出街食飯點先最抵？即刻跟實每月至抵優惠book枱食飯、用抵食餐飲券堂食/外賣自取，就可以擸盡著數啦！
繼續有外賣自取夏日大放送第二彈優惠，今期有透心涼嘅台式茶飲店、港人至愛嘅日式拉麵、多口味熱狗店、來自台灣嘅炸雞店及西式外賣小店，買返屋企慢慢嘆仲正啦～
花斑茶社（全線分店）
香港人主理嘅台式飲品店，特色係選用台中茶園直送茶葉，飲品選擇都好多元化，有傳統奶茶系列、鮮奶系列、益力多系列及冰茶系列等。而家天氣熱辣辣，飲返杯清新嘅茶飲就啱晒，好似紅芯芭樂檸檬同紅芯芭樂綠茶，前者酸酸甜甜，後者仲多咗份茶香，而且芭樂味都好突出。牛油果鮮奶沙冰都唔錯，質地杰身，清爽得嚟又飽肚，無咩胃口食嘢時飲返杯就最合適。而家呢三杯飲品都做緊第二杯半價優惠。
金鶴拉麵（全線分店）
呢間日式拉麵主打雞白湯，分別有史上極濃雞白湯拉麵及雞白湯拉麵，湯底由日本製造直送，以全雞熬足6個鐘，加入木魚湯後再用攪拌機打成泡沬，幼滑鮮甜。雞叉燒選用日本薩摩赤雞製成，為低溫慢煮雞胸肉，雖然係雞胸但完全唔嚡，簡單以黑椒、鹽調味已經好好食。另外仲有黑蒜醬油湯拉麵及鹽味拉麵等選擇，只要買以上嘅拉麵會送日式餃子或日式唐揚炸雞呀～
齊柏林熱狗店（上水、觀塘、九龍城）指定食品9折(上水分店)
相信大家都唔陌生嘅人氣熱狗店，提供多款特色口味，如芝士辣肉醬、紐約辣味熱狗及田園風味等～推介呢個咩醬都有嘅混醬的包裹總有熱血的狗，加埋芝士粉及匈牙利腸，味道好豐富，上水分店仲有8折添。芝士控就要試棉被芝士熱狗，加咗三重熱溶芝士、粟米、蛋黃醬及法蘭克福腸，滿滿都係芝味！而家買指定熱狗再根據唔同分店會送牛油粟米或冰菠蘿。
繼光香香雞（將軍澳、旺角、深水埗）
來自台灣嘅炸雞專門店，招牌香香炸雞選用咗數十種辛香料醃製，雞肉外酥內彈牙粉嫩多汁，好入味而且香料味都幾濃厚。最後再灑上以中藥調味特製而成嘅胡椒粉，香氣更加獨特。而家買大份嘅香香炸雞會送一份田字薯餅。另外川麻雞髀扒、胡麻脆雞翼、墨魚甜不辣及蒜脆杏鮑菇等都值得一試㗎。
Chickee’s（西環）指定食品8折
一間主打意粉同爆薯系列嘅西式小食店，份量好大而且價錢實惠，性價比好高！推介卡邦尼意大利粉，又香又滑芝士味都好濃郁，意粉軟硬程度啱啱好。肉醬意粉都唔錯，酸酸甜甜好開胃。呢兩款意粉都做緊8折優惠，仲會送一杯Expresso Tonic～佢哋爆薯系列都值得一試㗎，如黑松露蛋沙律爆薯，黑松露香氣極濃，薯蓉creamy又幼滑。
買開外賣嘅可用呢個夏日大放送優惠，輸入優惠碼「FREE」，消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
夏日大放送優惠：https://www.openrice.com/info/takeaway/tc-FREE.html
夏天真係行兩步就出晒汗，有時熱辣辣唔想出去迫嘅，買外賣返屋企食就最正啦～今期外賣自取優惠有海南雞專門店、人氣車仔麵、主打手工薄餅及韓式炸雞餐廳、台式飲品店及西式咖啡店，間間都有送野或第二份食物優惠，睇吓邊間啱心水！
營豐海南雞專門店（全線分店）
好多分店嘅海南雞外賣專門店，主打大件夾抵食！招牌脱骨海南雞飯，會跟一個湯同埋可以自選白飯或油飯，雞肉嫩滑又入味，面頭淋上薑蓉同海南雞醬油，仲會附上一包酸酸地嘅辣醬汁，底部舖左醃蘿蔔，酸酸甜甜好開胃。叫呢個飯仲會送多雞翼兩隻，性價比真係好高。
