食上海菜好多時都係成班人去餐廳食，有時喺屋企同朋友gathering或者自己一個心血來潮想「毒」食上海菜都唔係無辦法㗎，用OpenRice外賣自取服務就得！用OpenRice外賣自取，用電話落單揀定時間，一去到就有得拎，咁就可以慳返寶貴嘅時間喇～現時仲有過千間以上的外賣自取餐廳上線，一齊睇睇以下呢六間上海菜邊間啱心水啦。

老上海復古氣息　上海弄堂菜肉餛飩

店舖名都叫得菜肉餛飩，當然餛飩就係佢地招牌菜。除咗招牌菜肉餛飩，仲有素菜餛飩及季節限定嘅西洋菜餛飩選擇，每一粒都脹卜卜真材實料。另外小籠包、酸辣湯、花雕醉雞及排骨擔擔麵都值得一試。

經驗老到新派菜館　金滿庭京川滬菜館

金滿庭於2002年創辦，主要提供京、川、滬三地菜式，除咗供應傳統菜亦周不時自創新菜式。餐廳曾創下日賣過千隻小籠包嘅紀錄，所以必試當然有招牌一口小籠包，一啖放入口皮薄多汁好滿足。至於熱賣嘅蘭州手拉擔擔麵都香濃惹味。

多元化選擇　上海婆婆

鍾意試多幾款菜式嘅朋友嚟呢間餐廳就啱喇！餐廳選擇夠晒多元化，唔單止有蟹粉系列，仲有人氣嘅冷菜系列包括麻辣鴨舌、麻辣燻蹄、麻辣拌豬耳等，以及生煎包等點心、手造拉麵、海鮮類、豆腐類、炒年糕及甜品，多到唔知點揀啊。

即叫即製　夏麵館

標榜少油少調味，必叫蟹粉小籠包，即叫即蒸熱辣辣，啱啱好一啖一個，咬開後口腔充滿濃郁嘅肉汁及蟹粉香，香香甜甜，就算放耐少少都咁好味。麵食方面推介上海陽春麵、酸辣湯麵及上海擔擔麵等。

傳統創新並存　尚點 小籠包.上海菜館

主要提供點心及麵食，保留傳統上海風味，同時加入創新菜式。貪心嘅朋友可以叫呢個自選三小碟，可以喺家鄉燻蛋、拍青瓜、四喜烤麩、雞絲粉皮、鎮江排骨及上海燻魚等小食中揀三樣，咁就可以試多幾款啦～點心方面蔥油餅、紅油抄手及生煎鍋貼都值得推介。

連鎖上海菜　翡翠拉麵小籠包(中環)

呢間連鎖上海菜於2002年進軍香港，相信大家都好熟悉，而中環區呢間而家都有外賣自取服務啦！上海小籠包、花雕醉雞、回鍋肉配薄餅、上海炒粗麵，款款都係招牌菜，附近嘅上班族有福啦！

※圖片只供參考