富寶會所私房菜

營業中

休息中

男人有時真係好難約，幾個月先見一次，仲次次都唔夠腳😢😢今次又同老朋友上黎，又係3缺1，唉😮‍💨😮‍💨😮‍💨，想入房一路食野一路打牌呀～😭😭冇計，只好食野吹水，有個朋友第一次黎，就叫左個上湯龍蝦伊麵。又係大大盤，啖啖肉，湯汁味濃，撈伊麵正😍😍😍。有個fd話好似比上次濃味左啲，但係我同另一個就唔覺，可能我食開比較濃味掛。再整碟蒜蓉粉絲琵琶蝦，今次侍應介紹，就試下（好奇怪，平時出去食啲西餐日本菜等，好小問侍應有咩好食，但係去大排檔或食海鮮，就會問下有咩正野🤔🤔，睇價岩就會叫）琵琶蝦平時好小食到，蒸得唔錯，肉唔韌，蒜蓉應該係自家制，同出面街買既有啲分別，記得琵琶蝦要連粉絲一齊咬，正👍👍另外再叫埋白灼赤米蝦，都係侍應話正所以叫，殼開頭覺得硬左啲，剝剝下慣左又ok，咬落幾爽口，唔錯👍。不過呢，如果有碗檸檬茶比我地洗手，會好啲囉🤣🤣希望下次可以齊人黎打牌啦🙏🙏🙏🙏

又約左同班朋友，又係傾食乜傾到行左上去🤣🤣🤣呢次人多左好多，唔知係咪上黎睇過啲食評，所以都上黎食呢😙😙可惜今次又係3個人😩😩，明明有得book房打麻雀唱k，但係就唔夠人，冇計😭😭😭坐底叫野食，我就叫返上次食過既上湯焗龍蝦伊麵。問侍應呀哥有冇好介紹，佢話黎左娜威長腳蟹，一隻加伊麵就夠哂食，唔夠食先再嗌。ok!就咁決定👌👌龍蝦伊麵一樣大大碟，龍蝦鮮味啖啖肉，伊麵多汁又夠淋，爽👍👍👍挪威長腳蟹真係好大隻😱😱😱，肉質鮮嫩，原汁原味，正過鵝頸橋啲凍蟹多多聲，我地3個都食到唔停口😋😋😋

約左啲朋友出黎聚舊，朋友介紹去呢間私房菜食野，見未食過，就去試下。上到去覺得環境幾好，另外可以book房，仲有得打麻雀😈😈，不過我地今次得3個人，下次先🥳🥳叫左個上湯焗龍蝦加伊麵，勝瓜肉丸大蜆湯，黑胡椒炒蟹膏，3個人，唔夠再叫。好彩叫左唔多，如果唔係真係食唔哂，佢地啲菜份量真係幾足龍蝦伊麵一大碟，係盤，唔係碟！！！真係成隻龍蝦😱😱咬落新鮮又彈牙。伊麵加埋龍蝦汁，味濃好食。一碗伊麵一舊龍蝦，一流👍👍👍餐廳推介左魚湯勝瓜肉丸浸大蜆。乳白色既魚湯好鮮甜，又冇嗰浸魚腥味。肉丸彈牙又好味，蜆肉大隻又入味，點啲辣椒油，yummy😋😋😋本來想叫荷葉蒸蟹，但因為叫左龍蝦伊麵，所以叫左黑胡椒炒蟹膏。蟹肉真係好好味，黑椒味又冇搶到蟹味，食到連殼啲汁都要啜埋🤣🤣🤣🤣個人最推薦👍👍👍👍👍

上湯焗龍蝦伊麵🦞龍蝦的鮮嫩肉質和濃郁的湯頭味道好夾,每一啖都感受到龍蝦鮮甜🥰伊麵煮得剛好彈牙,吸收晒湯汁嘅滋味,增添了口感的層次🫶🏻豉油王乾煎蝦🦐將蝦煎至金黃酥脆,外層嘅煎炸處理令蝦食落更加香脆可口👍豉油王醬汁亦令菜式增添了風味,鹹香嘅味道令人回味無窮😋除了菜品出色以外,海鮮可以提前預定，餐廳嘅服務亦令人印象深刻🥰整體而言今次嘅用餐俾人一種舒適和溫馨嘅感覺,好適合全家一齊過嚟食🥳

小編幾個月前發挖九龍城泰式美食時發現這間，試過還可以。前幾天友人最近問有沒有中式餐廳去吃龍蝦伊麵，然後小編還未試過這間的，所以就帶她去試試。因爲只有3個人，所以就叫了2道菜。上湯焗龍蝦伊麵龍蝦伊麵分量好多，每人都可以吃到2-3碗。滿滿的都是龍蝦肉，不是那種蝦殼大但肉小的那種。蝦肉肉質很鮮很彈，上湯沒有蓋過它的味道，反而另到蝦肉多一點汁水。伊麵少乾，所以最好沾上湯汁。清蒸海東升斑因爲怕只叫伊麵會不夠飽，所以還叫了海東升斑。海魚的味道尚算濃烈，加上調味過的鮮魚醬油跟淋上熱油，吃起來肉質鮮香嫩滑，小編最愛的就是魚的臉頰肉。是次晚餐體驗感不錯，如有興趣可以試試，特別有部分海鮮最好提前預訂。同時也適合一家大小，甚至親戚來吃飯，因爲有麻雀檯供娛樂用途，同時可以包場包房，餐廳大型屏幕🖥想放字句可聯絡餐廳自訂語句展示。🐟富寶會所私房菜Fubo Restaurant Club九龍城衙前圍道39號金‧御門1-2樓1-2/F, Billionnaire Luxe, 39 Nga Tsin Wai Road, Kowloon City #九龍城 #私房菜 #會所 #粵菜 #富寶會所私房菜 #美食尋寶#九龍城美