踏入聖誕月，相信無論有冇拖拍嘅朋友仔都好頭痕，因為大家都要準備聖誕禮物，或者要安排下聖誕假期嘅活動。除咗必食聖誕大餐外，可以考慮下同另一半或者閨蜜一齊去整自家製聖誕曲奇/蛋糕喎，而家香港有唔少自助烘焙店，所有食材、工具甚至食譜都齊晒，整完有得食，又唔使自己洗返啲碗。

 台灣過江龍自助烘焙店，銅鑼灣店地方非常闊落

 設備及食材齊全，完全唔需要自己準備，就咁行個人入去就得

 歪歪與他的聖誕曲奇樹 (準備放入焗爐)

電台主持歪歪今次就到訪咗銅鑼灣嘅 Home.焙小日子，挑戰製作需時約2個鐘嘅聖誕曲奇樹。一開始睇緊烘焙店預備嘅食譜教學片時，歪歪自信滿滿，仲聲稱自己係煮食高手：「望落都幾簡單喎，一支餅乾去做個樹幹，然後唧返啲綠色嘅cream上去就係喇喎。」到底係咪真係咁簡單？歪歪最後又整成點呢？即刻去片：

 最後嘅成品

 放大睇清楚啲，歪歪形容佢哋係藝術品
（其中有兩塊分別係由店舖職員同開飯仔整嘅，大家估唔估到係邊兩塊？）

由台灣開過嚟嘅呢間烘焙工作室，喺旺角、銅鑼灣、荃灣、荔枝角同將軍澳都有分店。地方寬敞，設備齊全，其中以銅鑼灣店有2400呎為最大嗰間。平時嘅手作食譜有超過50款，最近更特別新增咗幾款聖誕限定版，包括聖誕曲奇樹、蜜蘋伯爵雪球蛋糕、莓果生乳酪及晶凍蛋糕等。

　其他聖誕限定版蛋糕

鳴謝：Home‧焙小日子

主持：歪歪

文：Kar
相+片：YanYan