韓嘉嵐韓國料理 (QRE Plaza)

營業中

休息中

午市時間12點到達餐廳，未入場已聽到大量思咪達，原來餐廳播放韓國新聞台。其後店員用唔鹹唔淡嘅廣東話安排我就坐，之後向我表達一定要45分鐘之內結帳。當時只有4檯客人。今次點餐選擇炆牛肋骨，$158/位。首先，上四碟前菜，分別係泡菜、茄子薯仔、菜心芽茶及魚糕。大概等了10分鐘，店員將主菜炆牛肋骨上檯。牛肋骨非常之大份，一大三細。炆得骨肉分離，但不是一夾就會散的程度，不會黏牙，配合白飯一流。由於四碟前菜非常大份，記得留肚食主菜。聽講午餐有甜品，我未遇到就已經要去埋單。

今日和老婆往灣仔韓嘉嵐食韓國菜,我們點了海帶湯,韓式包朱肉和海鮮煎韮菜餅,主菜上菜前,侍應提供了前菜,有泡菜,薯仔,芽菜,菠菜,魚糕,茄子和磨菇,泡菜有片裝和條裝,辣度適中,薯仔香甜,芽菜和菠菜食落爽口,魚糕彈牙,茄子熱辣辣,磨菇爽滑,海帶湯飲落熱辣辣,甜度適中,海帶爽口,蜆食落鮮甜,海帶湯飲落口感十足,韓式包朱肉賣相吸引,朱肉食落有油花,肉味香濃,配菜青瓜和羅白食落鮮甜,生菜食落爽口,整份韓式包朱肉口感豐富,味道十足,最後海鮮煎韮菜餅蛋味香滑,韮菜爽口,帶子食落彈牙,整份海鮮煎韮菜餅食落不油膩,佐酒一流,最後西瓜夠哂冰凍,甜度十足,餐廳座位舒適,食物美味高質,份量十足,食了一頓美味韓國菜

聖誕嗰時無book定所以walk in已經無位，今次同事做到野！Book到枱所以就可以食到😎。🔅韓式紫菜包飯(辣豬肉) ($85)同事早左到所以order定先，因為要人手即刻卷，所以晏少少黎次次都無得食😂。幾足料，有青瓜嗰啲食落又爽口，口感豐富👍🏻。🔅值火烤豬肉 ($95)豬肉都幾入味，烤得幾香，少少辣，係鐵板油左少少🤣。🔅辣炒年糕 ($89)炒年糕都幾辣，夠晒入味！港平時嗰啲炒年糕腍少少，呢個似返韓國食到既炒年糕咁偏煙韌啲，有咬口。🔅牛肉石頭鍋飯 ($89)個鍋拎到黎仲「滋滋聲」，快手影完相即刻倒晒啲醬撈勻！整到有飯焦好正😋。有蔥、芽菜同粟米，所以個飯又幾香又有口感，加埋個醬無得輸！不過牛肉可以多少少就好😝。同埋飯比較多，所以如果醬都可以多啲會好啲🙈。💬野食都唔算要等好耐，又有好多前菜，大部份都唔錯😚。Staff又幾nice，會主動加水，食完仲俾coupon同vip卡😂，又係咁用韓文講多謝😂。整體感覺都唔錯，俾加一都抵既🖖🏻。

今日同好耐無見的前同事約食LUNCH, 佢推介左呢間韓國餐廳我地約12:30pm到達, 想不到已經有很多人排隊,等了大約15分鐘, 終於有位了。點完餐後,侍應好快送上8碟前菜, 其中有2碟是香腸及火腿, 很有香港味道。我地最喜歡甜甜的薯仔, 而泡菜則感覺尚未腌得入味。我地order了:辣炒芝士年糕: 份量十足, 芝士亦有烤過, 有拉絲, 不是很辣, 反而比較甜。烤雞肉:  正正常常,  雞肉比較淡味。辣牛肉湯:  非常熱辣辣,  牛肉份量十足, 如果嚐辣的朋友應該很喜歡。總結而言, 這韓國餐廳都唔錯, 下次可以再試下其他菜式。

早上忙碌過後，總想食一餐豐富似樣的，又剛巧經過就這樣坐下了。因為太疲倦的關係，想好好補充體力，所以點了米腸湯。韓國人會在酒後或者想恢復精神體能的時候喝呢個湯配飯來提神提升狀態，就有如新馬的肉骨茶，印度的黃姜飯，緬甸茶葉沙律，歐洲的濃縮咖啡一般。韓式的前菜通常都很豐富而且一定係健康有營養瓜菜類，食完開胃之餘仲增加體內排毒纖維。豬肉米腸湯內有豬肉豬腸米腸和大量蔥菜等幾種重味菜，非韓國人未必個個接受到呢個味道。但其實食慣就幾好。最後奉上的清涼梅子凍，去油膩感之餘帶來一些涼快。

