小王牛肉麵

營業中

休息中

今晚同肥妹仔行過鑽石山廣場!!行下行下睇下食乜之際,發現開左間新既牛肉麵店喎!!肥龍B最愛食有藥材湯底既牛肉麵架喇!!梗係入去試一試啦!!我地叫左個半筋半腩麵:個湯底好重藥材味, 簡直啱晒我口味!!除左食個麵之外, 我連湯都飲到一滴不留!!D筋腩炆得好入味, 而且好鬆軟, 入口即溶!!好推得推介一試!!排骨麵:呢個麵湯底淡少少, 好香胡椒味!!而且佢塊排骨炸得啱啱好, 好香脆!!又係好推得推介!!肚絲粉皮:呢個前菜就一般般, hea左D!!雖然叫肚絲粉皮, 不過唔係好搵到肚絲...個醬都OK既, 調得好惹味, 唔錯!!香酥雞:如果有得飲啤酒更加一流!!佢粒粒都好香脆, 鬆化!!味道就偏鹹左少少, 但係都OK好味道,所以有得飲啤酒就最好餸喇!!兩杯咖啡:食物方面係好唔錯,不過沖飲品方面有待改進,因為味道都係偏淡, 而且味道唔係太好!!

開左一排都未試過就襯今晚試下d牛肉麵黑白既order紙!魯肉飯($28) - 比想像中大碗, 平平地幾好味又可以食得飽!魯肉碎很多, 但不夠醬汁,青瓜爽口!皮蛋豆腐 - 豆腐香滑唔易散, 肉鬆冇味!皮蛋係底好重醋味!!麻麻地!鹽酥蚵仔 - 得個多字, d粉又多, 好似食緊炸粉多d!!!!鹽蘇杏鮑菇 - e個最好味!!!炸到好似豆腐咁, 其實係菇黎, 好得意!味道都唔錯!!招牌「半筋半腩麵」($52) - 要左粗麵, 個湯都幾重「藥材」味, 所以唔係個個岩食!牛筋軟淋淋, 好滑, 好味道! 而d牛腩就一般般la, 整體味道尚可鹽酥雞扒飯 - 雞扒就好似豪大大雞排一樣勁大塊, 新鮮炸起好香!不過食落好似就炸得有d過火,有d乾身...不過都可以接受!

原本一心嚟呢個商場係想試佢隔離間抹茶主題餐廳，但去到之後佢竟然唔做生意，之但係我又好肚餓喇，於是就試試呢間標明「台灣雙料冠軍牛肉麵」喇，果真一試便知龍與鳳，早知睇完食評先點菜啦……坐低睇睇MENU，睇落每樣嘢都好似好好食，非常之滿心歡喜，而且啲相影得好靚，我都知「相片只供參考」，但係到啲食物一嚟，先發現啲相片不但同實物相差極遠，甚至我個人認為佢唔應該擺相出嚟誤導食客。先嚟一個香辣牛肚粉皮($28)，睇相好靚仔，嚟到啲牛肚條少到……我以為有人食完先畀我，攪一攪先發現，其實佢只係放咗啲辣油落去就算，放入口除咗辣味同埋好油之外，就咩味都無，食到後尾我發覺，不如自己開樽辣椒油出嚟仲好食過佢，仲要係好難得先食到一條牛肚條，仲要係用「條」嚟形容，少到呢……之後係招牌「半筋半腩麵」($52) ，整體味道尚可，喜歡「藥材」味嘅朋友可能會特別喜歡。啲筋非常非常之軟淋淋，好勉強先夾得起，不過就無咩特別嘅味道；而啲腩亦非常非常之淋，淋到完全唔似肉，亦無咩特別味，口感有啲奇怪。成碗都就係得２條筋、２條肉，抵唔抵食見仁見智。唯一可取係佢嘅黑糖Latte ($18)，黑糖味出奇地濃厚，非常抵讚。最後一樣要提提，喺