十兄弟車仔麵（灣仔）
人氣車仔麵店，自選配料有幾十款選擇，另外亦設有固定組合嘅招牌麵款，啱晒有選擇困難嘅朋友。招牌食神嗱喳麵就有特級濃汁牛筋丸、香辣豬紅、清甜蘿蔔、鮑汁魚肚及香辣玻璃魷魚，另外推薦柱候牛四寶，包括五香金錢肚、濃汁牛筋丸、柱候牛坑腩同勁腍牛孖筋，牛孖筋好受歡迎，慢煮48小時後香軟入味，啱晒牛魔王。叫唔同嘅招牌麵款都會送鳳尾蝦網米春卷或秘製泰式無骨鳳爪～
主打手工薄餅及韓式炸雞嘅餐廳，手工薄餅如番茄芝加哥、燒烤派對芝加哥同肉食狂人芝加哥等都可以揀黑糖邊餅底，黑糖批邊淋滿黑糖醬，入面係滿滿芝士夾心，好吸引！仲可以自選雙拼芝加哥薄餅添。炸雞呢就有9個口味，如經典蒜香蜜糖、有特色嘅黑糖年糕、泡菜蛋黃都唔錯。而家只要買芝加哥Pizza都會送半份炸雞！
小黑糖（全線分店）
來自台北嘅台式飲品品牌，所有原材料都從台灣運到香港，可以飲到同台灣一樣嘅味道呀。而家咁熱最啱飲啲清新啲嘅茶飲，如草莓綠茶、荔枝烏龍及百香綠茶，全部果香都好突出甜味自然，飲完真係透心涼。買第二杯有半價優惠添～
HABITŪ table / HABITŪ Caffe（全線分店）
一間幾有少女心嘅西式咖啡店，供應沙律、薄餅、意粉、Risotto、全日早餐及多款好啱打卡嘅靚咖啡～而家買薄餅會送一杯無酒精飲品呀，推介試吓佢哋嘅咖啡，如紅菜頭泡沫豆奶，粉紅色嘅豆奶加上愛心拉花，好啱打卡！Pizza方面蒜香蝦薄餅香濃惹味，蝦肉彈牙好足料；巴馬火腿無花果薄餅就鹹鹹香香，加埋無花果嘅清甜，好清新。
買開外賣嘅可用呢個夏日大放送優惠，輸入優惠碼「FREE」，消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？(按此立即落單)
夏日大放送優惠：https://www.openrice.com/info/takeaway/tc-FREE.html
聚餐精打細算啲，分分鐘可以試多幾間餐廳，今期精選推介有67折起嘅廚師發辦、西式二人晚餐等，啱你口味就咪錯過喇～
赤本山（將軍澳） 午市廚師發辦 67折
大滿足午市套餐！將軍澳一間廚師發辦餐廳，午市嘅「赤本山お任せ料理」有成23道時令菜式，包括刺身三品、壽司十二貫、御料理等，有機會試到北海道紫海膽、鯛魚等鮮味食材。裝潢則參考「侘寂」概念，環境優雅，而家用餐飲券，三人同行一人免費，啱晒同好友聚餐慢慢嘆。
67折餐飲券：（按此）
曜（銅鑼灣） 15品晚市廚師發辦 7折
圖：如果想夜晚撐枱腳想食好啲，銅鑼灣呢間型格嘅割烹料理餐廳係唔錯嘅選擇，裝修注入武士元素，設計簡約得嚟有特色。另外食物亦加入創意元素，好似蟹黃油伴花山烏冬配上花膠湯，選用嘅闊條烏冬非常掛汁，每啖都充滿鮮味；另外花膠果凍則以龍蝦汁、花膠製成，入口嫩滑。
7折餐飲券：（按此）
House FiftyEight（觀塘） 二人晚餐 74折
圖：收工後或週末想玩下食下嘅話，觀塘呢間西餐廳就幫到你喇～店內設有娛樂區，提供飛鏢機、Beer Pong等玩樂設備；而菜式則有多款肉類料理，包括美國安格斯牛仔骨配龍蝦尾、法國自然春雞等。想抵啲試下嘅話，可以用餐飲券嘆四道菜二人晚餐，有74折㗎。
