食飯最怕就係見到長長人龍，仲要棟篤企喺餐廳出面，好似咁都咪話唔慘。而家OpenRice新推排隊服務，只要用手機遙矩攞飛，有位先至施施然行去餐廳入座，好方便！
手機攞位 不用排隊
呢個功能暫時只係適用於手機應用程式，只需於app入面或者餐廳門口見到「攞位」icon，揀選人數，即可一按等位。差唔多有位時仲會收到通知，唔怕等過龍！詳細用法可以參考以下網址：http://bit.ly/2tlcpBH
今次精選幾間有得用排隊服務嘅餐廳，睇睇邊間最啱食？
創意台式邊爐 火鍋撚
突然邊爐癮起？不過打邊爐閒閒哋都要食兩個鐘，冇book位就預咗有排等！火鍋撚中環分店面積更大，坐得更加舒服。湯底推介麻辣同蜂巢豆腐白湯鍋，仲可以無限添加鴨血同豆腐，有幾分似台灣某名店架，創意配料如午餐肉菜甫餃、龍蝦湯爆漿牛丸都值得一試。
圖：
圖：肚餓的遊戲
米芝蓮甜品店 Joyful Dessert House
食完飯即興去下場食甜品，去到發現好多人？呢間甜品店連續兩年獲得米芝蓮街頭小食推介，主打一系列賣相精緻嘅甜品。招牌作拿破崙做得鬆化酥脆，可配芒果、香蕉、藍莓等不同口味，燒菠蘿雪芭、紫薯香芋芭菲都多人食。最近於銅鑼灣新開分店，同樣有等位服務架。
圖：
圖：TANSY私家車
九龍城名氣泰菜 小曼谷海鮮燒烤屋
大家食泰國菜一定諗起九龍城，成日都好多人等位。小曼谷紮根九龍城多年，泰菜正宗而且質素穩定，冬蔭公、泰式生蝦固然係必食，其他海鮮類好似咖喱炒蟹、明爐蒸魚等都唔錯，串燒亦都燒得香口惹味。呢間分店裝修比老店更骨子，仲有Live Music添喎。
圖：Babyzbb
圖：旺角人氣fusion菜 街坊cafe
呢間人氣小店位於女人街，憑一道中西合璧嘅鑊仔河粉打響名堂，好似龍蝦汁海鮮河粉取代意粉，相當有新意!其他招牌菜包括素鮑參碗仔翅，配料足，充滿港式風味。扒類、小吃質素不俗,價錢亦親民。午市及晚市成日滿座，用排隊功能就最啱。
圖：agnes820
圖：立即下載OpenRice手機應用程式享用攞位功能啦！
Android: http://bit.ly/1Pyw4RQ