父親節緊接著母親節到臨，又要為選擇晚餐地點而頭痛，父母總會說一家人吃餐飯就好了，但一年一度又怎能求其了事？爹哋嗜杯中物，一於吃一頓海鮮餐，邊喝邊大啖海鮮，以下羅列中式西式平價高級餐廳給爹哋選擇，讓他選出合心意的慶祝地點。
（Cover photo by Lamlamlei）
中式海鮮
小時候周末會一家人到西貢、流浮山吃海鮮，但為免爹哋舟居勞頓，市區還是有不少具質素的中式海鮮飯店可選擇。（唯注意以下介紹的食店都以食物質素及抵食為主，部份食店環境一欄評分會較低。）
（Photo by 狐狸）
金山海鮮酒家
佐敦區的老牌海鮮酒家，一大排魚缸陣容不比海邊飯店輸蝕，而且很多都是野生海鮮，最重要是價錢平，同款海鮮比酒家吃價錢平一截，鮑魚、蠔等海鮮可因應人數逐隻叫。
jamie2046：蒸鮑魚半打：好鮮味，新鮮鮑魚，唔算好大隻，但吃得出係新鮮的。不用加什麼花款的配料，單單葱花和滾油，已足矣！
小豬同學：全酒樓有3層但都可以坐滿，可想而知他的受歡迎程度，價錢大眾化都唔貴！！
狐狸：椒鹽賴尿蝦─賴尿蝦走油得香脆而不油膩，肉鮮嫩，椒鹽味香口。
（Photo by bilow）
福來居（牛記）海鮮飯店
在旺角區立足50多年的福來居（牛記），牛記是未入舖大牌檔的名字，店外發泡膠箱載滿各類海鮮，石頭魚、瀨尿蝦、蟶子皇、花螺等應有盡有，不用餐牌隨心所欲點叫喜歡的海鮮菜式。
LP：豉椒炒聖子皇─原隻大聖子切件來炒，鑊氣夠，豉椒味亦夠香濃，而蟶子肉除了鮮甜還帶爽脆，用來下酒一流。
小連：呢味真係第一次食，吃做琵琶蝦，好大隻的，用芝士來炒食落肉質超似龍蝦，豐厚既肉身彈牙有嚼勁，好正﹗大家都讚好！
bilow：西蘭花炒斑片─斑肉約斤半重，份量絕對有睇頭，肉質極之鮮嫩滑溜，西蘭花爽脆，味道濃稠得宜，果然非同凡響！
（Photo by Gourmet KC）
力奇四季火鍋
吃火鍋除了牛肉，海鮮是很多人的第二最愛。雖然力奇的環境和服務欠佳，但還是吃海鮮火鍋的頭號選擇，尤其大大隻的鮮活南非鮑魚，肉質鮮甜彈牙，而湯底首推番茄粟米薯仔湯底，清甜足料。
horryc：蝦滑拼墨魚滑. 蝦滑比較有鮮味,蝦滑係用原隻鮮蝦打成,彈牙,超正必食推介。
陳肥肥：蕃茄薯仔湯底─嘩，大煲到呢…未試過打邊爐個湯底都咁多料！滾到最後d蕃茄溶晒，正呀！
Gourmet KC：鮑魚是新鮮得不得了，件頭夠大，估計最少也是「四頭」。連殼下窩淥十分鐘左右，肉質鮮甜彈牙，人間珍味。
（Photo by SMASHING PUMPKINS）
蟹增盞食蟹專門店
炒辣蟹店坊間多的是，蟹增盞受食家歡迎的原因在於平靚正，大大隻的肉蟹放在門外名碼實價，炒功亦出色，其它小菜類水準亦不俗。
殘酷一丁：主要都係食辣蟹，此店的避風塘炒蟹做得不錯，蟹肉新鮮絕對唔係水蟹！實bon bon既蟹肉最令我印象深刻！
cheesy_cheesy：霸王蔥走地雞，平時的我一向不愛吃有骨的雞，但那次也忍不住口吃了三四件~因為雞肉滑溜，蔥又香，眾人佳非常喜愛。
SMASHING PUMPKINS：先上的拼盤，九肚魚超水準，香脆之外，肉質鮮嫩得彈破，炸豆腐又是外脆內滑，芝心丸入口Cheesy。
西式海鮮
