受新冠肺炎疫情影響, 我們懇請各位留意疫情狀況並嚴格遵守政府指引。大部分Delicious USA 美食節餐廳設有外賣自取或外賣速遞服務，但由於餐廳營業安排可能因應政府指引隨時有所變動，各位選擇惠顧時，請先向餐廳查詢，了解最新情況。

講起美國食品你會諗起咩？ 今次嘅Delicious USA 美食節會為大家帶來一系列令人耳目一新嘅菜式！原來美國生產嘅優質食材和飲品好多，Delicious USA 同25間餐廳合作，喺7月16日至8月16日推出一系列以美國食材為主題嘅獨特菜式。

Delicious USA 係由美國駐香港農業貿易處舉辦，引入嘅美國食材相當多樣化，如海鮮、肉類、堅果類等。想知美國食材入饌有幾吸引，即睇下面餐廳菜式啦！

高質美國食材　各種菜式都食到！
合作餐廳有多個國家菜式，除咗必有嘅西餐廳，你可能估唔到連秘魯菜、素食、印度菜、日本菜等都有，先睇南北美洲和歐洲菜式。

ICHU Peru 阿拉斯加三文魚、美國和牛、雞肉
主打香港少見嘅秘魯菜，菜式擺盤精緻，亦會配搭創新食材。今次就有秘魯風味三文魚薄切刺身 、XOXO雞塊同西班牙風薄切和牛。

秘魯風味三文魚薄切刺身

XOXO雞塊

Te Quiero Mucho 美國帶子、美國安格斯牛肉 
喺酒店內嘅墨西哥餐廳，環境輕鬆。呢道Tiradito 作為傳統菜，一向以新鮮魚材切成薄片配醬汁食用，用上肉厚嘅美國帶子就更加鮮甜喇。

而且呢度亦食到香烤美國安格斯牛肉，咬落肉質嫩實多汁, 味道豐富。

(左) 美國帶子薄切刺身、(右) 香烤美國安格斯牛肉

The Butchers Club　美國豬肩肉
自設熟成工場，牛肉經過熟成處理，肉味更濃郁。限定小鎮豬牛堡就用美國豬肩肉配上牛肉，一次過食到兩種靚肉。

The Hogtown、炸蕃薯條 

Red Lobster　阿拉斯加皇帝蟹
美國佛羅里達州嘅過江龍，一直主打各款口味龍蝦，今次特別推介阿拉斯加皇帝蟹配雪蟹，簡單烹煮保留鮮味，嘆埋松露薯條一絕。

阿拉斯加皇帝蟹及雪蟹配松露薯條

La Paloma　美國牛小排、無花果
色彩繽紛嘅La Paloma主打西班牙Tapas，用上各地高級食材為傳統Tapas 帶嚟新感覺。可先以Tapas 為前菜，再點份今次限定嘅美國牛小排配無花果醬。

美國牛小排配無花果醬

Popinjays　美國帶子．美國米
位於The Murray嘅天台餐廳及酒吧Popinjays，提供一系列高級歐陸式料理，環境奢華好啱約會。今次限定菜式將龍蝦醬咖喱配上美國帶子同美國米煮成的意大利飯，配搭新鮮，味道濃郁。

