各位擁有少女心嘅女士們ready好未？平時食開卡通主題嘅下午茶多數都係一啲傳統西式三層架，旺角呢間餐廳就搞搞新意思，推出Barbie主題嘅泰式下午茶！有齊甜鹹點食之餘仲可以打埋個卡啊～
‘Living in a tale’ Afternoon Tea Set ($418)
呢個Barbie主題嘅Tea Set就有齊六款鹹點、三款甜品同自選兩杯飲品。鹹點包括泰式香茅雞翼、水牛城雞翼、青檸蟹肉蘇盒、泰式柚子煙三文魚沙律同泰式柚子蝦沙律，無論係清爽嘅沙律定係惹味嘅雞翼都有！
三款甜品就包括泰國菜必食甜品芒果糯米飯、椰汁芋頭西米糕同椰青大菜糕。芒果糯米飯芒果香甜，糯米煙煙韌韌。另外仲有得自選兩杯飲品，杯杯都啱晒打卡！
如果多人去驚唔夠食，仲有得單點芒果糯米飯($78)同埋泰式泰式甜品拼盤($68)，一齊share食就最開心～
食完個咁少女心嘅下午茶，同一棟大廈內仲有個Barbie 烘焙工作坊，有得自製三款甜品，分別係Barbie士多啤梨卷蛋($380)、曲奇($320)同冬甩($350)，無論係自己食定送人都好啱！
地址: 旺角登打士街56號家樂坊8樓801號舖
文、相、片: Yanica
