嚟到5月嘅十強榜，依然都係以分店唔多嘅小店為主，甚至有幾間係只開咗幾個月嘅新店，就已經迅速打穩陣腳。綜觀咁多間上榜嘅餐廳，大部分都係提供配搭新穎、少有嘅菜式，睇嚟要取悅各位食家，創意必不可少。
第10位 茶茶台式料理（*新上榜） 
圖：sogoodwithfood、餐廳提供
位於旺角嘅台灣菜小店，但落料一啲都唔吝嗇，台灣牛肉麵用成40磅牛骨、牛肋條製作。餐廳主打台式一人火鍋，臭臭鍋更係招牌菜，鍾意食臭豆腐嘅朋友可以盡情放鬆食，一人一煲，同枱朋友唔食都唔緊要。
優惠券：指定時段晚巿78折
第9位 Pizza Maru（*新上榜）
圖：主打韓國炸雞同pizza，特別推介烤肉芝加哥pizza，mozzarella芝士當然係主角，另外仲有巴馬臣芝士、韓式烤肉、辣肉腸、自家番茄醬等配料。呢個pizza嘅拉絲真心浮誇，長拉長有。炸雞則推介蜂蜜牛油秘製炸雞，甜甜地又好juicy，最緊要肉質炸完依然嫩滑。
第8位 Boring?! （*新上榜） 
圖：去葵芳都唔一定只可以掃街嘅，呢間西餐廳叫就叫boring，但無論環境裝修定食物配搭，一啲都唔boring，你睇碟芥末抹茶三文魚意大利飯就知道有幾創新。另外，日本蟹膏意大利飯亦好受歡迎，啖啖鮮甜嘅蟹肉同膏香又係會幾滿足嘅。
訂座優惠：85折 (消費滿HK$250)
訂座優惠：9折 (消費滿HK$150)
第7位 INN - I’m Not Nothing（*新上榜）
圖：呢間café近呢幾個月突然一連開咗幾間分店，外牆以時下最興嘅打卡tone——白色為主，光線十足，完全符合各位IG-ers嘅心水。入得十強，食物當然有一定水平，低溫慢煮澳洲牛柳肉質嫩滑，法式班戟配搭得宜，Nutella、香蕉、士多啤梨幾樣拍埋一齊當然香甜。
訂座優惠：新張期內"午市套餐88折"
訂座優惠：送炸魚薯條或法式班㦸 一客(二選一)
圖：上個月第5位嘅呢間玩味泰式餐廳，今個月稍稍下跌一位。今次再同大家介紹另外兩款特色菜式，墨汁卡邦尼配巴馬火腿烏冬，烏冬煙韌，掛汁力強，鮮味突出，食完個嘴仲突出，變晒黑色~叫多杯濃郁芝麻味嘅黑芝麻豆漿沙冰，咁就成功自己拼湊到一餐黑色主題午/晚餐。
第5位 Amitie Kitchen 
圖：位於尖沙咀嘅西餐廳，口碑一向唔錯，隔咗接近一年終於再度打入十強榜。佢哋嘅大廚曾喺五星級酒店內任職，食物水準同質素當然有保證，而且價錢實惠，深得港人歡心。好多枱都會叫加拿大海膽松葉蟹膏蟹肉忌廉汁意大利麵，另外火炙半熟吞拿魚伴柚子味噌醬都值得一試，感覺清新呢。
第4位 你妳
圖：由一對情侶開設嘅台灣菜小店，菜式配搭充滿新鮮感，珍珠同魯肉都係台灣嘅代表，夾埋一齊變珍珠魯肉飯原來又work喎，鹹香中帶微甜。台灣好興嘅爆餡吐司都有得食，芋泥肉鬆真材實料，食完都有飽嘅感覺。想要特別啲嘅可以試下創新啲嘅白兔糖麻糬吐司，煙韌甜香。
第3位 Attic Handmade Pasta（*新上榜）
圖：手工菜式呢啲心機嘢，一向好受歡迎。呢間手工意粉店嘅麵條每日新鮮即製，又襯埋時令海鮮，全部都係走紅因素。難怪新開冇耐就成功上榜。必試海膽醬手打意粉，啖啖都係海膽嘅甘甜呀，加埋日本烏魚子，更能增加鹹香感。最受歡迎嘅前菜就肯定係日式醬油漬溏心蛋黃多士，除咗陣陣蛋香，仲滲有松露清香。
第2位 何蘭正
繼續留榜嘅有上月冠軍何蘭正，呢間搬舖重開嘅酒吧餐廳，日日都好旺場。最近仲拎埋酒牌，客人終於可以嘆靚酒食好西chill成晚。食得辣嘅朋友仔，要試下麻麻辣辣肉碎煮紐西蘭鑽石蜆，大大隻蜆放滿個煲，刺激嘅麻辣感依然蓋唔住海鮮嘅鮮甜。餐廳每日都有特別推介，撞正係開心果糊或者威士忌朱古力火焰雪山配天使之鈴記住要留肚試。
第1位 B.O.T.H. by Texas Burger（*新上榜）
圖：榜首位置係屬於呢間人氣美式漢堡店。佢哋最近進駐荃灣，唔止供應招牌漢堡，仲多埋brunch menu。燒骨髓牛肉芝士漢堡係當店限定，亮點係有埋原條燒骨髓跟碟，知佢咩料啦，滿滿油香，漢堡肉味香濃。核果奶蓋班戟絕對係打卡大熱之選，口感鬆軟，蛋香十足。
文：Kar
