Mix & Rice (已結業)

放工同朋友黎食炸雞，揀呢度係因為除左炸雞，仲有好多韓國野既，好吸引。7點黎到，果陣仲未好多人，但都仲有7張枱。不過相比起其他，已經唔算多人，所以決定繼續等。點知後來既人入左都未到我地，問一問原來以為我地走左，明明前一陣先確認過，真係嬲嬲地，最後等左差唔多2個鐘先入到去。首先當然要試下炸雞啦，由於有個朋友唔係咁食得辣，所以叫左半半。2者都好脆，但係略嫌原味的唔夠味，所以果位唔食得辣既朋友都要”點”D醬汁食。醬汁上配埋花生，成個配搭十分香口。另外，炸雞仲有少少炸年糕，年糕炸左之後外硬內軟，口感一流。仲要送埋個沙律，都幾抵食。第二個係海鮮豆花鍋，我好鍾意呢個鍋，辣得好惹味，但友人覺得太辣，所以適合好辣人士。如果有埋飯就VERY GOOD了，不過為左試到更多野，所以我地冇叫飯。牛肋骨，之前韓文班老師特登推薦過，我平時唔係咁鍾意食牛，但都覺得好好食。肉質比較”淋”，好入味。