雞翼控有福喇！最近港島區出現一間專做外賣嘅雞翼網店，主打九款唔同口味嘅雞翼，所有雞翼都經過嚴選，隻隻都大隻飽滿多汁。而外賣地區暫時只涵蓋中環、銅鑼灣及灣仔地區，想食嘅朋友上返官網訂購就得！

雞翼加入十多種香料、牛奶及新鮮雞蛋醃製，收到訂單後會即叫即炸，然後再調味，務求客人收到嘅時候仲係香脆及熱辣辣。

水牛城雞翼

用上美國水牛城最原始嘅製法，醬汁都係由店舖親自製作，味道香辣，帶些少甜及酸，非常惹味。

港式海鮮黑芝麻雞翼

港式海鮮黑芝麻雞翼係fusion口味，西式炸雞翼混合港式海鮮醬，海鮮醬加入咗蜜糖及蘋果醋，味道香甜，有啲似腸粉的甜醬。

巴馬臣芝士蒜蓉雞翼

重口味人士要試吓呢款巴馬臣芝士蒜蓉雞翼，加入生蒜、蕃茜及巴馬臣芝士，食落口有濃濃蒜香～

勁辣雞翼

叫之前真係要三思，醬汁由紫天椒製成，再加入辣油，唔食得辣唔好隨便挑戰啊！

水牛城炸雞漢堡

另外仲有供應三款漢堡，招牌水牛城漢堡，麵包鬆軟重牛油香，加入酸瓜及藍芝士後，比起水牛城雞翼，味道更清爽，而且酸度減少。

Empire wings

官方網站: https://www.empirenywings.com/order-online

文、相、片: Yanica