外賣自取大激賞！人氣叉燒飯專門店指定食品7折消費滿$60再減$30

雖然已經11月，但有時天氣都仲係熱熱地，買外賣返屋企慢慢嘆仲舒服啦～唔少餐廳都不定時推出外賣優惠，今次繼續介紹5間畀大家，有新式叉燒專門店、港式西餐小店、兩間人氣上海菜館及港式豉油西餐，總有一款啱你口味！

好叉好味 (上環、北角、觀塘、紅磡、鰂魚涌、金鐘、灣仔) 指定食品7折

叉燒都可以型住食！呢間新潮叉燒外賣店愈開愈多分店，叉燒同坊間一樣選用梅頭豬肉，採用中西合壁烹調手法，幫豬肉長時間按摩後用中式醬醃製，跟住放入特別機器慢煮三十分鐘，先高溫鎖住叉燒肉汁，然後低溫慢煮，最後再高溫煮令表面焦香。有柚香、辛麻同爆蒜等口味，柚香就清新啲，辛麻愈食愈上癮，爆蒜就夠晒惹味。

Ricco (長沙灣) 指定食品7折

呢間係主要供應港式及西式食物嘅小店，好啱上班族lunch買嚟食～如黑松露忌廉芝士雜菜魚柳炒意粉，黑松露味都幾突出，配埋芝士食幾有層次。羅勒青醬雞肉意粉都推介，羅勒青醬味好香濃呀。小食方面地瓜丸同招牌生炸雞髀都好受歡迎，熱辣辣外皮又香脆，啱晒鍾意食香口嘢嘅朋友。

夏麵館 (全線分店) 指定食品7折/8折

人氣經典上海菜，以自家製嘅麵條聞名，標榜少油少調味，食都食得健康啲～如上海醬鴨，鴨肉細膩，鴨皮油亮亮，入口帶有淡淡甜味，醇厚而不膩，好鮮味！另外鮮蟹粉黃魚片麵都幾高質素，選用江蘇蟹，肥美蟹膏又甘甜，每一啖麵都係蟹粉香味～魚片都好彈牙有魚味。

金鳳大餐廳 (全線分店) 指定食品7折 (1400後供應)

老字號港式扒房，以熱辣辣嘅鐵板呈上親民價扒餐，香味四溢，難怪成日都排長龍啦。外賣套餐都非常抵食，如肉醬煎蛋意粉套餐，酸酸甜甜咁好開胃，係兒時的味道呀。仲有黑椒豬柳飯/意粉套餐，豬柳軟腍得嚟有彈性，配埋黑椒汁送飯一流。

樂天皇朝 (全線分店) 指定食品7折

以招牌小籠包而聞名，皮薄餡靚又多肉汁，豬肉餡比例啱啱好，肉味鮮甜，一定要一啖食晒先夠過癮～鍾意食辣嘅就一定要食香辣水煮魚，魚肉好滑溜，湯汁辣得嚟唔會太油，底吓仲有超多索晒辣汁嘅煙韌粉條添！鍾意煙韌口感，上海炒年糕都好啱食呀。

買開外賣嘅可以用埋呢個全新外賣自取大激賞優惠，輸入優惠碼「HALF」或「SALE」，前者消費滿$60減$30，後者消費滿$50，額外減$10！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！

仲等？(按此立即落單)

外賣自取大激賞優惠: