春困容易令人冇胃口，食味道香濃嘅泰國菜可以幫助刺激食慾。開飯仔搜羅咗5間有外賣自取優惠嘅泰國餐廳，等大家安全抗疫期間，可以慳慳地食到香辣惹味嘅泰式咖喱、串燒等美食。
【全單8折】泰Grill（尖沙咀）
呢間小店開喺美食廣場入面，但食物冇速食快餐嘅感覺，而且定價親民。食物由泰國廚師主理，以燒烤同串燒食品作招徠，其中串燒拼盤、原隻泰式燒雞、燒扇貝都好香口。另外有冬蔭功、泰式船麵、沙嗲串燒炒飯等惹味嘅地道菜式，好啱重口味嘅朋友；如果有選擇困難，可以直接揀2人或4人餐，有齊主食、串燒、蔬菜同甜品。
圖：couplelovefood、fuukkkar_sharingg
【指定食品85折】喜泰味 （長沙灣） 
如果去長沙灣以「貨櫃」做主題嘅麗閣商場打卡，想行耐啲唔使趕返屋企煮飯嘅話，呢間餐廳唔少晚市菜式有外賣自取優惠。其中必試嘅咖喱有齊青、紅、黃口味，可以揀牛腩、雞肉、雜菜等餸料，配埋香烤薄餅或蒜蓉包蘸汁食就更滋味。另外泰式鹵水豬手、原隻椰青海鮮焗飯等菜式都分量十足。
圖：
【指定食品9折】象月-泰式休閒餐廳 （大埔）
呢間以白色為主調，走cafe風格嘅泰式餐廳，由有20年經驗嘅泰國廚師製作一系列正宗泰國菜，例如秘製咖喱配軟殼蟹、地道炸彈蟹等風味菜式，而秘製醃料生蝦刺身更配有冰鎮苦瓜，泰式秘製豬手則肥瘦適中。佢哋更標榜海南雞肉質超滑，鍾意食雞肉嘅朋友不妨一試。
圖：
【指定食品9折】泰嘟嘟（大角咀）
餐廳以泰國篤篤車做設計主題，加上塗鴉、霓虹燈等裝飾牆身，好啱打卡。佢哋嘅泰國菜集傳統同創意風味，其中月亮蝦餅香口又大份，好似小pizza咁；而招牌焗黃咖喱麵包軟殼蟹嘅軟殼蟹則炸得金黃香脆。另外招牌去骨豬手煲、泰式經典明爐烏頭等味道香濃嘅菜式，配油飯一齊食更加風味十足。
圖：
【指定食品9折】泰象館 （九龍城） 
呢間餐廳由泰籍廚師主理，供應一系列泰國東部同南部嘅泰式菜餚，既保存傳統風味又加入新元素。外賣自取食品有多款飯麵選擇，而飯類相對較有特色。其中必試泰象館招牌炒飯，飯底用黃咖喱製作，加入蝦、青口、魷魚、腰果等配料，口感豐富；而南瓜焗海鮮飯同樣有多款海鮮，撈埋南瓜蓉同椰汁一齊食都幾香。
圖：除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？按此立即落單
^即減HK$10優惠條款及細則：https://bit.ly/3sWJJ3P
文：Cathy.Ｃ