龍皇酒家 (世貿中心) (已結業)

冬至晚飯，網上食評見到龍皇酒家好評，所以一試，侍應服務態度不錯，再配合維港靚景，銅鑼灣用這個價錢可以吃到靚景中式晚飯———值得推介。我覺得最好食就是龍皇西施泡飯———出色之處就是龍蝦湯底熱辣辣泡飯美味再配合脆米可口。荷香整污糟雞——淡淡荷葉香味再配無骨雞俾肉，大人小朋友也讚不絕口。但美中不足就是，我哋一早落咗order食雷沙湯丸，個侍應重複了幾次是$10一粒，驚死我哋冇錢俾，仲講咗幾次話因為即叫即製，要等20分鐘先有得食，我哋一早落咗order話食。但吃完飯後叫佢上雷沙湯丸，佢嗰陣時先至話要再等20分鐘，一點效率比較失望。但整體來講，下次亦都唔會再幫襯

- 提早打電話訂位 所以唔駛等- 中午時段客人較多 建議打電話留枱- 環境舒適開揚 有窗望到維港海景 夠哂光- 叫左一個 “龍皇西施泡飯” ..即海鮮泡飯，吾記得影相😭佢個龍蝦湯底非常夠味，加上有部分飯粒係炸過，好有口感，10個人分到每人一小碗。 好味，必吃推介😋- 燒賣味道正常 冇特別- 蝦餃係咁多點心入面係比較出色- 大部分食物比較偏乾身 有待改善- 飯麵類會比點心好食 - 10個人埋單大概HK$1,200, 係較貴價既飲茶之選

今天約了屋企人飲茶,一早book 了龍皇.去到等了約2分鐘就很快安排到入座了.今日試的主要是點心, 5個人點了9碟點心, 一牒炒飯, 剛剛好的份量.點心包括:沙巴海蝦蛟, 鮑魚燒賣皇, 山竹牛肉球, 叉燒腸粉, 上素粉果, 鮑汁鳳爪, 冰燒三層肉, 鬆脆麻花, 椰香桂花糕, 炒飯: 龍皇一品炒飯 鮑汁鳳爪鮑汁味濃, 鳳爪夠腍, 很入味. 蝦蛟皮薄, 蝦很鮮嫩; 燒賣有咬口; 冰燒三層肉, 表皮非常鬆化, 肥肉及瘦肉相隔, 口內感受到豐富的肉汁; 一品炒飯, 飯粒很爽, 撈埋鮑汁重正.甜品椰香桂花糕, 很有椰汁香味, 夾雜著桂花香, 但桂花的一層稍嫌份量較少, 如果多一些會更好味.本來想點脆麻花, 但點心紙剔錯了楊技金露, 話比服務員知後, 很快的幫我地更改番, 整體服務不錯, 值得一讚.很滿意的一餐呀, 臨走等升降機時仲見到熾哥添.

這裡環境很好,坐位舒服,不會太擠迫,觀景不錯,洗手間整潔,至於食物質素亦不錯,雖然我不能品種所有的美食,但我見有很多招牌的美點,其他客人食得津津有味,下次我一定要再品嚐!冰燒三層肉(皮脆肉嫩)鮮蝦仁腸(皮薄蝦爽)蜂巢芋角(香口鬆化) 菜粒咸排骨粥(足料夠火喉)蛋撻仔(不夠鬆化,略甜,而且已凍了)