各位Hello Kitty Fans注意，灣仔呢間日本水產市場即日起舉行Hello Kitty夏祭啊！唔單止成間餐廳都充滿Hello Kitty身影，仲有一系列主題美食。最得意就要數到可以自己動手玩埋一份嘅流水麵，另外仲有立體Hello Kitty壽司、配料非常豐富嘅芭菲、消暑又可愛嘅冰沙等，等Hello Kitty陪大家度過仲夏。
 

Hello Kitty流水梅子素麵配天婦羅（$288/2人用，需預約）

築地‧山貴水產市場即日起至9月2號舉辦Hello Kitty夏祭，供應多款主題食品，包括呢個流水麵套餐！包每日一份素麵、天婦羅同小菜，素麵上面仲有Hello Kitty造型冰粒㗎。流水機可以令梅子素麵食落更涼爽，方法係將一小著麵放到頂部，素麵自然會隨住流水由上至下流動，配埋日式涼麵汁就更消暑開胃。
 

Hello Kitty軍艦壽司盛（$148）

唔同壽司用一層層咁嘅木盤奉上，最高一層放嘅係立體Hello Kitty壽司，Kawaii之餘飯下面係原粒帶子啊！另外有四件軍艦壽司嘅紫菜亦印上唔同圖案，分別係香蔥吞拿魚腩、燒左口魚邊、三文魚籽，同辣三文魚。
 

Hello Kitty關東煮（$88）

日本屋台常見嘅關東煮同夏祭主題好Match，而呢度一碗關東煮就有九款美食：竹輪、玉子、半片、魚蛋、芋絲等等。部分仲係印上Hello Kitty可愛圖案，影相打卡夠搶眼呀。
 

 

Hello Kitty x Via Tokyo芭菲杯（$88，堂食限定）

Hello Kitty x Via Tokyo芭非筒（$78）

食得再飽都要記得留肚食甜品！今次依然都有同場內嘅Via Tokyo合作，推出Hello Kitty芭菲。底部係黑加侖子啫喱、脆米、士多啤梨雪糕，再唧上香濃牛乳軟雪糕，最後以Hello Kitty蝴蝶結曲奇、Hello Kitty白朱古力、士多啤梨爆谷，同彩色糖珠點綴。堂食芭菲杯外，亦有最啱外賣食嘅雪糕筒裝。
 

Hello Kitty銅鑼玉子盛（$138，一藏酒場限定）

將兩款日式小食：銅鑼燒同玉子燒Mix & Match嘅新穎美食！銅鑼燒印上Hello Kitty，裡面係香甜嘅紅豆蓉餡，下面就有焦糖脆片、忌廉芝士，同微甜嘅花形玉子燒。配搭多款新鮮水果，口感豐富。
 

（左）Hello Kitty椰子豆漿冰沙特飲（$98），（右）Hello Kitty熱情果冰沙特飲（$78）

飲品同樣落足心機，兩款口味沙冰上都有Hello Kitty造型啫喱、迷你燈籠同扇仔裝飾，完全配合Hello Kitty夏祭主題！粉紅色嘅係香甜熱情果口味，藍色嘅係含有酒精嘅椰子豆漿口味。而且隨特飲附送Hello Kitty主題杯墊一個唷。
 

而喺場內堂食惠顧滿$200，當中包括Hello Kitty夏祭主題美食或飲品，就可以換領Hello Kitty夏祭商品一件！商品包括沙灘巾、團扇同T-Shirt。
 

築地‧山貴水產市場 x Hello Kitty夏祭
日期：即日起至 2019 年 9 月 2 日
地址：灣仔灣仔碼頭2樓

文、相、片：Cathy