朗屏西鐵站天橋下面嘅一間有情調嘅餐廳🥰 柔和嘅燈光，枱有蠟燭配上柔和嘅音樂很有情調👍坐位闊落整個感覺好舒服好chill 😊 唔想諗直接叫set dinner 😝 包括是日沙律/葡式炸雞翼，主菜，甜品，飲品很多選擇有紅白酒/香賓/啤酒/威士忌/伏特加/汽水/檸茶/檸水👍 🔸葡式炸雞翼 ～ 炸後再加汁係雞翼表面，小小辣甜甜地好好味😋 🔸芝士蕃茄焗雞胸 ～ 焗出嚟嘅雞胸唔鞋，入口滑嘅，配埋外層嘅香濃嘅芝士蕃茄，好有層次感。 🔸海鮮燴意大利飯 ～ 飯粒粒都入味，個飯味道唔錯😋 海鮮用急凍海鮮無咩味😅 內有粒粒三文魚粒，唔係好腥。 是日甜品 ～芝士餅 店員很 nice 很有禮貌👍 整體嘢食幾好食，呢間有下次😋

網紅爆漿阿華田西多士（甜品）出現在車仔麵店都幾特別😊 經過深水埗一於入去試下🤩 🔹爆漿阿華田西士多$40👍 店家自創的爆漿阿華田西多士，面層鋪滿阿華田粉，中間爆漿嘅係花奶，一切開滿滿嘅流心即時流晒出嚟😝 視覺效果很好😍 未食時以為會好甜，又唔係喎mix 埋中間係花生醬加埋一齊好好味👍 🔹秘製辣魷魚 $40👍 薄薄片的魷魚超爽脆，配上秘密醬汁，小小辣，有少少麻醬味入口好多層次👍 🔹柚子蜜雞翼 $34 炸至黃金香脆嘅雞翼，表面加上甜甜的柚子蜜令香脆嘅雞翼好似無咁熱氣😝 炸得剛好外脆內滑😋 🔹胡椒豬肚 $40 淡淡的胡椒味，豬肚切絲易入口，唔會好韌😊 發現點枱上嘅菜莆增加少少辣，成件事更好味咗😋 🔹招牌煎餃子 $37 叫咗韮菜餃＆ 椰菜雲耳豬肉餃各3隻，隻隻餃子都非常飽滿，見到店主在店新鮮包制，即叫即煎，底面都煎得好金黃脆口好吸引，沒有油膩口感，咬落去外脆內juice 😋 配跟埋嘅醋汁更加提升香味😋 🔹鹵水豬手 $45 鹵得好入味之餘，入口即溶有少少咬口，唔會去到淋pat pat無口感😋 補一補充骨膠原🤩5件豬手都燒得好乾淨，一條豬毛都無，真係用心制作👍 除車仔麵外，又有鹵水，炸嘢，甜品，咖哩飯都有，真係好多選擇👍 枱上嘅辣菜莆好夠惹味，配餃子及豬肚都好好味😋 落單＆上菜店員很有禮貌，付錢時更有細心問到嘢食好唔好食😊小店用心制作下次再食埋佢其他嘢😋

上次見人地食個bagel 已好吸引，今次自己食入口試下先😝 世一豬籠動L 炒蛋具果 $80 bagel 好鬆軟唔會死實實唔韌，啱我胃口👍炒蛋好滑，亦唔會生得過份👍 蛋面灑上黑椒同香茜好香好味👍 成塊厚切豬柳以為會好韌好鞋啦🤔 估唔到咁厚都好易就切得開，仲要唔鞋架😍 拆開食每樣都好味，合埋食都一樣咁好味，仲又層次咗😋 實在太足料啦食一個都飽晒😝 Pineapple Soda $38 杯底有一粒粒菠蘿粒入口有菠蘿soda味之餘仲有口感👍

咁多年無去六記食水蟹粥，都一樣咁好味😋 人多可以叫多幾款👍 🔸水蟹粥細窩$280 內有2隻蟹，3倍粥底好夠食😋 是日水蟹都算大隻有肉食，粥鮮味十足，略嫌粥底唔夠綿比較稀，水多過米，舀多兩羹更加稀。 🔸米通鯪魚球 跟蜆蚧醬 $55半份 外皮沾咗米粉才炸，炸得好脆口，魚肉口感結實夠彈😋 蜆蚧醬有點鹹，點少少都夠。我自己就唔太識欣賞呢款鹹味，唔點都好味😋 🔸錦鹵炸雲吞 $95 雲吞餡細細粒，可以食到大大片嘅薄脆好香脆，，錦鹵汁是靈魂😎 甜甜酸酸勁開胃😋 🔸乾炒韮王銀牙麵 $55 麵彈牙炒得夠乾身有鑊氣，沒有油膩感😋 🔸鹵水鳳爪併豬大腸 $80 鹵水鳳爪鹵得得夠淋又入口即溶，豬大腸清潔得好乾淨。 沒帶壓味😋 🔸椒鹽鮮魷 $108 炸得香口惹味，入口唔會覺得好油😊 鮮魷炸後都滑，唔會韌😋

