羅麥記 (V City) (已結業)

放假經過開屯門 唔知食啲咩好 又熱辣辣 見間羅麥記個裝修幾特別 好似啲懷舊風茶餐廳咁 就入去Tea一個 嗌咗個千層朱古力西多 見OpenRice都無乜人食過 又無乜介紹 都驚驚地係伏野 個西多尼到無咩特別驚喜 但都唔算失望 只係普通西多落左朱古力醬 本身仲預期中間係流心朱古力 不過先$35 又有冷氣涼 都合情合理嘅 當搵個地方打下卡 其實都尚算合格 要求唔應該過高對啲茶記(對於住屯門嘅朋友仔而言) 但如果諗住係專登搭車入去屯門試就無謂喇

屯門Vcity有間餐廳以懷舊冰室做主題既「羅麥記」，菜式多樣化，以70年代既裝潢，地磚、海佈、廣告牌，一定會令你回想返你既童年！叫咩野食好呢？諗左陣，叫左「豬頸肉芝士撈丁$50」及「千層朱古力西多$35」。「豬頸肉芝士撈丁」，芝士好香，不太膩，豬頸肉不太乾身，味道剛好，但麵既份量略少。「千層朱古力西多」淨睇賣相已經好吸引啦！食落不會太甜，麵包炸得剛好，不太燶，好好味。

本來好有期待的，由於本人非常喜歡紅豆冰奶茶，見到佢竟然有得賣於是就幫趁。但是竟然說今日無，於是我再叫粒粒菠蘿冰，佢又話無，當時只是中午12時，有無咁早賣晒？最終點了蝦多士，焗豬扒飯，千層朱古力西多士，和熱奶茶。惡夢就如此開始了。千層朱古力西多士 - 唔明點解叫千層，只是得2層。蝦多士 - 不能入口，吃一啖已成口油，又無蝦味，只得油味，吃了一舊就想退貨。焗豬扒飯 - 衰過大家樂，竟然連一粒蕃茄都無，味道只是一般。不值58元。熱奶茶 - 夠滑，不過無茶味，又唔夠熱。我以後都不會再去