陳根記 (已搬遷) 新店位置

好耐無來食，聽講執粒所以來食下，今晚來到既時候落雨，雖然全場都好多人，但係就唔洗等位，不過而家食野都唔平，夜晚一個菜都成60蚊，不過今日係星期一，乳鴿特價$45，佢唔同既星期幾都會有唔同既菜有特價，兩個人來食，叫左4個菜，包括: 倉魚，魚香茄子，顯肉，乳鴿，同兩個白飯，加埋$288，其實係唔平。

一班舊同事敘舊，諗住食啲有地道風味嘅，於是就嚟咗陳根記～一坐底，當然要嗌呢度嘅招牌菜 - 手撕雞啦~有好多次想食都食唔到…好彩今次仲有碟手撕雞keep到水準，隻雞唔老又唔”鞋”,有海蜇墊底，加上雞嘅鮮嫩口感，超正呀，大家好快已經搶曬了之後仲我哋仲叫咗:炸腐皮卷椒鹽九肚魚豉椒牛柏葉蒜蓉開邊蝦豉油王炒麵乳鴿西檸雞等等~全部都好有鑊氣，好好食！重點係一啲都唔貴~十個人每人都係＄89，好抵食呀~~~

上次試過七點幾去到冇位, 今次撞啱又係假期前夕, 於是早d去搵位, 大約六點四十分左右去到, 大把大枱, 但細枱都坐左一半, 好多都係1個人先嚟搵位, 之後七點開始多人, 好彩我早到, 可以搵d邊位, 空氣好d又冇咁嘈.......... 得2條友, 叫2個餸加只乳鴿就夠哂數, 由於開始多人, d伙計都唔得閒理我地, 等咗好耐先有人見到我地lor~~ 乳鴿今次夠瘦, 一d多餘肥膏都冇, 個皮好脆, d肉仍然好嫩, 正~ 上湯浸勝瓜魚肚雞什上次試過一次都唔錯, 而且好多我至愛的雞心, 但今次竟然得1粒, 其餘大部份都係雞潤lor~~~ 今次d勝瓜熟得唔夠耐, 一係就個瓜太老, 因為中間個芯d核好硬......... 砵仔焗魚腸是晚特價小菜, 個面焗得好脆好正, 中間d蛋都唔會太老, 但好多時都有d苦味, 唔知係咪d魚腸呢?由於同個朋友好耐冇見, 一路吹水一路食, 唔記得影低相, 搞到碟乳鴿得返一半.............

與幾位朋友仔到這兒吃晚飯，由於大家都人生路不熟，我們由沙田站出發，花了不少時間終於找到陳根記這裡蠻熱鬧的，閒日也要等位但不用等太久就有位，等候期間看見了有人在吃手撕雞，但比平時所吃的好像有點不同；坐下後看看menu才知道，原來真的是非一般手撕雞呢，是蟹籽芥末版 一見便很想一試充滿wasabi的手撕雞，實在是第一次吃，我們每個輪流吃完第一口後都是同一個comment：很刺激!!! wasabi味很重，別有一番風味，值得一試沒想到這個平庸的金銀蛋浸萈菜會有驚喜，因為鹹蛋味很出，黃黃白白的蛋跟菜一起吃，好味道在OR已見很多人都點這樣，就即管一試，味道是好，但在預期之內，孜然粉功勞不少原來蟹粥份量是比較細，是很適合情侶的份量，但我們一行6人就似乎不太夠。整鍋有一整隻蟹，蟹很有「肉地」，粥亦很入味，值得推介另外這裡每天都有一款特價菜，當天星期二就有蒜茸開邊蝦做特價，但因為沒有人表示有興趣所以沒有點。是值得再來的地方，不過地點真的很「隔涉」 不太熟禾輋的記得事前作好準備下次想來試醉翁烏頭及開邊蝦及燒腩仔

天氣開始轉涼, 又可以攻入大排檔, 禾輋邨大排檔雖然無沙田同火炭果邊咁出名, 但最利害o既係, 唔夠7點就己經坐無虛蓆, 實力都應該有保証1) 乳鴿 - 好耐無食過乳鴿, 難得食到 d 皮脆肉嫩兼肉汁豐富o既鴿, 每人半隻實在太唔夠喉, 不過少食多滋味, 留番d quota 試第二樣小菜2) 椒鹽九肚魚 - 炸漿炸得好薄好貼, 魚都ok肥美, 上枱熱辣辣, 非常香脆可口, 送酒一流3) 豉汁蒸大鱔 - 一睇賣相就好唔吸引, 第一佢唔係大鱔兼唔肥美, 第二係唔入味, 收 $62 實在唔值…4) 冬蔭公浸蜆 - 清酒煮蜆就食得多, 冬蔭公湯底就真係第一次食, 非常期待, 上枱第一時間試下個湯, 真的淡了一點, 蜆也沒有驚喜, 細隻兼不太入味, 反而最底浸住o既粉絲就非常出色, 不但吸收晒冬蔭公味道, 而且無發脹難食o既感覺, 粉絲過後再試多幾啖湯, 先發覺個湯飲一,兩啖只會覺得淡口, 但當飲多幾啖o既時候, 唔知點解就會越飲越覺得好味兼停唔到口… 要講呢個湯o既缺點, 就係蜆有沙, 湯好多蜆殼碎, 飲得有d唔暢快, 但整體嚟講, 好值得一試 !5) 1L蘋果汁 下次想試其他小菜, 實在有太

來了好幾次，不過次次都是跟朋友來，這次是我發起一家人到禾輋大牌檔食晚飯，感覺不錯吧!雖然沒有名貴的飽參翅肚~但開開心心食餐飯都是無價的!五人行點了七個餸，分別是:椒鹽瀨尿蝦 - 食瀨尿蝦不嬲都知係沒什麼肉食，只是嘗它的配料味道和新鮮與否!所以不是我的主打~,不過爸爸就很喜歡食!椒鹽豆腐 - 是媽媽提意點這個的，有驚喜WO味道剛剛好~金黃色的豆腐炸得鬆脆之餘很香，而且份量都算多!金銀蛋波菜 - 食得太多油膩的東西，一定要食返D蔬菜，金銀蛋XX，通常都會叫的!因為自己在家難搞一點，所以會選擇這個做底!味道都是保守一點的~辣酒煮花螺 - 放到最尾先食，個個怕辣唔食其實都唔係好辣吧...一點點而已!所以我食了很多~螺非常之入味~正!!!乳鴿 - 次次來都會叫一隻，都唔錯，新鮮~又大隻!大家可以試下~乾炒牛河 - 炒得夠火氣，香噴噴!!!!!!!!!!!好快就俾人食晒~蒜蓉蒸扇貝- 扇貝味道鮮甜，不過淡左小小~唔係好夠咸!整體上都OK~下次會繼續約朋友到這大吃一餐