一提起西式海鮮就會想起Oyster Bar，近年生蠔吧越開越多，各國種類的生蠔都可品嚐到，而且同場供應的西菜亦甚有質素，以生蠔作頭盤，再吃一頓豐富的西餐就最好不過了。
（Photo by Lamlamlei）
Island Seafood & Oyster Bar
口碑載道的海鮮店主打世界各地的貝類及魚類海產，餐廳中央設有開放式蠔吧，展示20多種不同的生蠔，加上餐廳裝潢甚至情調，藍白色的環境令人猶於置身海邊，而龍蝦、意粉等亦很受歡迎。
B女週圍遊：三款生蠔，由淡至濃，一人三只真係唔夠喉，我最中意澳洲細細隻，d蠔好鮮味丫~唔怪得個個讚，真係同自助餐果d無得比~
MiFFy BB：個龍蝦好新鮮，好多膏，d肉好爽，v good，有點意料之外，加埋佢比個蒜蓉汁……無得頂oY
tam tam：我地一行人本身都係蠔痴，呢度o既生蠔雖然略嫌海水味有點過重，但確實不錯，2種都非常肥美，口感一流！
（Photo by 阿菇）
海鮮站
海鮮站店子小小，所以除了堂食，還有不少外賣生意，凍櫃內放滿長腳蟹、澳洲水晶蟹、澳洲龍蝦、蟶子皇等十多種選擇，生蠔、焗蠔、麵包蟹最受歡迎，最重要是價錢平，物超所值。
阿菇：我地點左蒸聖子皇，三隻辣兩隻唔辣都得，又唔會加煮功費用。比起去西貢食化算好多，又冇最低消費，就算兩個人去食，都可以試好多種類。
肥豬腩：加拿大蟹─味濃…膏多…兩隻蟹食到我如痴如醉…回味無窮…個人比較喜歡加拿大蟹…蟹味重D…
姚東師傅：先講個湯，龍蝦味夠香，但一d都唔腥，加上又口唔係死咸，而龍蝦肉又爽口，所以成個湯真係唔錯，真係唔停口咁飲，師傅大膽講一句呢道嘅龍蝦湯真係有生以飲過嘅最好。
（Photo by Superbaby）
Johnny Boyz Seafood and Oyster Bar
西式生蠔吧Johnny Boyz同樣是店子小小，由曾於倫敦及香港餐廳專責蠔吧多年的John Stewart開設，6個國家的生蠔每日空運到港，點叫後即叫即開，此外還有龍蝦、翡翠螺等海鮮選擇。
Superbaby：炸牡丹蝦─店長推介，牡丹蝦的粉漿是略厚，但炸得算香脆，而且蝦身飽滿，爽甜彈牙，下啤良品。
piyobaby2：之後就食凍的海鮮拼盤：種類然好多，而樣樣都好新鮮…最好味就係隻法國訓覺蟹，嘩，好多膏，而d膏味道好咁香，d肉鮮，真係回味!!!
MrMint：法式煎鵝肝─我同我D FD都好鍾意食每次都必食，好香…正
（Photo by getfatter）
Casa Fina Seafood & Oyster Bar
銅鑼灣Su Casa的姊妹店Casa Fina，除了生蠔，各類海鮮也很有水準，而且生蠔選擇夠多，生蠔拼盤更可自由選擇品種組合，此外海膽、蟶子皇也甚得顧客歡心。
belleat：Casa Fina的生蠔新鮮，其他食物水準極佳當晚也是座無虛席!!生蠔盤：10隻蠔、2隻螺、2杯白酒，每一次都好新鮮，超正！X3
getfatter：我們叫了一客加拿大海膽。我要大力推介。海膽好甜好好味，入口即溶，配搭青瓜和碎蛋，不會搶走海膽的鮮甜，味道非常的匹配。
tg511：蟶子皇：夠大隻，肉鮮甜，推介！($60)(仲有焗蠔都好有水準，唔食蟶子，可以試焗蠔)