龍蝦醬咖喱意大利飯配香煎美國帶子

一共有下列咁多間西餐揀～

餐廳	菜式	食到嘅美國食材
Acquasala (意大利菜)	1) 28天熟成美國肉眼扒 ($280) 2) 卡邦尼意粉 ($140) 3) 煙肉蛋奄列 ($88) 供應飲品 1) Saffron Fields Pinot Noir 2015 Oregon ($950) 2) Saffron Fields Chardonnay 2012 Willamette Valley Oregon ($690)	美國牛肉、薯條、雞蛋、煙燻煙肉
Big Sur (西餐)	The Big Sur ($300) 供應飲品 Eve on the Rye ($95)	美國牛小排、美國忌廉芝士、Michter's 威士忌
The Butchers Club (美國菜) (灣仔、尖沙咀、太古店)	1) The Hogtown ($160) 2) 炸蕃薯條 ($33或Hogtown 加配只需$20)	美國豬肩肉、蕃薯條
Flying Pig Bistro (多國菜)	1) 維也納炸雞排 ($188)  2) 香烤美國和牛排配蕃薯條 ($288)	美國雞胸肉、美國和牛橫隔肌排、蕃薯條
Fofo by el Willy (西班牙菜)	美國龍蝦天婦羅配脆米餅 ($225)	美國龍蝦、美國米、麵粉
Franks (意大利菜/美國菜)	燉美國牛小排 ($249) 供應飲品 Fetzer Cabernet Sauvignon ($379)	美國牛小排、加州葡萄酒
ICHU Peru (秘魯菜)	1) 秘魯風味三文魚薄切刺身 ($170) 2) XOXO雞塊 ($120) 3) 西班牙風薄切和牛 ($360)	阿拉斯加三文魚、加州杏仁、美國雞髀肉、麵粉、美國和牛、美國忌廉芝士
La Paloma (西班牙菜)	美國牛小排配無花果醬 ($188)	美國牛小排、美國無花果
Lobster Shack (多國菜)	1) Potted Crab ($148) 2) 美國龍蝦尾 ($338) 3) 美國龍蝦芝士焗通粉 ($218)	阿拉斯加雪蟹、美國龍蝦、美國忌廉芝士
Mr Brown (西式燒烤)	煙燻豬肉腸配焦糖椰菜絲 (平日午市$148 三道菜午餐之主菜，可以另加$48 點選其他配菜)	美國豬肩肉
NOSH (多國菜) 官方網址	1) 美式手撕豬肉配糙米飯及甜椒 2) 蘋果紅桑莓燕麥片 3) 德州辣牛肉醬配糙米及甜椒 4) 泰式金不換Impossible™ 素肉碎配糙米飯及生菜包 5) Impossible™辣肉醬配糙米飯及意大利青瓜 (7月16起至30日開始供應，菜式將分佈於不同餐單類型，由$500／3日的素食餐單至$6,300／1個月的餐單均有包含)	美國豬肩肉、糙米、美國青蘋果、蔓越莓乾、美國牛肉、Impossible™ 素肉
Popinjays (西餐) (香港美利酒店 The Murray, Hong Kong)	龍蝦醬咖喱意大利飯配香煎美國帶子 ($278)	美國帶子、美國米
Prohibition 扒房．酒吧 (西餐) (Hong Kong Ocean Park Marriott Hotel)	香烤美國牛小排配醃椰菜及粟米蓉 ($398)  供應飲品 Merlot, Thorn, The Prisoner Wine Company, Napa Valley, 2013 ($320)	美國牛小排、美國栗米、加州葡萄酒
Red Lobster (美國菜/海鮮)	阿拉斯加帝皇蟹及雪蟹配松露薯條 ($398)	阿拉斯加帝皇蟹、薯條
Shake Up!	肉丸配車打芝士 ($38) 供應飲品 拖肥蘋果奶昔 ($53)	美國蘋果、芝士
Te Quiero Mucho (墨西哥菜) (上環)	1) 美國帶子薄切刺身 ($140) 2) 香烤安格斯牛肉 ($350)	美國帶子、安格斯牛肉
Test Kitchen	主廚推介主菜 "Flintstones" – 特製辣汁豬排及燉白蘿蔔牛肉濃湯 ($1,480／8道晚餐菜單配酒)	美國牛小排、牛油
The Peak Lookout (多國菜)	1) 蒸原隻美國龍蝦配扁意粉及香蔥忌廉芝士醬 ($388) 2) 烤碧根果脆皮美國斧頭豬扒配、蕃薯條、烤露筍及蘑菇忌廉汁 ($488)	美國龍蝦、忌廉芝士、美國豬扒、美國碧根果、蕃薯條
Treehouse 樹屋 (素食)	Lilac ($128)	美國羽衣甘藍、蕃薯條

除咗西餐廳，連韓國菜、日本菜等等都用到美國食材。其實美國食材高質安全，所以平時好多地方都會食到㗎，但期間限定菜式就唔係成日食到喇，記住呢個月要試吓！

Kelly's Cape Bop　美國蛋產品、雞髀肉、蔓越莓乾
灣仔韓國小店主打健康小食，呢度嘅紫菜卷一向用上大量蔬菜，而且全無味精。呢個無飯雞肉卷用咗美國蛋產品同雞髀肉做餡，配埋蔓越莓乾、蘿蔔絲、青瓜絲等清新材料，好啱夏天食。

無飯雞肉韓式紫菜卷

Uma Nota　美國牛小排、麵粉
融合日本同巴西菜嘅特色餐廳，一向以日式煮法烹調巴西食材，呢次就將美國牛小排、麵粉做出好有Fusion 風嘅牛小排包配醃製黃瓜。

美國牛小排包配醃製茄子青瓜 

Gunpowder　阿拉斯加三文魚
經典印度餐廳，用上各種特製印度香料，香辣又有風味。限定菜式用上阿拉斯加三文魚同埋惹味嘅美國忌廉芝士，營養豐富，仲有口感鬆軟嘅印度烤餅。

忌廉芝士阿拉斯加三文魚印度烤餅

一共有下列多種餐廳揀～

餐廳	菜式	食到嘅美國食材
Gaylord Indian Restaurant 爵樂印度餐廳 (印度菜)	阿拉斯加三文魚配馬拉巴爾咖哩 ($188)	阿拉斯加三文魚、加州杏仁
Gunpowder Indian Restobar (印度菜)	忌廉芝士阿拉斯加三文魚印度烤餅 ($168)	阿拉斯加三文魚、忌廉芝士
Kelly's Cape Bop (韓國菜)	無飯雞肉韓式紫菜卷 ($80)	美國蛋產品、雞髀肉、蔓越莓乾
Namo Avant Thai (泰國菜)	1) 香煎三文魚配青檸提子乾青醬 ($238) 2) Chicken Charm (小食 - $98，主菜 - $138)	阿拉斯加三文魚、提子乾、雞肉、杏仁
Silencio (日本菜)	1) Otaku ($188) 2) N.T. Rice ($258)	美國牛小排、美國米
Uma Nota (日本菜)	美國牛小排包配醃茄子青瓜 ($190)	美國牛小排、麵粉

Delicious USA推廣期間更舉辦 Instagram攝影比賽， 詳情請瀏覽有關網頁

想知更多有關 Delicious USA嘅資訊，歡迎瀏覽活動網頁

* 所有資料以餐廳公布為準