藝術嘅嘢，坐喺藝術館內嘅餐廳，望住廣闊嘅維港海景同埋多幅藝術作品裝飾牆紙咁去用餐，唔多唔少都會一定會感染到啲。

呢間位於藝術館內嘅新餐廳，佔地5000平方呎，主打摩登澳洲菜，行政總廚亦係澳洲人，菜式自然更有當地色彩。有單點有套餐，一個三道菜嘅lunch set，$318。

頭盤有沙律同刺身等選擇，凱撒沙律嘅擺碟仲非常創新，將西班牙白鯷魚、經蘋果木煙燻碎蛋、脆煙肉碎等各種食材，全部放喺爽脆嘅新鮮生菜上面，一啖食晒咁多樣嘢，既方便又有創意。

紅菜頭沙律配羊奶芝士和煙燻鰻魚，感覺清爽，羊奶芝士嘅羶香都幾濃。

主菜方面，芝士迷、海鮮控都可以各自揀到自己嘅心水。鮮海魚配鮑魚、海鮮高湯慢煮冬瓜嘅魚款每日都唔同， 連埋冬瓜一齊食味道清甜。

唔好睇少呢道意大利水牛芝士雲吞配榛子牛油醬西蘭花苗，食落都幾飽肚。墊底嘅菜先係精髓嚟，係混入煙燻榛子、焦化牛油醬製係嘅西蘭花苗同西蘭花苗蓉，啖啖牛油香，同想像中形態唔太似嘅意大利水牛芝士雲吞，口感柔軟。

至於甜品，甜魔唔使猶豫，72% 黑朱古力撻配雲尼拿忌廉和果醬，係行政總廚向佢師父致敬嘅菜式嚟，朱古力軟心撻好軟滑。

 椰子雪糕則相當清甜。

最特別係仲有架甜品餐車，載住每日唔同款式嘅蛋糕，由侍應推到埋位，揀啱邊件就即席切邊件。

 另有提供多款特色cocktails同mocktails。

Hue Dining
地址：尖沙咀梳士巴利道10號香港藝術館1樓平台

文、相、片：Kar