澳門近期好hit 嘅酥皮焦糖蛋撻，長期都有人排隊😎 就算落大雨都一樣有人排😅 排到我地賣晒要等半小時先再出爐😭唯有等啦😋 酥皮焦糖蛋撻 $12 個皮好鬆脆，一咬就跌到成身都係，要小心食🤣 蛋漿就唔算好香滑😊 總括嚟講都好食嘅可以一試😋 覆盆子開心果可頌 $38 個皮脆跌到一咬又一地都係碎🤣 有覆盆子漿係入面酸酸地幾好味唔會太膩。 開心果味唔太濃唔太特出很淡淡的😊

朋友介紹十月初五街必食嘅雞湯米😋 原來係藥膳雞湯米$39😋 湯好熱，帶藥膳米酒香味👍 雞鮮滑不鞋👍 一碗份量十足嘅雞湯米有大量嘅芫茜係面，還有幾片冬瓜吸晒d 湯入口即溶😋 有幾粒雲耳，米粉都好多下次可以叫扣底😅 同行朋友們叫咗咖哩雞翼米$36 ，牛腩撈粗麵$36都好食👍 以呢個價錢真係無得輸😋

行到土瓜灣，本想去楚撚記食，去到見門口排晒人，就轉場是旦求其食啦，見呢間晧景都有幾枱客，一於試下啦😅 我地18：30入去坐底好快落單，佢嘅上菜速度真係慢到呢😑 食完一碟再上一碟，間店已經唔係多客，都可以上菜上得咁慢😓 嘢食又唔見突別好食😓雞又無味又鞋，蒜蓉蒸蝦好食夠味可惜好多油😣

一個可以訂制字形嘅拿破崙都幾特別👍 為慶祝媽媽生日整咗數字慶生日很有意思🤩 面層鋪上新鮮士多啤梨，藍莓，金箔及食用花做裝飾，顏色很豐富很吸晴😍打咭一流👍我地選了原味拿破崙夾層係吉士忌廉同香脆嘅焦糖拿破崙層層相疊，襯上紅桑子醬，酸酸甜甜一啲都唔膩，還加強了層次感，整個餅食落都唔會好甜好膩，食多少少都仲得😍 外觀同口感都係一種享受😊

坐戶外有微風吹住很舒服，仲可以帶埋狗狗一齊陪食😊 食完今次下次再食埋其他嘢😋 勁蔥咸牛肉炒蛋三文治 $34 新鮮即制一上枱好香🤩 厚切麵包好鬆軟😋 勁厚嘅餡料一咬入口蔥與咸牛蛋好夾👍 蔥提升了成件事😋 蛋炒得剛好不會太老亦不會太生太流😊 除咗人嘢食外，仲有pet menu😊 叫咗個 鯛魚燒$68 比狗狗😋 唔好成日話得我有得食，佢無得食😝 店主好nice對狗狗都很友善同貼心，見狗狗食唔晒主動攞個盒出嚟問要唔要pack返屋企食😊仲教返屋企點整返熱先食🫶

Openrice 做緊獨家快閃1送1優惠，即時約fd去聚下食下嘢啦😋 搶唔到黃金時間嘅買一送一，唯有食21：00個段時間120分鐘澳洲和牛火鍋吃到飽連澳洲全血和牛😋 $496（1送1）另加一$99，平均$298/人就食到牛大人啦🤩👍 之前有食過牛大人，對佢嘅牛肉係無挑剔，夠滑夠牛味，上菜快漏單機會少。飲品種類都多， 食物種類多及好食。 座位桌面寛闊，空間感十足，環境乾淨企理👍 叫咗阿嬤養生湯鍋做湯底，每位送2粒澳洲m9 和牛牛丸，呢粒牛丸彈牙多汁牛味濃😋 很少任食放題會有手切封門柳，牛味香濃唔韌😋 牛小排，牛肩卷，肩里肌樣樣都重牛味😋 秘製鹵水大腸好味👍 私房鴨血👍 花枝漿，旗魚漿，海鮮漿👍 海蝦沙白夠新鮮👍 今次試埋個寛粉，以為好似薯粉咁要煮耐d添，原來好快淋好好味架😋 飲品除了自助區取的樽裝冷泡茶，罐裝汽水，還可以落單冬瓜茶，烏梅汁，酸梅汁，金桔椰果😋 like ＆follow 牛大人嘅社交平台即送鴨屎香檸檬茶添呀🤩 食完正餐梗係要食埋甜品做總結啦😋 結帳時每人可自選一款甜品，Haagen Dazs 雪糕有三款口味及仙草黑白配😋