想食正宗葡國菜，唔使搭下下飛機嘅，搭車過尖沙咀都有得食！Drawing Room Concepts下星期將會喺海港城新開一間由葡國人做總廚嘅葡國菜餐廳。
嗱，識少少，就可以扮代表，”Alma”喺葡文嚟講即係靈魂咁解，呢間打正葡國菜旗號嘅餐廳，有葡撻食是常識吧。啲葡撻皮薄蛋厚，聽講仲係用法國牛油同意大利新鮮雞蛋焗製㗎，一啖咬落去嘅口感肯肯定同平時食開嗰啲有分別！
識食嘅，一定食埋招牌菜炭燒霹靂春雞同葡式烤乳豬，啖啖肉得嚟配埋特製調味料，係有少少辣嘅，但幾醒胃。
飲食飲食，除咗食，梗係唔少得飲啦。有酒精嘅葡式Sangria又有得飲，無酒精嘅一樣有得飲！
文：kar
隨時接收最新資訊
讚好OpenRice專頁！
