台灣真係一個好地方，點解咁講？因為開現發現台灣有超多新款嘅抹茶甜品，大部分喺香港都未見過，亦唔少係近排先推出或網路上爆紅，身為抹茶控嘅你又點可以錯過啊？一於買返張平機票，今個週末去台灣展開一場抹茶控專屬嘅台灣之旅啦！
網路大熱超厚抹茶鬆餅Eilleen's coffee X SQUAD
當冰凍抹茶磚遇上熱鮮奶 丑咖啡
圖: jiajiali___(Instagram)、olivedate_lu (Instagram)
丑咖啡位於桃園市附近嘅大溪區，雖然位置比較偏遠，但呢間café 首創嘅抹茶磚鮮奶仍然吸引到唔少客人。抹茶做冰唔會因為溶化而溝淡茶味，其實係抹茶成分高嘅抹茶奶綠，而且見住冰冷嘅抹茶磚慢慢溶喺熱鮮奶入面變成一杯抹茶鮮奶，真係要講返句「被治癒了！」
Outlet掃貨 充電之選 J.S. FOODIES
以鬆餅為主打嘅J.S. Foodies喺新北Mitsui Outlet Park林口店限定推出咗喱款靜岡抹茶紅豆鬆餅，鬆餅柔軟香滑，靜岡抹茶味道微苦帶甘，配上較甜嘅紅豆內餡、抹茶芝士奶油同香草味雪糕，味道恰到好處，唔會太甜亦唔會太膩，喺Outlet掃貨掃到攰攰地去坐低食件鬆餅補充體力再去作戰就至好不過喇！
Selfie呃like必去 好米亞
圖：linda5566456(Instagram)、wilma21e(Instagram)
位於台北市捷運忠孝敦化站附近嘅好米亞一向選用法國進口麵粉，堅持製作高質素食物。除咗有一般西餐，亦有唔少抹茶甜品滿足到各位抺茶控。一直用日本小山園抹茶製作甜品，味道唔錯，個樣仲好呃到like，啱曬各位抺茶控喺到慢慢selfie啦！
正宗京都宇治抹茶 一○八抹茶茶廊 
圖：靜兒貪吃遊玩愛分享 為食MoJil
來自北海道嘅一○八抹茶茶廊就位於台北車站附近嘅京站時尚廣場，專賣各式各樣嘅抹茶甜品。當中以抹茶外皮配上紅豆餡嘅大判燒最受歡迎，抹茶味濃，外皮口感好似蛋糕一樣咁鬆軟，入面嘅紅豆餡味道又唔會過甜，另外仲有多款唔同配搭嘅霜淇淋，同樣係選用京都宇治抹茶，一次滿足你嘅抹茶願望。
抹茶流心新口味 桂冠抹茶風味湯圓
圖：celler111(Instagram)、saiomei(Instagram)
以為返到酒店民宿就無得食抹茶甜品？咁你就錯喇！近排台灣推出咗呢款抹茶風味湯圓，入面嘅抹茶餡仲會爆出嚟，宵夜點少得佢啊！喺家樂福、大潤發、愛買、頂好同全聯等超市都已經上咗架，經過超市記得買埋先好返民宿喇。
總有一間喺附近 Family Mart抹茶雪糕
圖：3mouths3(Instagram)、aukakei(Instagram)
淨係行超市又點會滿足到身為抹茶控嘅你，當然要行埋便利店繼續掃抹茶甜品啦。而家喺全台灣嘅Family Mart都有得賣呢款抹茶雪糕，由喺日本已經有過百年歷史嘅辻利抺茶出產，抹茶味香濃仲有啲回甘，遊台都有得試日本滋味，絕對可以一戰！
文：Dap
其他精選文章推介：
來一個台灣沒完沒了抹茶之旅(中南部篇）
被遺忘的時光 香港傳統茶樓推介
【又到聖誕】噢！聖誕節 ~ 韓、台5大應節聖誕樹甜品
隨時接收最新資訊
讚好OpenRice專頁！