以好似袋仔咁裝住啲醬☺️ 鷹嘴豆泥好綿滑 加上sumac同橄欖油 經典又好味 朋友就中意黑松露鷹嘴豆泥 每啖都有好香嘅黑松露味 我就最中意烤茄子蓉 以炭烤意大利茄子加埋甜椒、意大利蕃茜、番石榴籽、橄欖油製成 食落好有層次感好好味！😋 🐏Baid Ganam - Lamb Testicle ($160) 店員同我地推介嘅時候我地都猶豫左一陣 到依家都唔知哪來嘅勇氣驅使我地點呢道菜🤣 但係絕對無後悔！👍🏻 煎過嘅羊睪丸食落有少少似雞肉 配撘上蒜頭、檸檬、蕃茜、橄欖油 意外地好味！😆 🍕 Black truffle and mushrooms flat bread ($120) Flat bread烤得好香脆 配料有炒香左嘅磨菇同洋蔥 黑松露味道都幾突出😌 🐟 Samkeh - Whole sea bass ($480) 地中海鱸魚一上菜已經好香 魚皮焗得焦脆🥰 魚肉焗得幾好 唔會好乾 薯仔同洋蔥都好淋好入味 我十分中意佢個白芝麻醬 好creamy好正 同鱸魚亦好夾❤️ 🍦Bozza ($65) 阿拉伯乳香膠雲呢拿雪糕鋪滿開心果碎 係一款好傅統嘅中東甜品

估唔到原來印度菜都有素食！😳 Kailash Parbat由創立至今已經有超過70年歷史 喺全球好多國家都有分店🗺 店舖嘅裝修幾靚 好色彩繽紛 燈光明亮 座位都好寬敞舒適 當晚目測7成客人都係印度藉人士 相信應該都好正宗😉 🧆 Pani Puri ($65) 印度圓脆餅入面放左薯仔粒 食嘅時候可以配撘兩款醬汁 一款係酸辣嘅香料水 另一款係香甜嘅羅望子醬 我個人就比較中意羅望子醬🤭 🍔Bombay Vada Pav ($75) 呢款孟買素漢堡係印度好受歡迎嘅街頭小食 鬆軟嘅麵包中間放左大大個脆炸薯仔球🥔 薯仔球外脆內軟 裏面有唔少香料 麵包同薯仔球中間仲搽左一層印度酸辣醬 食落香辣惹味😋 🧀 Chilli Paneer Gravy ($105) Cottage cheese切成方塊 再以甜辣醬炒製 芝士口感柔軟 帶有淡淡嘅奶香 醬汁有少少似中式嘅甜辣醬😆 辣度唔高 幾好味👍🏻 🍛Saag Paneer ($119) 同樣都係有cottage cheese方塊 今次嘅主角係菠菜咖哩 咖哩好濃稠 辣度都幾高 菠菜味唔會好明顯 但食落比一般咖哩清新 幾特別☺️ 🫓Stuffed Paratha ($55) 食咖哩又點少得印度薄餅 呢款薄餅食落酥脆扎實 仲有唔同嘅內餡可以揀🤤 包括：Aloo(薯仔)、Cottage cheese、芝士、雜菜 🥤Pistachio Milkshake ($65) 呢杯開心果奶昔好好飲！！大推！❤️ 飲落口感柔滑 而且開心果味好濃🥺 奶昔上面仲有球開心果雪糕同唔少開心果碎 開心果控一定要叫！🫶🏻 🥤Masala coke ($44) 可樂加上印度香料 一啖有齊甜、酸、鹹、辣 都幾過癮🤣 其實平時都比較少食印度菜 今次呢餐印度素食好好味 令我好驚喜 絕對會encore！🥰

日本過江龍一人燒肉店 最新推出日式牛肉漢堡❗️🥩🔥 相信大家都對呢間嚟自東京嘅一人燒肉店有所認識 原來「燒肉LIKE」不知不覺已經喺香港開咗差不多20間分店🤯 之前食過覺得快捷又扺食之餘 佢地嘅除煙技術真係幾好 食完唔會一陣油煙味 於是就二訪一下😆 🐂和牛LIKE套餐 ($148) 套餐一共有3款牛：牛板腱、牛舌、日本產和牛肩胛肉 呢個價錢可以食到和牛真係幾扺😉 牛板腱同牛舌都OK 和牛肩胛肉雪花好靚 食落滿口油香 好正🤤 🔥日式牛肉漢堡 (+$29) 呢樣最新推出嘅單品只需要$29就可以加配 牛肉漢堡以100%牛肉製成 由於本身已經燒熟咗所以食之前只需要每面加熱2分鐘就食得🤪 牛肉漢堡可以自選配撘生蛋黃、芝士或者咖哩汁 我就揀咗生蛋黃🍳 (本身諗住將蛋黃疊喺漢堡上面 但失敗咗🥹) 肉味濃郁嘅漢堡加埋生蛋黃同原味BBQ醬食 真係唔錯👌🏻 🐂美國頂級西冷牛扒套餐 ($178) 大大塊Prime級牛扒真係無得輸 唔單只肉味香濃 肉汁都好豐富☺️ 🍚木魚絲紫魚蛋飯 (+$15) 每款套餐都會跟白飯、和風湯、泡菜或迷你沙律🥗 食燒肉就點都要轉紫菜蛋飯先至完美🤭 呢度嘅紫菜蛋飯好好味 忍唔住好快就清咗碗😋

餐廳位於大廈頂層 無論室內室外都可以飽覽維港嘅夜景🥰 裝修以木材、竹子為主 打造出悠閒嘅渡假風🏝 🧆 KABOOM Sharing Platter ($248) 十分豐富份量好多 3-4人share黎食都可以😆 拼盤有齊豬肉串燒、炸單骨雞翼、泰式魚餅、炸春卷、炸蝦球 樣樣都整得唔錯 好香口幾好味👌🏻 仲可以配撘3款蘸醬一齊食 🐚TomYum Coconut Scallop Carpaccio ($128) 擺盤好靚！❤️ 北海道帆立貝片十分鮮甜 加上以冬陰功同椰漿製成嘅醬汁 好refreshing好好味😋 🐙Thai Basil Strozzapreti Pasta with Grilled Spanish Octopus ($258) 一大條八爪魚腳呈上 十分吸睛😳 八爪魚好入味 淋得黎保留番少許嚼勁 好正🫰🏻 捲麵煮到al dante 而且掛汁能力一流 醬汁略嫌未收得夠 但係甜甜地帶點牛油同野菌嘅香味 好好味🤤 🐟Oven baked Sambal Stingray ($268) 魔鬼魚喺香港應該比較少見 所以就二話不說點黎試下 呢道菜以叁巴醬做醬汁 再去烤焗 魚肉嫩滑 有叁巴醬嘅微辛 好惹味☺️ 今次被安排坐喺吧枱嘅位置 可以睇住調酒師製作唔同嘅cocktail mocktail 真係杯杯都好靚好igable😍 🍹Damn Pissed Off! ($128) Vodka•Passion Fruit Purée•Pineapple Juice with Ginger Flavor 甜甜地好易入口 以浴缸為造型 除左面頭有泡泡同花瓣 側邊仲有隻鴨仔 超級可愛！🫶🏻 🍹Canloocan ($78) Yuzu Juice•Apple Juice with Elderflower Flavor 柚子汁、蘋果汁加上接骨木花 飲落好清新 一層薄薄嘅泡沫上面放左花瓣同桂花去點綴 都好靚🥰