情人節就快到喇，無論大家點樣同另一半慶祝都好，搵一間有氣氛嘅餐廳撐枱腳係指定動作啊～今次Nicole介紹兩間西餐廳畀大家，一間係蠔吧，一間係森林風西式Fusion Cafe，let’s go！
經OpenRice預訂「Marco's 豪華生蠔套餐．即煮車輪芝士意粉」享5折（按此）
第一間餐廳以木系裝修為主，好似瞬間去咗歐洲小店咁，簡單溫馨，晚餐時段不定期有駐場歌手表演，鍾意熱鬧少少嘅話呢度就啱晒你喇。「Marco's 豪華生蠔套餐‧即煮車輪芝士意粉」套餐超抵食，皆因包埋每位5隻生蠔做前菜呀！
生蠔提供升級選擇
當日嘅生蠔係Pacific Rock，如果想食法國生蠔都可以加錢升級㗎。蠔肉大隻新鮮，絕對啱蠔迷嚟食。
牛肚菌忌廉湯
煙三文魚凱撒沙律
食主菜之前飲碗熱湯同沙律提升食慾～ 你可以喺牛肚菌忌廉湯同龍蝦濃湯之間二揀一，無論愛好菇菌香還是海鮮fans都照顧晒。沙律方面就有四款選擇，包括吞拿魚法律、煙鴨胸沙律、煙三文魚凱撒沙律同意式番茄水牛芝士沙律，口味大眾化，一定揀得到啱你心水。
真．即煮意粉
芝士香氣令人流晒口水
即製卡邦尼意粉
主菜就有5款選擇，其中招牌菜之一嘅即製卡邦尼意粉好有睇頭，打卡留念最有feel啊～用火槍燒融大芝士內芯，將意粉放入去即時拌勻、再磨芝士碎灑喺表面，香氣同視覺效果都攞滿分！
原隻龍蝦海鮮意粉
原隻龍蝦海鮮意粉一樣好有視覺效果，爽口嘅龍蝦配上鮮味嘅蜆同蝦，比一般嘅龍蝦意粉豐富得多。意粉熟度啱啱好，有少少彈牙口感。
朱古力心太軟
招牌自家製Tiramisu
甜品都有幾款選擇，但招牌自家製Tiramisu一定係首選！入口有濃厚朱古力味，酒香會慢慢滲出嚟，同另一半食夠晒sweet。
Marco's Oyster Bar & Grill (彩鴻酒店)
地址: 佐敦西貢街23號彩鴻酒店1樓
經OpenRice預訂「時尚Fusion二人晚餐」享9折（按此）
以大量花草作裝飾營造時尚森林風格嘅西式Cafe，氣氛輕鬆啲，菜式則帶少少fusion感覺。套餐嘅頭盤同主菜分別有8至10款選擇，可以各揀2款，咁就唔怕心大心細啦。
前菜提供沙律、香口小食
頭盤推介比較light嘅吞拿魚牛油果藜麥沙律，同埋經典嘅炸雞粒及單骨雞翼配芝士醬互相平衡吓，後者炸得啱啱好，鹹香脆口好惹味。
美國頂級西冷配秘製京醬
西冷肉質軟腍，肉味濃厚
主菜方面好體現到中西合璧，例如呢款美國頂級西冷配秘製京醬，西冷配黑椒、紅酒、蒜汁就食得多，但估唔到鹹鹹甜甜嘅京醬都夾。
沙薑燒春雞
雞肉燒至皮香肉滑
另一道沙薑燒春雞，沙薑比起平時就咁淋上雞肉更加入味，香味亦更加突出，而且唔會覺得好油，好鍾意呢個啊！
是日甜品
4人套餐會有埋招牌脆皮梳乎厘
情人節甜甜蜜蜜，甜品當然係重點之一！招牌脆皮梳乎厘大大個，外層脆卜卜好似菠蘿包，內裡就好鬆軟，蛋香幾突出𠻹。
Greenhouse
地址: 銅鑼灣勿地臣街1號時代廣場食通天10樓1004號舖
主持：Nicole
文：Cathy
相：Michael
片：Tom
