買外賣嘅生活多咗，唔少朋友仔都諗到頭大唔知食咩好，不過就算外賣菜式都可以好精彩㗎～今期繼續介紹多間外賣優惠餐廳畀大家，有人氣法式薄餅專門店、西式咖啡店、新開嘅日式丼飯及兩餸飯店、連鎖日式餐廳及日本麵店等，顛覆你對外賣嘅想像！而家出左消費券，仲可以食豪啲，食到盡！

Crêpe Delicious (灣仔、旺角) 單點菜單7折(套餐除外)

來自加拿大嘅過江龍法式可麗餅專門店品牌，當然主打法式可麗餅喇！餐廳採用新鮮入口原材料，班戟漿更直接由加拿大進口。每份班戟即點即做，餅皮微厚帶韌性，蛋味香濃，餡料豐富。如焦蘋肉桂甜薄餅及經典款香蕉+Nutella都好受歡迎。鹹可麗餅就有黑松露炒滑蛋及美式手撕豬等選擇。除咗甜、鹹可麗餅，仲有意粉、意大利飯、酥皮薄餅及意式雪糕奶昔等供應！

The Salfee Bar (鰂魚涌) 指定食品半價

有時工作做到攰，一杯靚嘅咖啡絕對唔少得。咖啡係自家House Blend，有Fruity同Nutty兩款風味選擇。仲有自家冷萃12-15小時嘅咖啡，如紫蘇及紅棗口味都好特別。唔係太好咖啡都好多其他飲品選擇，如西村宇治抹茶拿鐵、法國Weiss朱古力及紅菜頭拿鐵等，款款都好濃厚呀。

世食 (灣仔) 指定食品7折

觀塘親民日式料理店嘅負責人開設嘅日式丼飯及兩餸飯餐廳，一系列嘅丼飯都好吸引，如蒲燒原條鰻魚丼，折後只係$58，鰻魚又厚肉香甜，抵食之選。灸燒三文魚腩丼都值得一試，三文魚魚油好香，腩位油分重，入口即溶！如果想食返啲港式嘢，呢度都有近排好受歡迎、經濟實惠嘅兩餸飯，豐儉由人～

丼丼屋 (全線分店) 指定食品7折

日式連鎖丼飯專門店，推介滑蛋吉列大蝦丼，大蝦天婦羅外層炸得香脆，蝦肉彈牙新鮮；蛋都煮得好滑溜，送飯一流！想健康啲嘅可以試埋鯖魚便當，魚味都幾突出～另外餐廳嘅其他丼飯都幾出色，如十勝帶廣名物豚丼、期間限定灸燒芝士豚丼及特上盛大蝦海鮮丼等。

麺屋こころ (灣仔) 指定食品7折

日式拉麵就聽得多，撈麵你又食過味呢～灣仔呢間餐廳主打日式撈麵，招牌原味東京撈麵食材包括溫泉蛋、辣肉碎、蔥花、紫菜碎、生蒜、魚粉及小麥麵，麵條自家新鮮手製，有咬口同有小麥香。醬汁有啲似沾麵嘅魚介湯，夠惹味。想清新啲可以試試另一招牌柚子鹽味撈冷麵，加入雞肉、溫泉蛋、水菜及竹筍等食材，柚子汁令成碗麵更開胃！

買開外賣嘅可以用埋呢個全新齊齊消費食到盡優惠，輸入優惠碼「HALF」#或「FLASH」#， 前者消費滿$60減$30，後者消費滿$50，額外減$10！另外仲有抗疫晚市限定優惠，每日下午4時起，輸入優惠碼「TAS20」 ^消費滿$200，即減$20！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！                    

仲等？(按此立即落單)     

#齊齊消費食到盡優惠：

FLASH: https://www.openrice.com/info/takeaway/tc-FLASH.html

HALF: https://www.openrice.com/info/takeaway/tc-HALF.html

^抗疫晚市限定優惠：https://bit.ly/3G1OrBi