築地日本料理 (金百利廣場)

營業中

休息中

朋友係銅鑼灣返工，話呢度係佢的日本菜飯堂，款式多性價比高。三文魚腩刺身-有4片，全部都好厚切-十分肥美，真正的入口即溶牛舌串燒-有三大片，估唔到牛味好重-燒得一啲都唔乾身，咬落仲有牛汁，加埋檸檬汁更惹味牛油果軟殼蟹沙律-軟殼蟹炸得脆卜卜，加上蟹籽係面，有口感味道又提昇-沙律菜好新鮮，牛油果有4-6塊，滿滿的健康感燒廣島蠔-有蒜香味牛油味-蠔身飽滿多汁汁燒魷魚筒-最有驚喜的一碟！魷魚筒好大隻肥美，一上碟完全有被驚艷到！-燒得恰到好處，一啲都唔韌。食到魷魚的鮮味-有個類似泰式的酸甜汁，十分出色

思鄉病來了🥺 又要去食日本嘢😂響銅鑼灣金百利廣場有間小店，有齊日本嘅刺身壽司拉麵同居酒屋小食，價錢相宜，可以去食吓日本美食止一止思鄉情。呢度仲有素食menu，可以照顧埋食素嘅朋友👍🏻🥰我最鐘意呢度嘅卷物同壽司🥰三文魚腩刺身 $68厚切嘅三文魚刺身，非常肥美同埋鮮甜🥰 青龍 $50海膽炸蝦卷物，炸蝦脆卜卜，每件都有少少鮮甜嘅海膽響上面，好好味😋和牛反卷 $98大愛🥰 中間係天婦羅脆漿，面層有微微燒過嘅和牛薄片，入口即溶嘅口感啊🥰🥰 加埋芥末蜜糖醬，好match好好味～牛油果明蝦沙律 $78好多牛油果🥑🥰 同新鮮嘅沙律菜、大蝦粒同埋蟹子配搭，正😋七味燒蛙魚旗 $38燒到外脆內軟嘅三文魚旗，呢個位連接住三文魚腩同魚鮫，勁多骨膠原，好香口好肥美～ 蝦蝦三笑 $38有蟹膏熟蝦、蟹膏甜蝦、赤海蝦，新鮮彈牙嘅蝦蝦配搭濃郁嘅蟹膏👍🏻👍🏻其他壽司就唔特別介紹，因為佢嘅刺身夠新鮮，手握醋飯做得好，全部都唔錯😉自家製荔枝酒 $45蕃薯妹鐘意飲甜酒，叫咗呢杯佢哋自家製嘅荔枝酒試吓，不過略嫌酒味太濃烈，唔太容易入口。

銅鑼灣平民價日本料理😋今次發掘到銅鑼灣呢間日本野位置雖然唔算闊落 但勝在價錢比較相宜 而且選擇多多好啱口痕食下😋👍.🎈三文魚腩刺身 ($68)食日本野又點少得三文魚😋見有唔少人介紹一於點一份試下一份有四塊超厚切嘅三文魚腩 性價比都幾高👍仲有用到大量冰座底 夠哂凍啊😋.🎈味之鰻 ($45)顧名思義即係鰻魚卷🤣面頭仲有灸燒過嘅芝士 係邪惡之選👏再加埋照燒汁 味道好豐富.🎈鹽燒雞中翼 ($25)一串有兩隻 仲要係開邊燒啊👍燒嘅面積大啲所以啖啖肉都有鹽燒過嘅味道伴碟仲有檸檬比你加檸檬汁上去.🎈牛肉野菜壽喜燒 ($88)呢個可以話係成餐飯嘅highlight🌈呢個價錢嚟講都冇expect d咩🤣不過份量真係超多 係性價比之選單係牛肉已經有好幾大塊😋再加上大量野菜同雞蛋 感覺上好多野食.🎈總括而言整體性價比幾高 份份都超足料🤣不過真係超多人食啊 大家有興趣記得打電話問下先啦👏

銅鑼灣日本菜🇯🇵《築地日本料理》放假去銅鑼灣shopping，行完街要醫下個肚，平時最鍾意去金百利廣場覓食，而又好掛住日本，掛住魚生，所以揀咗築地🥰———————————————-三文魚腩刺身 $68食日本料理三文魚腩係必不可少嫁！我已經掛住左呢種味道好耐啦🥺食落口滿滿嘅魚油味，真係好滿足🤤三文魚親子丼 $115雖然只係三文魚，但並不比三文魚腩失色，只係丼飯既三文魚，但都非常厚切！😍七味燒鮭魚旗 $38呢個部位嘅三文魚真係好嫩滑，加啲檸檬汁落去可以中和返油膩感🥰黑蒜油豬軟骨拉麵 $78鍾意食豬軟骨嘅你千祈唔好錯過呀🤩築地嘅豬軟骨真係炆得好淋！我好耐冇食過咁淋，咁入味嘅豬軟骨啦😍而且湯底嘅黑蒜油味好濃郁😋燒雞軟骨 $28有燒物嘅地方，雞軟骨都係我既必點😆同朋友一啖接一啖好快就解決左佢lu😝————————————————環境：👅👅👅👅食物：👅👅👅👅性價：👅👅👅👅服務：👅👅👅👅

