亞洲美食一向都係香港人嘅comfort food，好似日本菜同泰國菜咁都係港人外出用餐最中意揀嘅餐廳～今期介紹5間亞洲美食畀大家，有日式飯團專門店、日本壽司、人氣泰國菜、港式冰室及上海菜，仲有OpenRice獨家外賣優惠添！

飯丸屋(全線分店) 指定食品8折

來自台灣主打沖繩特色飯團嘅店舖，供應多款足料嘅沖繩飯團。沖繩飯團即係將紫菜包裹住米飯以及餡料再摺疊成方型，有啲類似韓國嘅紫菜包飯～特別推介佢哋嘅天婦羅蝦三重奏，包括明太子干貝酥炸蝦飯糰、Double天婦羅炸蝦飯糰及炸雞炸蝦芝士飯糰，全部都炸得好香脆，好足料！外賣套餐仲配埋原味豆漿或蜂蜜檸檬1杯及咖喱可樂餅，加埋OpenRice外賣自取獨家優惠，又幾抵食。

鮨樂(全線分店) 指定食品8折

一間性價比幾高嘅日本料理，由日本豐洲市場每日直送時令食材，保證新鮮。佢地兩款壽司拼盤都幾高質素，如松壽司盛合，包括真鯛、墨魚、甜蝦、玉子、吞拿魚、油甘魚、鰝鰺及平目魚；如果想再食好啲，可以試埋竹壽司盛合，多埋活北寄貝、中吞拿魚腩及赤蝦，全部都好新鮮鮮甜呀。

泰斗(尖沙咀) 指定食品8折

主打正宗泰國菜，菜式由泰國藉廚師班底主理，味道正宗，而且選擇都好豐富。招牌泰嫩海南雞，海南雞嫩滑有雞味，雞皮又唔會太肥，點埋醬汁食配飯真係一流。另外冬蔭功大頭蝦湯都好受歡迎㗎，酸、辣同鹹嘅味道好平衡，仲飲到香茅等香料嘅味道，好有層次，碗湯都好足料，有大蝦、秀珍菇及各類蔬菜，飲完好開胃。

金記冰室(觀塘、九龍塘、太古、赤柱、大埔、觀塘、黃大仙、薄扶林) 指定食品8折

盛載了不同年代回憶的港式連鎖冰室，於多區都有分店，雖然係連鎖但食物質素一啲都唔馬虎㗎～好似人氣咖喱牛腩咁，咖喱味濃郁之餘帶輕輕嘅辣，咖喱汁都煮得濃稠，牛腩炆得好軟腍仍保留牛味，真係幾出色。唔食牛嘅朋友可以揀咖喱豬扒，豬扒煎到香一香，配咖喱汁一樣咁好味，送飯最啱！

尚海人家(上環) 指定食品8折 

上海菜小店但食物質素都幾唔錯，每逢午市都見到長長嘅人龍排隊㗎～必試皇牌生煎包，隔着櫥窗會望到師傅即場煎緊，每一隻都新鮮熱辣，包底好香脆，一咬落去仲會爆汁，超juicy！肉餡真材實料冇羶味，湯汁鮮甜。蔥油拌麵都係唔錯嘅選擇，葱油香味濃郁，麵質煙韌有咬口；雞絲酸辣湯麵酸酸辣辣，夠晒開胃。

買開外賣嘅可以用埋呢個全新亞洲美食折優惠(推廣日期:2022年10月6日至2022年11月3日)，輸入優惠碼「HALF」或「ASIA」， 前者消費滿$60減$30，後者消費滿$50，額外減$10！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 

仲等？(按此立即落單)    

亞洲美食折優惠:

ASIA: https://www.openrice.com/info/takeaway/tc-ASIA.html
HALF: https://www.openrice.com/info/takeaway/tc-HALF.html