對於食肉獸嚟講，有咩開心得過啖啖肉呢～今期介紹5間食肉獸必定啱食嘅餐廳畀大家，包括人氣漢堡專門店、西式多國菜，日本一人燒肉店、韓式炸雞及上海菜，一定有一間啱你心水呀～

嘉寶漢堡(尖沙咀、葵涌、上環) 指定食品8折

一間性價比極高嘅漢堡專門店，經濟又好食，難怪咁受歡迎喇～推介招牌芝士牛堡，首先佢哋嘅漢堡扒選用牛肋條切碎而成，並以慢煮方法烹調，令肉質軟腍多汁，配埋香濃嘅芝士、焦糖洋蔥及生菜，惹味得嚟又唔太膩喎。蜜糖芥末菠蘿豬堡整體來講就更fresh，蜜糖芥末醬酸酸甜甜，仲有超juicy菠蘿，成個口感好豐富呀。佢哋以上兩個漢堡8折優惠每日限量供應30份，有興趣試嘅就記得早啲落單喇！

Starry Night 大角咀 指定食品8折 

位於大角咀嘅西餐小店，多款菜式都係誠意之作。如招牌慢煮霹靂香辣春雞，雞脾肉好嫩滑，雞胸都唔鞋唔韌，雞皮薄薄一層無油脂，燒至微微香脆，就算食埋都唔覺heavy。鋪滿表面嘅香料係精粹所在，有香草、辣椒及薑蓉等，辣得清新，好特別呀。另外真空慢煮伊比利亞豬架及烤紐西蘭肉眼扒配脆薯條及雜菜都好出色，前者肉質好軟腍；後者牛味好突出。

燒肉LIKE 全線分店 指定食品8折

來自日本主打一人燒肉嘅餐廳，除咗現場燒肉，仲供應外賣燒肉便當，就算喺屋企都感受到燒肉嘅味道！牛五花便當包括白飯、和風湯、泡菜，牛肉油脂都幾香濃，份量都好足夠，好抵食呀。另外仲有豬五花腩便當揀，唔食牛嘅朋友都有選擇！

Yadllie Plate 全線分店 指定食品7折

主打手工炸雞，精髓在於採用韓國濟州島栽培嘅新鮮蔬菜及20多種天然材料混合而成嘅秘製醬料，每一件都用人手撲上薄薄一層炸粉。使用封閉式壓力油炸方法將雞件炸熟以鎖住肉汁。推介蜜味芝士粉無骨雞及首爾醬油口味，蜜味芝士粉口味鹹鹹甜甜令人上癮，醬油就好惹味，最重要係無骨啖啖肉呀。

南小館 全線分店 指定食品8折

有時唔想煮飯或者想加餸，可以考慮吓呢間上海菜館呀。川香回鍋肉及京蔥爆牛肉都係送飯一流嘅菜式，前者五花肉肥瘦層次分明，配埋香辣嘅醬汁真係好惹味呀。京蔥爆牛肉都好有鑊氣，京蔥嘅味道滲晒入牛肉度，好出色！

買開外賣嘅可以用埋呢個全新MEAT TOGETHER優惠(推廣日期:2022年9月1日至2022年9月29日)，輸入優惠碼「HALF」或「MEAT」， 前者消費滿$60減$30，後者消費滿$50，額外減$10！  

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 

仲等？(按此立即落單)  

MEAT TOGETHER優惠:

MEAT: https://www.openrice.com/info/takeaway/tc-MEAT.html

HALF: https://www.openrice.com/info/takeaway/tc-HALF.html