放工後相約同期同事來個小聚，便搭多了幾個車站，來到更多選擇的銅鑼灣闖闖！同事帶了我試了這間位於金百利廣場的一間日本料理店，她說上次體驗不錯，算是在銅鑼灣難得找到價錢相宜的日本餐廳之選。黑蒜油豬軟骨拉麵黑蒜湯底味道不會太死鹹，越食又不會有太過的油膩感，而且豬軟骨腍軟，搭配了紫菜、木耳絲和栗米來吃，多重口感，整體還不錯的鹽燒牛舌食完個拉麵來暖暖胃，墊墊肚子～來點小吃吧燒牛舌食落香口帶爽，灑了點點鹽燒後都頗入味，但記得真心要趁熱食！待涼了就口感減半喔～～三文魚腩刺身三文腩刺身用冰碎鎮著呈上，加上以乾花作點綴都頗有心思💛💛食落肉質新鮮，但略微不夠肥美火炊松露和牛釜飯鍋店員告訴我們可以以計時器計著時間來決定你的飯要幾成熟，如果喜歡吃較軟綿的飯質便可以多蓋著一會，等待時機成熟時！均拌後，每粒飯粒都沾滿了肉汁，配上一粒粒鬆軟腍香的牛肉粒，放進口裡，滿足滿足～過程頗有趣的～～看著時間一到，熱騰騰的蒸氣湧現，試了幾口，覺得還未滿足，再蓋著多焗了幾分鐘，先再享用小心觀察，大膽嘗試😂😂以這個價錢來說，食物整體不賴，而且環境舒服，是用作小聚的經濟抵食之選！

放假陪屋企人去銅鑼灣Sogo辨年貨, 剛好到晚飯時間, 知道對面既金百利廣場有唔少食肆, 係樓下收到其中一張宣傳單張為日本餐廳--築地, 主sell平價壽司, 於是就去呢間試試。估唔到位於銅鑼灣地段, 竟然仲可以食到HK$7起一件壽司。除左主打壽司, 更有刺身、手卷、沙律、燒物、炸物、石鍋、日本小食、拉麵, 還有2-4人份量既套餐。貼心地餐廳連一人份量既素食壽司都有供應。呢度既壽司好明顯係手握的, 壽司飯不會太實, 一夾很易散。【火炙三文魚腩壽司】HK$10@1可能因為三文魚為薄切, 經火炙後, 魚油還是未算太突出, 幸好有點京蔥, 增加香口度【鮮帶子壽司】HK$16帶子鮮甜飽滿, 不會太乾【油甘魚壽司】HK$14油甘魚有點點厚度, 味道酸酸地 【三文魚腩刺身】HK$58喜歡三文魚既朋友, 推介必食!!! 口感很滑, 魚油極之豐富, 每件均為厚切, 略帶點爽, 正!!【泡菜牛肋條石鍋飯】HK$72熱辣辣上檯, 石鍋飯跟一個麵豉湯, 另外再上一個韓式辣醬, 客人可以因應個人喜歡既辣度再額外調味。石鍋中有泡菜、牛肋條切成粒狀、雲耳絲同埋粟米粒, 攪拌後就可以食, 底部仲有少少飯焦卜卜脆ti

香港近年多左食店命名為「築地」，但事實上有幾多真係做到咁「築地」地好食呢（特別係當日本築地其實都已經多左相對較遜色既食店既時候）所以，我一於好少理個名，最緊要係啲嘢好食依間食店提供既食物種類好多，有齊日式拉麵、鍋飯、魚生、壽司、炸物、燒物、火鍋同甜品，餐牌大概係咁：要我一個人試晒咁多款食物真係難架，所以揀食邊幾款時都諗左好耐最後我揀左以下三款我覺得值得一試又有綽頭既食物首先，作為我既前菜，叫左三文魚腩刺身合共四塊，每塊堅係肥美一食落去滿口油脂，真係好食至於主菜，我就叫左直火炊松露和牛釜飯鍋個名都夠晒複雜，而且仲要計時廿幾分鐘先可以開蓋食得，真係試得吊人地隱終於夠鐘！一開蓋，真係香氣四溢充滿黑松露同牛肉既味道即刻攪拌一下再食，飯既軟硬度剛剛好，每啖都咁香口，而且間中有啲啲飯焦，真係好食另外，入面既牛粒都唔少，牛味同啲飯香配合得好好，真係有特式，值得一試最後叫番樣甜品，一眼已經俾依款南瓜雪糕吸引住合樣已經夠晒特式，一食落去更加覺得好味，佢係普通雪糕質地，食得出有少少奶味，係口中臨尾再溢出南瓜味道，推介

放工約左朋友食飯,想食日本野同埋靜靜地傾下計,就黎左呢間食啦去到金百利樓下,要排隊已經係平常事,不過好彩時間肖早,唔洗排好耐就有得搭上去啦去到坐低飲啖熱茶就望餐牌點餸啦同朋友決定每人叫啲唔同種類既菜式呢度既上菜速度都好快,咁岩我趕時間,實在太好啦三文魚腩刺身 $58食刺身通常去食放題,因為抵啲, 但黎到日本料理餐廳都忍唔住要叫返樣.其實好想食拖羅,但係要$230,太奢侈啦,都係叫個三文魚腩過下口癮算啦。一黎到已經見到又厚身既三文魚腩,一食落口,真係好肥美婇新鮮呀,如果可以多幾塊就好啦.真係諗返起都想食.改制空間係如果可以多啲冰就好啦,因為覺得塊三文魚腩唔夠凍.拖羅壽司  $38唔捨得食拖羅刺身,就食夠拖羅壽司啦,雖然唔算好厚,但都好肥美好新鮮,可惜太貴,食一舊滿足下算了火炙芝士三文魚腩壽司 $12嘻嘻,又係三文魚腩, 不過係壽司,加上火炙同埋芝士,啲芝士都落得好大方,所以口感好好,味道好夾,啲,正呀龍蝦沙律軍艦 $10呢個都好食,足料,真係食到啲龍蝦肉既,味道都好好火炙芝士玉子 $8三文魚壽司 $7最後2個係朋友食左,聽佢講返都係好評既青龍 $50主角係吉列蝦同埋海膽,配角係青瓜,外邊