小曼谷泰國美食 (教育路)

營業中

休息中

【元朗抵食泰國菜🇹🇭小曼谷泰國美食 】-今日同大家介紹呢間係元朗教育路嘅泰國菜🇹🇭😋小曼谷泰國美食😋🇹🇭小編之前都食過幾次😜幾抵食味道都唔錯架～-😋泰式鮮蝦炒金邊粉🦐$98Pad thai 係小編食泰國菜必嗌食物之一金邊粉酸酸甜甜好開胃😝可以自己落青檸汁大蝦好彈牙🍤金黃蛋絲配上芽菜青脆同香脆花生碎🥜口感好豐富！好味指數：🌕🌕🌕🌕🌘-😋冬蔭雞湯🌶$118分量夠曬2-3個人分享😜飲落幾順口😝味道偏酸同辣雞肉都有好多塊😗幾入口但就有啲嚡好味指數：🌕🌕🌕🌕🌘-😋泰式鹹魚炒茶蘭🥬$88本身諗住嗌飛天通菜😙但媽咪話芥蘭冬天當造😝所以就嗌咗泰式鹹魚炒芥蘭🤪芥蘭青綠色🌲食落爽脆😌同咗泰式鹹魚炒，所以好香口🥳讚～好味指數：🌕🌕🌕🌕🌘-😋串燒🍢 $22/串小編嗌咗三串😚即嗌即燒熱辣辣🔥佢嘅沙嗲醬花生味好香😌加分！✔️雞軟骨🐓幾爽脆～✔️沙嗲豬肉🐷醃得幾入味～✔️沙嗲牛肉🐮食落有啲比較韌😔好味指數：🌕🌕🌕🌕🌘-😋芒果沙冰🥭 $42沙冰綿密😜不過略嫌唔夠芒果味😣味道比較淡～好味指數：🌕🌕🌕🌖🌑-🇹🇭小曼谷泰國美食 📍元朗：元朗教育路50號兆明樓地下A號舖📍銅鑼灣：銅鑼灣謝斐道535號Tower 535地庫B02舖📍

小曼谷呢個名我已經聽過好耐，今次先係第一次食，週末嘅晏晝三點幾嚟到，餐廳同時有供應午餐、下午茶同埋升級午餐🤩 雖然升級午餐嘅食物睇落好吸引，但價錢都差好遠，所以我哋都只係揀咗普通嘅下午茶。泰式燒牛柳配青木瓜沙律兩樣嘢係分開上既，青木瓜沙律細細一碟，但食落都幾飽肚，最後都食唔晒。味道酸酸辣辣，不過越食越辣，好彩個餐都有配飲品可以解一解辣🤓牛柳中規中矩，食到少少鬆肉粉味但算燒得幾香而且有配泰式醬汁。黃咖喱雞醬汁好香口，啲雞就位置麻麻哋，而且唔係好入味，有少少似一早灼好既雞，就咁放入咖喱。加2蚊嘅薄餅就好香脆好好食。最後係$29加配既串燒，有雞又有豬。上枱時超熱辣辣似啱啱整好，又有比埋沙嗲汁 啖啖肉👍🏻 雖然唔算平，但值得叫～泰式奶茶唔係好啱我嘅口味，但呢度龍眼冰都唔使加錢，好抵飲😋

📌 小曼谷泰國美食 (教育路)📍 元朗教育路50號兆明樓地下A號舖☎️ 27167800*☼*―――*☼*―――*☼*―――*☼*―――*☼*近排同元朗好有緣，上星期先去完踩單車，呢日同朋友入嚟元朗搵食，聽聞教育路好多嘢食，搵搵下就撞咗入黎食泰菜🇹🇭。入座後即刻奉上兩碗冬瓜湯，湯底都幾清甜，依家氣溫開始回升☀️☀️，正好俾我降吓火。Lunch set 都幾抵食，平平地五十幾蚊有個餐連飲品，晏少少三點食仲可以嗌下午餐，只係四十幾蚊添！💫泰皇咖哩軟殼蟹配白飯/薄餅/蒜蓉包（$1️⃣2️⃣1️⃣）食豪啲叫咗個星級午餐有蟹食😋軟殼蟹新鮮，炸到勁酥脆唔油，黃咖哩椰味好重好香，甜而不辣， 質地creamy 撈飯一流！💫泰式鮮蝦炒金邊粉（$5️⃣3️⃣）賣相好靚。金邊粉炒得乾身爽口夠火喉，食落味道酸甜，鮮蝦夠彈牙，一碟有3-4 隻，成碟分量都幾大好抵食。💫豬及雞串燒（午餐+$2️⃣9️⃣）$29蚊有兩串串燒，醃得入味，肉質實淨唔乾，點埋沙爹醬，又甜又有焦香！💫泰式鐵板蠔餅（$1️⃣1️⃣6️⃣）成個鐵板咁上，阿姐溫馨提示我地個鐵板好熱，上枱果陣出晒煙，蠔仔粒粒都好肥好飽滿，味道好鮮唔腥，食落勁香口。💫芒果糯米飯（$7️⃣6️⃣）呢間泰菜館所有嘢都係熱辣