一共黎韓嘉嵐食過兩次lunch又抵食又高質但等候時間的確比較長幸好我每次黎食晏都係放假既講下前菜 佢每次會有5-6款前菜我好中意食唔同既泡菜而佢有個前菜好似係甜蕃薯黎好軟糯好好味我見人地隔離台食完有fill過而主菜方面我第一次黎食既時候已經食過佢地個人蔘雞雖然午餐價錢得半隻雞但質素真係好高 而且好抵食所以第二次黎我都係再食返佢地個人蔘雞至於個炸醬麵就一般般唔係唔好食只不過可能口味問題份量係幾多下但個人覺得可以試其他野好似個芝士辣炒雞甘 都好惹味而且仲有大大碗飯食完叫埋單既時候佢會按人頭上一杯甜品醋第一次我同男朋友諗左好耐到底杯野係比我地洗手定飲嫁呢於是果次我地偷望隔離幾張台見佢地飲左我地先夠膽飲食完餐飯飲杯醋都幾舒服

這天約了同事灣仔食lunch，一行六人經決議後揀左QRE 27樓的韓嘉嵐。由於有訂位所以等候時間不長，而我們亦把握時間即刻落單。等了大約十分鐘，侍應為我們端上前菜。前方黑色的是加了蜜糖的紫菜類小食，口感硬硬地幾特別。泡菜方面由於各有喜好難以評價，同事覺得偏咸而我覺得還好。過多十分鐘左右（即落單二十分鐘後），最先上菜的是同事的石鍋伴飯（bibimbap），其後是鐵板上的雞肉和牛肉。而我和另一同事叫的韓式海鮮湯和餃子年糕湯則等了接近四十分鐘才上菜。期間鄰近比我們早入座的食客已逐一結帳離開，樓面並不繁忙，只是侍應們都集中在收拾離開後的桌面，未有對於添加前菜及查詢未到的餐多加理會。餃子和年糕都是可以預先準備的食物，調味方面亦不期望會有驚喜，開首點菜時就是希望可以早點果腹，可惜到最後卻是最後才上桌的一份。飯後餐廳附上甜品，同事們笑說味道偏甜，而且感覺像政府診所開的咳藥水。順帶一提，QRE Plaza食肆林立，特別是在午餐時段結束的時候，三部電梯都好易Full Load（滿載）。建議趕時間的朋友避免光顧。

韓嘉嵐韓國料理QRE Plaza 內食肆林立, 今次選了韓餐, 亦是首次前來, 餐廳經理和服務員都說英文的而且容貌似韓國人, 亦見到有韓國食客, 應該算是地道!石頭飯賣相精緻, 與生雞蛋拌勻同吃, 很夠味, 而且熱騰騰的, 吃時要小心韓式撈麵醬汁頗甜, 味道不太合芊如胃口

之前去過呢間嘅CWB店DINNER，唔覺得特別好，又俾個機會呢間灣仔店。可能因為成個QRE嚟講算平，around $70 - 100 per head, 所以 lunch time 好 full，經驗所得 play safe 最好早一日book 位，不過好彩平得嚟都好食。我又鍾意佢選擇多，亦啱食，同同事 / 朋友一人揀一個再share食，好開心！我試過 book 到房，非常舒適，但係一般坐出面就比較迫同好嘈，不過勉強接受到。去過幾次，最鍾意係個海鮮鍋，海鮮唔少，不過我更喜愛D豆腐，我會揀小辣，因為我會飲晒D湯，咁就唔怕伕到尾太辣飲唔到！食咗前菜，KO埋個鍋D湯同海鮮，基本上我已經食唔落碗飯，要搵人執手尾。仲有海鮮餅，另一至愛，唔係間間韓國餐廳都做得好食，呢間就認真唔錯，不過佢portion 都大，我只能夠食到至多兩塊，所以通常等其他人叫我就沾一塊 不過DINNER我諗我都係唔會俾機會佢住，仲係有D陰影，都係試多幾次 lunch 先！

呢間是本人很喜歡的韓國燒烤, 去的次數也最多. 味道很地道, 感覺同在韓國食的分別不大.店員服務很細心, 每次都會主動幫手整理嬰兒車, 也很有禮貌解釋每一種菜.推介一係牛肋骨, 牛肉裡面已經經甘甜的漿汁醃過, 很軟很甜很鮮味. 一啖肉一啖飯呢道菜真的非常下飯.另一推介係豬腩肉, 豬腩肉的肥脂肪經過烤後滲透出來, 非常濃郁豐厚的味道. 建議加多個蔬菜籃用菜包住食更好.每次桌上都有好多配菜, 而且部分配菜都回作輪換很有新鮮感. 雖然是配菜但很用心做, 水準很高.其他的肉類都很有水準. 兩個人通常叫兩份肉已經很足夠. 配紫菜包飯, 又飽肚又好食.配返韓國啤酒就更好! 定食的水準也不錯, 份量十足而且配菜很多. 推介豬肉定食.另外套餐也不錯, 韓式套餐總會令人覺得很補充體力很飽.