去得主題樂園，梗係要玩足全日先夠本！期間要醫肚嘅話，可以睇吓今年新出嘅餐甜邊款啱你～

芊彩餐廳 - Duffy與好友下午茶｜現已推出  

甜點包括迷你芒果杯子蛋糕、檸檬棉花棒棒糖、紅莓開心果杏仁撻、柚子石榴慕絲蛋糕、雲呢拿冬甩同脆皮粉色朱古力士多啤梨；而輕食則有帶子三文魚子配青豆蓉、迷你熱狗配和牛菠蘿莎莎同煙三文魚紅菜頭忌廉芝士，配上配特色飲品「歡聚一刻」。

戶外小食亭 - Duffy與好友甜品｜3月起陸續推出

以Duffy與好友角色嘅標誌性顏色或造型，設計多款色彩繽紛嘅班戟蛋糕、牛角包窩夫、甜甜圈等。而雪糕控記得試Linabell北海道5.0牛乳配白桃味軟雪糕呀～

大街餐廳  - 下午茶及各式甜品（$488/2位）｜3月起陸續推出

下午茶設有10款鹹甜點，如米奇鮮果撻、唐老鴨藍苺乳酪、手撕豬肉漢堡、蟹餅等。而單點食品夏威夷烤雞、和牛芝士牛角堡、奶油蘋果餡餅雪糕、雙重朱古力布朗尼等十多款選擇。

留映廳 - Marvel主題雞尾酒及西班牙小食（$68-248）｜現已推出  

鹹點有連殼蠔殼都食得嘅大蒜菠菜忌廉．脆蠔殼、漫威英雄香煎帶子「龍蝦辣油雪粉 ∙ 脆紫菜」、馬鈴薯拼湊「鴨油薯條．脆炸松露薯球．芝士煙肉焗薯皮．煙熏紫菜辣香薯片」、香梨煙三文魚忌廉芝士球、牛油果番茄墨西哥玉米餅、迷迭香竹炭脆皮、醋漬番茄 ∙ 水牛芝士氣球同意大利黑醋粉。甜品則有朱古力聯盟「朱古力布朗尼 ∙ 朱古力忌廉 ∙ 辣朱古力心太軟」同美國隊長青檸撻。

藝彩廚 - 藝彩廚午餐（$248起）｜現已推出  

三文治主食配上每日精選主廚西湯，三文治設有烤魯賓三文治（鹹牛肉｜火雞）、特色熱狗（法蘭克福腸｜蟹肉）、經典漢堡（牛肉 ｜ 魚柳 ｜ 烤雞）、田園風味意式香草麵包、特色龍蝦熱狗以及是日烤肉精選；而湯品包括啖啖肉嘅法式龍蝦濃湯、西蘭花忌廉湯、紅菜頭牛肉羅宋湯同馬鈴薯煙肉芝士濃湯。

翠樂庭餐廳 - 避風塘特色美食｜將於4月推出  

菜式包括辣洒煮花螺、蒜蓉粉絲蒸扇貝、豉椒炒蜆、避風塘炒龍蝦、豉油皇乳鴿、燒鵝瀨粉、避風塘鮑魚蟹粥同豉油皇炒麵。

文、相：Cathy