其實好多餐廳每個月都會更新生日優惠，為一眾壽星慶祝，今個9月依然有各種優惠～鍾意折扣優惠嘅最低去到半價；鍾意實際啲嘅就有甜品或壽桃送，滿足唔同性格嘅壽星。

Dodam Chicken　生日9折

呢度有烤雞同炸雞揀，兩款都係用韓國配方。烤雞有白雪芝士、芝士辣味等口味，利用高溫迫出多餘油份，外脆內嫩；炸雞就有韓式甜豉油、香蒜脆雞等，由韓國大廚以20幾種香料醃，同場仲有多款韓式料理㗎！

圖：Floracyy

圖：cheung leung、EricaMa7315

OpenRice優惠券：壽星9折生日優惠

炉端金　會員壽星半價

呢間日式放題餐廳有任食刺身、壽司、炸物、串燒等，多人嘅話仲可以加錢烤肉任食，晚市亦有任飲精選清酒，好啱一大班人慶生。炉端金會員於生日月份，4位或以上惠顧炉端金午市及晚市放題，生日壽星半價。留意返，優惠只適用於炉端金會員，而申請炉端金會員係費用全免㗎，可以聯絡店家了解。

圖：hkfoodom

圖：kingsfoodland、Wcheng0029

9月生日優惠：於生日月份，炉端金會員4位或以上同行，壽星半價

樂雅軒中菜廳　單點菜式7折＋生日獲壽蟠桃1客

喺城景國際酒店嘅樂雅軒環境光猛寬敞，同家中長輩慶祝生日可以坐得舒服啲。晚市有多款傳統粵菜外，亦有海鮮如白灼海生蝦、豉椒炒大蜆、花雕蛋白蒸肉蟹等，此外乳豬、炸子雞、七味一口炸豆腐等香口餸菜都有。

圖：大隻奀仔

圖：Yan~*

OpenRice優惠券：惠顧樂雅軒中菜廳之單點菜式，可享7折優惠；當月生日客人及同行賓客，每人可獲贈賀壽蟠桃1客

Pom's Kitchen & Deli　送自選甜品

英國回流夫婦主理嘅餐廳，佈置充滿英倫格調。主打新派西餐，將傳統同新穎食材融合，如番茄芝士焗牛尾千層麵，以拆肉燴牛尾代替平常嘅免治牛肉，更有咬勁。同場亦有炭燒美國穀飼連骨肉眼扒、龍蝦忌廉汁蟹肉龍蝦意大利飯、海鮮拼盤、原隻炭燒波士頓龍蝦配松露薯條等。

圖：kikoterachi

圖：Cestbienhaha

OpenRice優惠券：生日送自選甜品