甜入心 (已結業)

趁著下午返兼職，放工時同事話想到深水埗食糖水，我介紹了幾間給他後，最終他因為被焦糖布甸椰皇子的相片吸引，而選擇了甜入心。六點幾的時間還未算多人，很快便可入座了。望望餐牌，實在太多選擇了，很多款式都想試。最後，我選了出浴椰皇子，朋友就選了焦糖布甸椰皇子。出浴椰皇子其實就是焦糖布甸椰皇子，只不過是沒有椰子殻的。出浴椰皇子是用杯盛著，有很多椰子水，但卻少了椰子肉。整體大致都好味道，對於想刮多啲椰子肉食嘅話，最好都係食番有椰子殻的椰皇子了。埋單俾錢時，職員俾了張印花咭，食滿$50可儲一印花，儲夠指定數量可換甜品食，咁之後要多啲約朋友食甜品了。

一間食完令人有幸福感的甜品店，首先客人可免費去門囗取花茶及綿花糖朱古力噴泉，非常大方及貼心呀其次係d姐姐好有禮貌最後重點係有款甜品獨一無二，出面食唔到的~椰皇子同焦糖布甸椰皇子其實一樣，不過出浴用杯裝，而且會將起咗嘅椰肉放返落去，所以食喺上嚟更方便呢~焦糖布甸很滑溜，重……重點就係入面的椰青大菜糕了，爽滑得嚟仲好有椰青味，好似飲緊椰青水咁一啖暖暖的朱古力再加上冰凍的雲呢拿雪糕，絕配

那晚在深水埗幾個地方食過細碗豬手米、腸粉、炸魷魚酥, 當然最後要嚐過甜品才是一頓晚餐的完美終結。甜品我一向以外表行先, 椰皇入面有個布甸的確相當有趣, 平常食的多數是湯圓 。焦糖布甸椰皇子 $36 (凍) 賣相一流, 布甸望上去十分平滑, 而且上面還有一粒像珍珠發光的銀珠。布甸滑溜、充滿濃郁焦糖味, 下面再配椰汁啫喱, 配搭十分新鮮, 最後還可以將椰皇肉刮去食用。如果懶得刮椰皇肉, 可以點焦糖布甸椰皇子的失散弟弟 - 出浴椰皇子 $30 我覺得甜入心改名相當不錯, 非常有綽頭。椰皇肉粒藏於啫喱中, 朋友說好"椰"味, 每口都是爽口的椰皇肉粒及滑口的啫喱, 而且價錢比哥哥平呢!店內還有淡果茶及朱古力噴泉提供, 頗有心思, 好值得再去, 下次想試下較就腳的沙田分店。

每次行過，都想幫襯，可惜一係冇時間，一係就剛剛食到飽晒，這天刻意地去，五點九左右到達，不太多人，可以靜靜地嘆甜品，一邊欣賞牆上的食物畫像：看餐牌揀選甜品：『椰皇肉粒藏於啫喱中，焦糖布甸椰皇子的失散弟弟...』餐牌形容得這麼有趣！先吃焦糖布甸，口感香滑，蛋味濃郁！啫喱用椰子汁製成，十分爽口，附帶有椰皇肉，用盡食材，不致浪費，見盡心思。賣相討好，四件心型窩夫，伴朱古力雪糕球，橫切香蕉，一分為二，加上深粉紅色匙羹，盛著的榛子味朱古力醬，擺放及排列都別出心裁！香蕉沾朱古力雪糕，原來也很對味！朱古力榛子醬，個人覺得味道太濃。窩夫外脆內軟，蛋香豐富，撒了一些糖粉，本身已很夠味道，由於體積不大，及質地軟熟，用叉來吃便可，不需要用刀切。免費自助英式淡果茶：最欣賞這項服務，任斟任飲，不另收費！淡果茶味道清淡得來，帶些甘甜，足以解渴，及洗滌口腔中的滯留甜味，再去品嚐其他甜品時，吃得出其真確的味道！自助朱古力噴泉，又一小玩意：吃了窩夫，已經很飽，貪得意，食番幾粒朱古力棉花糖仔！很週到的設備，乾淨衛生！有得食之餘，仲有得飲，有得玩，確係抵！積分咭，每光顧$50，有一個蓋印。店外櫥窗，存放了很多椰皇子。