烏蠅館 (九龍中心大廈)

營業中

休息中

由舊鋪食到新鋪 烏蠅館嘅冒菜係幾好食嘅不過個辣度同鹹度真係次次都唔一樣食到我懷疑係咪叫中辣就比bb辣叫Bb辣就比大辣呢？每一次個辣度都唔係跟張紙圈嘅辣度好似廚房random 倒出嚟咁🤦🏻‍♀️呢樣真係要改善下

之前喺將軍澳上堂同同學食過一次之後覺得好抵食，所以今次特登帶男友黎食。。佢哋得將軍澳同尖沙咀兩間分店，尖沙咀對我同男友嚟講就比較就腳。去到餐廳，門口嘅接待員會問你係食冒菜定烤魚，等佢安排就入得。尖沙咀店比較大，坐得舒服啲。我同男友叫咗一人一份冒菜(6款配菜)、黑糖珍珠鮮奶、紅糖糍粑、四川傳統酥肉同桂花蜂蜜冰粉。先嚟個【四川傳統酥肉】唔辣，我好鍾意孜然粉嗰種香味~咬落去層炸粉唔會好厚，酥脆香口，好食。跟住就係【紅糖糍粑】呢個係朋友之前推薦我必試嘅，所以今次嚟就叫咗。紅糖糍粑外皮炸到有少少脆，但咬落去好軟綿綿，入面有一層流心紅糖。口感唔錯，好食，不過我自己就麻麻地紅糖陣味。大家都可以試下。【桂花蜂蜜冰粉】配料有：提子乾、花生、桂花蜂蜜冰粉本身無乜味，口感似愛玉、涼粉嗰類。主要味道都係靠配料同桂花蜂蜜。(仲有玫瑰蜂蜜、茉莉蜂蜜同紅糖味可以揀)配埋提子乾同花生，口感好豐富。整體唔算好甜，幾好食。【黑糖珍珠鮮奶】奶味好重好濃厚，加咗黑糖珍珠落去都唔算好甜。好適合解辣~【冒菜(6款配菜)】冒菜分咗四類配菜：豆類製品、蔬菜、肉及內臟、丸及加工食品。跟餐主食有粉、麵、飯，每款+$5。我今次就要咗：風琴

📍地址: 尖沙咀亞士厘道29-39號九龍中心大廈地下G29號舖✿😋味道😋：3/5✿🏙️環境🏙️：3/5✿🤵🏻服務🤵🏻‍♂️：3/5✿👀賣相👀：3/5✿💰價位💰：4/5↠⏰時段：Dinner 18:00 ↞ ✦✧ 冒菜喺一種四川嘅成都特色菜；「冒」喺指一個動力，姐喺準備嘅一鍋又辣又新鮮嘅湯，再用一把竹勺，通常一勺姐喺一份菜。—————————————————————🌶🍲❝ 冒菜A餐❞ $50❀ 豆腐、萵荀、貢菜、雞肉、肥牛、米線(+$5) 麻辣小辣☞ 呢碗嘢睇落都好紅，雖然小辣但食落都幾辣，呢碗有啲似車仔麵，自己揀餸再揀麵揀湯底，煮埋一碗嘢，不過都幾重蒜同埋紅油，整體還好。—————————————————————🍵❝自家無糖茶—桂花烏龍茶❞ +$10☞ 佢用咗佢地嘅茶葉沖，不過無咩桂花味，得烏龍茶味。—————————————————————🍯🥧❝紅糖糍粑❞ $26☞ 一碟有5條，佢嘅糍粑同正宗糍粑有啲唔同，佢喺糍粑入面做咗流心紅糖，而且外脆內軟，不過黃豆粉比較小，但煙煙韌韌幾好咬口。

以前返工成日都呢間嘅冒菜，好似車仔麵咁揀餸/揀湯/揀麵底，冒菜就午市及晚市都有得食～小食試過紅油抄手都幾好食，皮薄餡靚！❤️‍🔥湯底有幾款，惹味啲可以揀麻辣！💚食得麻嘅推介藤椒湯，唔會太辣但個到嘴都麻痹！💗四川酸湯就又辣又酸！💛唔食得辣都有清湯、蕃茄湯、菌湯嘅選擇！飲品個人唔太喜歡佢個茶係有一推茶葉係底，飲起上嚟好唔方便，成日會食到啲茶葉😢晚市仲有另一個選擇，就係烤魚，有3款魚、5款口味選擇，有辣有麻亦有唔辣！視乎個人口味！湯底係勁濃勁惹味，建議可以由小辣開始，唔夠可以叫店員再幫你加辣！另外啲嘢食千祈唔好浸住滾太耐，會越滾越咸！食完條魚之後仲可以另外點啲配菜、餃、丸打邊爐🍲😋唔使任何醬料都已經好好味！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 9/10服務： 8/10（可人手落單或QR code 落單）環境： 8/10打卡： 5/10CP值： 9/10推介值：9 /10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