唔講唔知呢間小曼谷原來係九龍城好出名嗰間嘅分店。實在有太多餐廳以「小曼谷」開頭好難分辨。聞到隔離枱好香嘅冬陰功，即刻要點！聞到冬陰功嘅味就諗起喺泰國嘅回憶。味道上，少辣剛剛好，符合香港人口味。湯料有原隻大虎蝦，菇等等。泰式醃豬頸肉沙律，豬頸肉多過菜，正！豬頸肉烤過，邊位仲少少脆多滋味。仲有必食嘅蒜蓉包，面頭有好多蒜蓉，作為重口味人士我係鍾意蒜味，好彩朋友都係姐。原本都諗住叫咖喱，不過而家2個人食唔曬就冇叫，所以蒜蓉包就配冬陰功食。泰式拼盤有春卷、蝦餅、魚餅同雞棗，一次過可以滿足多個願望。蝦餅爽口彈牙。魚餅內有唔同香料，好惹味，一食就會知係泰國嘅味道。春卷香脆。比較少見係雞棗，就係細細粒嗰舊炸物。雞棗係指將雞肉及雞軟骨剁碎成膠，配上杏仁碎係面，再炸。食落口感幾特別首先係食到杏仁嘅脆口，之後就係內裏嘅雞肉膠。串燒有牛舌、雞肉。肉類燒得外脆內嫩。本身有用香料調味，單食唔點醬都好入味。牛舌最忌係煮得韌，呢到唔會。飲品叫咗沙冰，分別係芒果椰汁沙冰同埋椰皇沙冰。芒果味重之後就有椰汁味，係解渴解辣佳品。椰皇沙冰就比較清甜。食得飽飽，重拾係泰國嘅記憶，同樣一邊吹水一邊食嘢嘅時間。

好耐無去九龍城啦！掛住小曼谷嘅嘢食，因為另一半住新界，九龍城交通比較無咁方面，好彩元朗都有小曼谷！餐牌好多嘢食揀，價錢又唔貴，例如黃咖喱海鮮 只係$88！環境 串燒 $15/串 叫咗一串雞同一串牛，望落去都燒得好靚仔，又唔係燒得老，配上濃郁沙嗲汁，再熱啲就更好味。 風味燒豬頸肉 $92 友人話俾我聽呢一款係必點，份量好多，每一塊厚薄度都切得好均勻，沾上少少醬汁再食，豬頸肉果然鬆軟得來有口感，必點！黃咖喱海鮮 $88 $88食到4款海鮮！有蝦、帶子、魷魚及青口！黃咖喱非吃辣人士食都無問題，帶少少甜味，仲好濃稠，超抵食。泰式原味烤酥餅 $30 印度酥餅就食得多，泰式嘅真係未食過，特登嗌嚟襯黃咖喱食，即刻好有風味。 泰式冰奶茶 $26  及 泰式青檸梳打 $30呢排食襯泰國嘢都嗌泰式奶茶，平時唔太飲甜嘢嘅我，就係鍾意佢特有嘅甜味😆 朋友就叫左杯泰式青檸梳打。總括而言，同朋友2個人點左3款食物再一人一杯飲品都係$300幾，食物份量又夠，好抵食。

元朗嘅小曼谷，個格局同茶餐廳一樣，但絕對有驚喜。Weekend周圍都多人，我哋五個人係門口等左半個鐘左右就有位。跟餐配嘅鳯爪，調味好正，辣度剛好。散叫的蝦餅小食，同尋常蝦餅唔同，佢唔係個種好彈牙嘅質地，食落都幾特別，我個人係覺得幾好食嘅。青咖哩好開胃，送飯一流，不過唔食得辣嘅話就最好不了。跟餐串燒，不過不失。個酥餅超級鬆脆，一定要熱辣辣食，配埋黃咖哩食超級惹味，絕對要試！船麪最緊要就係個湯底，我覺得小曼谷嘅船麪湯底真係有泰國風味。個海南雞略嫌乾身，好彩個湯底搭救。餐廳待應叔叔好風趣，想係元朗食泰國絕對值得一試。