友拉麵

營業中

休息中

🙋🏻‍♂️餓底探員今晚去咗荃灣調查呢間拉麵店，店鋪走木系風格，兩邊有吧枱，店內播放著日文歌，恍如置身日本街頭拉麵館，充滿地道風味🦐櫻花蝦拉麵 $88🙋🏻‍♂️表示個拉麵面頭有好多櫻花蝦，仲有火炙豚肉，流心蛋，蔥花等配料，湯底濃厚，飲落有香濃嘅櫻花蝦味，拉麵有直麵同曲麵選擇，麵質軟硬度都有得揀，餓底㨂咗硬身曲麵，食落口感爽彈，非常掛湯，每啖都有櫻花蝦味，火炙豚肉食落軟腍，入口即化，加上其他豐富配料，食完大滿足🥔北海道牛肉薯餅 $32🙋🏻‍♂️表示個牛肉薯餅炸到脹卜卜金黃色，配上mayo，外層酥脆，非常香口，內層軟糯，咬落滿滿嘅薯蓉同牛肉粒，夠晒creamy香滑📈吃貨指數😋好味度 8/10🔙返啅度 8/10

我真係好想去日本🎌呀！但有左呀仔後一路都未有機會再去，所以夜晚揀左「友拉麵」🍜，解一解思日之情。餐廳裝修比較日式，牆身掛滿貓貓🐱既掛畫，坐位除左高凳之外，仲有2張細方枱，隔住玻璃可以望到廚房煮面，最特別係打開筷子套入面係日式🎌筷子。魚介拉麵（直麵）拉麵最重要係個湯，湯底味濃不腻👍，爸爸揀左直麵同軟身，因為直麵比較淋身，但因為爸爸再揀左軟身，我覺得有啲過淋😝，每碗拉麵都有兩大塊紫菜同三塊火炙豚肉，仔仔第一時間拎紫菜黎食，食得好開心😋。辛肉碎拉麵（曲麵）媽媽又可以自私食啦，我梗係揀比較彈牙既曲麵啦，叉燒肥廋岩岩好👏，有少少燶邊好味道，味玉仲要係全粒上。北海道牛肉薯餅薯餅新鮮炸起熱辣辣，非常脆口，外脆內軟非常好味。📍友拉麵📌地址: 荃灣西樓角路202-216號昌寧大廈1樓53-54號舖#友拉麵 #日式 #荃灣美食 #荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶

呢間拉麵小店裝修得幾有氣氛，掛滿貓貓🐱為主的裝飾，座位唔算太多，但坐得舒服。黑蒜油札熀味噌拉麵 呢款拉麵期間限定，麵方面簡左曲麵，比較有彈性，另外黑蒜油真係好香，加左黑蒜油令到成碗湯湯底提升左，超濃郁，不知不覺飲左成碗湯。辛肉碎拉麵 辛辣肉碎鋪滿成碗，辣度剛剛好，同樣地麵方面都係簡左曲麵，除左辛肉碎，仲有火炙豚肉、味玉、蔥、竹筍、海苔，超滿足，火炙豚勁有豬味😈😈北海道牛肉薯餅 薯餅熱辣辣，咬落勁脆口，牛肉味都幾濃，可以一試🤤🤤

荃昌中心呢個小商場內一個日式和風木系裝潢再放滿貓咪照片同擺設, 已經非常吸引貓奴入去蔥山拉麵 - 超級多蔥, 真係成坐山咁高, 唔知店方用咩蔥, 夠蔥香而唔會嗆喉同辣, 幾好豚骨湯底濃厚度剛剛好, 湯夠熱唔會太鹹同味精, 麵夠掛湯唔會好快變淋櫻花蝦拉麵 - 相比蔥山, 櫻花蝦份量就比下去, 但蝦味都夠, 食到底都仲有蝦味, 不過我一定大推蔥山拉麵 不得不提佢地對筷子好靚好紮實, 而且仲係即棄式, 超有誠意 蜜糖芝麻雞翼 - 即叫即炸, 非常香口內裡相當juicy北海道牛肉薯餅 - 皮薄酥脆, 牛肉同薯仔分量剛好, creamy有牛肉味

係荃昌入面一向都多隱世食肆，通常都係平靚正😏荃灣人食開🤣，今次就試左間拉麵店，估唔到都幾高質！-💕 辛肉碎拉麵🍜 $85辛肉碎，火炙豚肉，味玉，葱，竹荀 ，海苔👅好味指數：9/10雖然餐牌上有兩個🌶🌶，不過都唔算好辣，大概係微辣至小辣程度。另外可以選擇直/曲麵同麵質，我就簡左直麵同硬，第一啖食落已經好驚喜😳，麵質好有咬口，完全係我中意既口感，而且好掛湯😍。湯底魚介味濃郁再帶肉碎既香辣，火炙豚肉肉質鮮嫩又唔算太肥，索哂湯汁，超級惹味，估唔到整體質素做到同「x蘭」一樣咁正❗️🥰-💕 北海道牛肉薯餅 $28👅好味指數：9/10好大塊好厚既牛肉薯餅😳一人一塊都好飽肚😂炸得好香脆又冇油膩感！香濃薯仔味🥔，口感綿密❤️🤍-環境：8/10服務：9/10整體味道：9/10回頭率：9/10

細細的舖頭，放左幾十隻超可愛貓咪🐱既相同圖畫，好有家既感覺，好溫暖☺️🍜魚介拉麵 $78• 材料：魚介粉、火炙豚肉、味玉、蔥、竹筍、海苔• 拉麵可以揀直/曲面同軟硬度一上枱熱辣辣，見到2大塊火炙豚肉，燒得好靚，好有油香，上面仲放左魚介粉，唔會太搶味，湯底味道岩岩好，味玉仲做到全流心，好好味😋-🥔北海道牛肉薯餅 $28薯餅炸到金黃色，好香口，入面有薯仔同牛肉，配埋沙律醬咁食，真係又肥又好味，而且份量都唔細tim😝