74折餐飲券：（按此）
Dirty Skillet（筲箕灣） 二人下午茶 71折
一般Tea Set以甜點為主，但筲箕灣一間餐廳嘅「小浮誇幸福2人下午茶」就有多款鹹點。三層架包括惹味嘅炸墨魚條、煎蠔伴黑松露，以及清新嘅煙三文魚青瓜三文治等款式。甜點方面雖然只有3款，但都係人氣口味，包括提拉米蘇、芒果拿破崙同法式多士，配合餐廳馬戲團嘉年華主題裝潢，食物同環境都好啱打卡。
71折餐飲券：（按此）
FOMO Cafe & Lounge（銅鑼灣） 酒精飲料 33折
圖：聚餐想盡興啲，少不免會飲返杯relax下。銅鑼灣一間樓上西式cafe就推出晚市酒水優惠，可以用餐飲券33折嘆酒精飲品2杯，除返開即$29杯，超抵呀！咁點多幾款佐酒小食，如招牌蜜糖雞翼、S'mores dip等就更加chill。
33折餐飲券：（按此）
更多餐飲券優惠：（按此）
預早訂座可以慳返等位嘅時間外，仲可以有額外訂座優惠！今個月為大家精選幾間激抵優惠，有5折起嘅燒肉、廚師發辦、Tea Set等，睇啱，撳個掣就可以訂座喇～
貓抓烤肉（旺角） 全單 58折 
圖：以可愛貓咪做設計主題嘅燒肉店，牆身以呆萌嘅貓咪圖案作裝飾，啱晒貓奴嚟一邊嘆燒肉，一邊打卡。主打嘅燒肉拼盤有「貓抓全明星」、「貓抓全牛」兩款，全明星包括雪花牛、炭燒梅花肉、藤椒雞腿肉等肉類；而全牛則有5個牛肉部位，照顧唔同口味嘅朋友。
58折訂座優惠：（按此）
朝（太子） 肉眼牛扒/五點刺身盛、清酒 半價
圖：太子呢間人氣居酒屋，以黑色主調、月亮同星星圖案作佈置，氣氛幾relax。餐廳供應多款燒物、刺身同清酒，其中招牌岩鹽燒頂級牛板腱燒得啱啱好。嚟之前可透過OpenRice網上訂座攞優惠，以半價嘆埋五點刺身盛/鹽燒安格斯肉眼牛扒同清酒，咁就更加豐富啦～
半價訂座優惠：（按此）
鮨心 ，旬節（旺角）指定晚市廚師發辦 第二位半價
圖：旺角一間木系裝修嘅廚師發辦專門店，不時推出新品，更搜羅日本各地時令海膽、花咲蟹等鮮味食材炮製獨特菜式。其中晚市廚師發辦套餐可多達24品，包括拖羅三文治、特選海膽等；料理則有機會試到鹽焗紫蘇銀鱈魚等特色菜，啱晒約會或慶祝重要日子嚟食。
第二位半價訂座優惠：（按此）
Uptop Bistro and Bar（尖沙咀） Tea Set 半價
開餐同時欣賞藍天白雲、城市景色！講緊嘅係位於尖沙咀一酒店頂層嘅西餐廳，最近換上「菠蘿夏日」主題下午茶，以甜度較高嘅菲律賓黃金菠蘿入饌。10款開胃鹹甜點包括菠蘿泡沫帶子、菠蘿鴨肝慕絲多士、菠蘿椰子迷你甜筒等，大人小朋友都啱食。另外重有常駐嘅閃亮摩天輪下午茶畀你揀，包括馬卡龍、吉列蠔、迷你和牛漢堡等大眾化口味。
半價訂座優惠：（按此）
伍佰海鮮火鍋（尖沙咀） 全單 55折
圖：ccrreami
要搵高CP值火鍋，不妨考慮尖沙咀呢間專門店。精選套餐會先上時令海鮮、極上刺身盤，當中包括鮑魚、象拔蚌仔、厚切油甘魚等，用料新鮮；而特色火鍋配料推介每日限量供應嘅魚三角、豬天梯、牛黃喉等部位，配清潤海底椰雞腳湯底，鮮味更加突出。如果做齊指定動作，可以轉為任食𠻹。
55折訂座優惠：（按此）
更多網上訂座優惠餐廳：（按此）
