重慶劉一手火鍋店 (已結業)

一個星期五，5個朋友聚會，有訂枱，食1830嗰節（用餐時間2個鐘）。去到時唔使等位，被按排左上樓上坐。湯底點左鴛鴦窩：「正宗重慶麻辣鍋（小辣）」同「椰子滑雞鍋」。一上湯嘅時候，大家都拎起匙試味。大家都大讚「椰子滑雞鍋」有驚喜！煲到最尾大家都仲係咁飲，即使中間加咗清湯都好夠味。至於「正宗重慶麻辣鍋（小辣）」就冇咩驚喜，少少麻少少辣，人人都食到。由於點左好多食物，我唔一一介紹，只係講下覺得要注意下嘅：牛骨濃汁牛丸：（中間）我哋有encore嘅牛丸，牛丸又彈牙又多汁，仲有少少筋可以咬。人人都好鍾意，五個人總共食咗一打牛丸。脆肉鯇：呢個魚真係麻麻哋！一份有大概七小片，份量好細，重點係唔脆。可以唔使點。牛頸脊：呢個牛味龍濃郁，又嫩口。唔好以為全部都好薄，其實都有少少厚度，有得咬又快熟。🌽粟米：要點粟米係因為要煲湯，早啲放入椰子雞湯可以令個湯更好飲。所以如果有叫椰子雞湯，會建議都點粟米，咁個湯就會更甜更好飲！順帶一埋提：侍應都幾好人，收碟上菜都俐落，有禮。

聽深圳朋友講過有間劉一手好出名，最近知道佢係香港都開左分店咁緊係要即刻去試下佢有幾辣～一入到餐廳已經覺得成個裝修好古色古香，好有中國傳統既味道～除此之外仲有一鍋鍋好香既麻辣火鍋傳入我個鼻到～聞到都流口水好想快啲試下佢有幾勁！一坐到店員已經好好服務態度咁為我地推介～而且餐廳都好細心 怕客人食火鍋既時候會彈到落衫到所以每枱都為客人準備好圍裙～好細心我地決定叫兩種湯底～其中一個一定係麻辣，另一個就試佢既蕃茄湯底一上鍋已經聞到好香既麻辣味同好濃既蕃茄味滾起後，我首先試既係蕃茄湯～好濃肯定落左好多蕃茄去煲～好中意 直情當湯咁飲haha至於麻辣味食落好夠麻～而且真係幾辣下～好有挑戰性！枱面上有配料比我地自行選擇～都離不開係蒜蓉，蔥，辣椒粒，芫荽。飲品方面～為左無咁熱氣 我地就叫左竹遮茅根～好清甜 配火鍋一流！食物方面就叫左麻辣火鍋必食之一既紅薯粉～不過我地一半放落辣個到一半放落蕃茄～今次覺得配蕃茄湯好食d～可能辣個邊到最後變得咸左少少～生菜～我地講究既地方係有無爛～呢個都接受既～成盤都算好新鮮！毛肚又係麻辣火鍋必食之一～呢間既毛肚好爽口～所以店員建議我地淥十五秒左右就夠😋食火鍋緊係要食牛肉～我地今

好耐都冇去過銅鑼灣食飯，今日同大少去銅鑼灣行街食咗個好飽嘅下午茶。去到八點幾九點，大少就覺得好肚餓想搵啲嘢食下，凍冰冰就梗係想打個邊爐啦！大少就話有間過江龍嚟香港開咗間麻辣火鍋，我就話下，我唔係好食得辣嘅咋喎！佢話，唔緊要啦，人一世物一世咩都試吓呀嘛！何況佢除咗麻辣湯底都有其他湯底嘅！行到過去，佢話要九點半先可以有位俾我哋，咁都係仲有十幾分鐘就等一陣啦！我本身唔係話好鍾意食麻辣火鍋，一聽就覺得好似好辣咁！原來呢度除咗麻辣湯底，都仲有好幾款唔同嘅湯底嘅。我哋就決定帶鴛鴦湯，有辣有唔辣任君選擇😅我每次去打邊爐，第一時間就會整返啲調味料先。呢度啲調味料都算豐富，除咗豉油之外仲有好多唔同嘅醬同配料！其中最特別，我覺得就係佢嘅麻油同埋佢嘅紅油腐乳。店員同我地講，食麻辣火鍋可以落多少少呢個麻油，因為可以保護返個胃嘅！其實有冇保護作用我就唔係太清楚，但係我覺得呢個麻油都幾香嘅！睇返佢嘅成份除咗有麻油之外，仲有啲大豆油，相信啲香味都係混合而成嘅！好啦湯底到啦！我哋帶咗半鍋中嘅麻辣，另外半鍋就係嗌咗番茄湯！本身都好忐忑叫豬骨好定係番茄湯好，但係店員話番茄湯比較惹味所以我都揀咗呢個試吓！的而且確，個番茄湯