無論你係中學生定大學生，都總有試過去連鎖咖啡店傾Project。今次Starbucks就將旺角洗衣街分店部分地區劃為Study zone，而且出示學生證仲有限定優惠。想一遍嘆咖啡一邊搵書得，扮哂Group Project開會實則吹下水亦得，得咗。
暫時指定分店只有旺角洗衣街呢間，勝在地方就腳，而且足足有兩層樓高地方亦夠大，唔怕搵到位讀書啦。
而且只要出示返有效學生證，買中杯或以上Size嘅手調飲品就有得免費升級。保留單據，三個鐘頭之內買第二杯仲有半價！
正所謂「同學愛新鮮」，呢間冰室主題分店仲有雪糕菠蘿包同鴛鴦芭菲可以一試，得呢間同都爹利街兩間分店有㗎咋。
本來呢間Starbucks就有唔少學生去傾Project，有咗優惠之後就更多人去溫書。優惠期暫時去到年尾，呢個Sem唔係唔去用下嘛？
旺角洗衣街星巴克學生優惠
優惠期間：即日起至2016年12月31日（暫定）
*兩項優惠可同時使用，半價優惠只限同一位學生使用
隨時接收最新資訊
讚好OpenRice專頁！