疫症已經橫行咗超過一年，對我哋嘅日常生活當然有好多影響，亦改變咗大家唔少嘅習慣。不過即使喺疫情下，我哋都可以從新常態中，尋找趣味！年度盛事「OpenRice優秀開飯熱店大賞」已經開始接受投票喇，今年以「日嚐作樂」為主題，希望大家從每日品嚐到嘅美食中創造樂趣，從探索餐廳中感受香港「味」力。快啲把握最後一個禮拜嘅機會，投選地區組別，一人一票投選你心目中嘅地區最強食店喇！

對比港島，九龍同新界區畀人一種相對親民啲嘅感覺，清新、優雅嘅cafe仔同小店就特別多，當中更有唔少係人氣或長期排隊嘅舖頭呢，喺今次投票入面可以話係爭崩頭呢，實力旗鼓相當，各有粉絲。快啲望下名單，以投票行動支持你哋嘅心水店舖啦。

日系素食  素年  (深水埗)

素食界好出名嘅呢間餐廳成功宣揚到素食文化，佢哋不斷嘗試加入唔同元素，令素菜更吸引，令好多本身唔係素食者嘅朋友仔都會去食。就好似佢哋嘅吉列豬扒三文治咁，用酥炸過嘅Omnipork（即全植物性材料製成嘅新豬肉）取代真正嘅吉豬，口感同味道同樣取勝。

創意甜品    HeySoNuts  (土瓜灣)

 圖：J.onyiiiu、cwsmag

由2014年開業到而家，人氣依然不減，正因為佢哋不斷研發創新菜式，而目味道一直保持水準，唔單止留住熟客，仲吸引咗新客去試～上年新創嘅「黑啤煙燻豬腩肉意大利飯」，飯粒粒粒分明，索晒啲黑啤，甜甜地，幾特別。不得不提佢哋嘅招牌甜品，用鴨仔裝住嘅tiramisu，望落可愛，食落creamy~

正宗台灣味道    阿木台灣麵  (旺角)

店主係台灣人，世世代代都係台灣開滷肉飯同埋牛肉麵店，所以店主都承傳咗佢哋嘅手藝。紅燒牛肉麵湯底用牛骨、牛肉同埋藥材淆足20個鐘，勁濃郁。而且牛肉片比一般舖頭嘅足足厚成倍，手工製嘅麵好彈牙，透過碗麵完全感受到店主對食物嘅用心，重可以食到傳統台灣家鄉嘅味道，唔怪得知日日都大排長龍啦！

食肉獸之選   芝加哥串燒酒場  (大埔)   

 圖：Hkgourmetparadise、fooldee

幾個知己閨蜜約埋一齊食下嘢、摸下酒杯底傾計嘅話，呢間人氣串燒酒吧係個唔錯嘅選擇，環境舒服～佢哋嘅串燒好夠火喉，生熟度恰到好處，肉質鮮嫩。而且價錢合理，CP值幾高。招牌嘅燒原條石斑，外脆內滑，表皮脆卜卜。

高質吉列牛  秘  (荃灣)

 圖：natalir、混血小妹

呢間主打吉列牛嘅日本烤肉店雖然個位唔算非常就腳，但就人氣爆燈，人龍不斷。招牌菜黑松露吉列牛，炸皮有淡淡嘅松露香，皮脆肉嫩，肉味重好香濃添。食客可以因應個人喜好控制牛肉嘅生熟程度。價錢親民，食材有質素。

想支持心水餐廳，記得注意返投票日期 (立即投票)

菜式及新餐廳組別：3月24日 – 4月6日 （已完結）
地區組別：4月7日 – 4月20日

另外，而家去Facebook指定post (連結按此) 留言Hashtag #日嚐作樂，及上載一張以此為題嘅相，即有機會贏奬。

您亦可以分享一張與美食的快樂時刻😋到個人FB/IG (必須設定為公開)，加Hashtag #日嚐作樂 #OpenRice。完成整個投票活動後，即有機會贏取獎品總值超過30萬！

*活動須受條款及細則約束

文：Hailey
編：Kar