龍圖閣海鮮飯店

營業中

休息中

我今日試咗尖沙咀一間樓上粵菜，我同朋友見呢間餐廳好多人去，好似幾受歡迎，食完都覺得幾值得推介！前菜話梅涼瓜，清涼口感真係好適合夏天食，而且唔苦，反而好開胃。流沙魚皮，我最鍾意嘅菜之一，其實即係鹹蛋魚皮。佢嘅蛋黃味道好濃郁，令人食過返尋味。另一味特別嘅菜式係冰川咕嚕肉。佢嘅皮好脆，仲有蕃茄仔、藍莓、紅椒同黃椒做伴菜，而且以冰鎮嘅方式上枱，令咕嚕肉保持住冰涼嘅狀態，真係好適合消暑，夏天必食！上湯浸菠菜，清清地夠健康，有冬菇絲增加口感。尖椒九肚魚亦係我好推薦嘅菜色，佢炸得好脆，九肚魚入面釀咗青椒，有少少辣，但係香口又惹味。仲有沙薑焗雞，煮得好入味，而且雞肉唔會過老。最後食埋糖水作為結尾。

這間中菜館位於尖沙咀，鄰近尖東站，主打廣東粵菜，包括海鮮、小炒等等。店內裝修寬敞優雅，充滿中式格調，適合多人聚會。話梅拌涼瓜一片片冰涼的涼瓜，被話梅的酸甜掩蓋苦味，好清爽。子薑皮蛋泛起溏心的皮蛋好滑溜，子薑酸甜適中。冰川咕嚕肉即炸的咕嚕肉酸甜度適中，置於冰中外冷內熱，脆口不黏牙。上湯芥菜鮮甜爽脆的芥菜，上湯掩蓋微苦澀味。籠仔雲腿北菇蒸雞一件件嫩滑多汁的雞肉肥美肉厚，有北菇、蟲草及妃子等。馬友鹹魚蒸肉餅肉餅鬆軟多汁，馬友鹹魚帶有相當的鹹香。

同屋企人出黎食飯，揀左位置非常就腳的龍圖閣，長輩們都非常滿意食物的質素！話梅涼瓜-今年食過最好味的涼瓜！爽脆，厚切，清甜-加埋話梅的酸酸甜甜，十分開胃冰川咕嚕肉-賣相冇咩特別，但撥開啲冰後咕嚕肉十分鬆脆爽口，長輩最歡喜的一碟，甜酸度適中-肉一啲都唔肥，但完全唔會鞋口唔會韌，蒜香雞-蒜味有101分！整隻雞都有蒜香而唔止係雞皮-雞皮脆口，雞肉鮮嫩，有大量炸蒜係面椒鹽大蝦-海蝦大大隻，椒鹽十分入味，蝦頭都充滿膏鼓油皇炒麵-完全唔會油淋淋，偏乾身嗰種-唔會死鹹，加上芝麻，好香！