Carpaccio Pasta Pizza Vino (已結業)

翻開openrice其他食家嘅食評，見到呢間餐廳評價偏低，但睇戲前心血來潮想食西餐，而isquare 可選擇嘅西餐廳少之有少，所以就入左去試試。由於時間尚早，客人唔多，幾乎全部外國人，老板係外國人但識講廣東話。餐廳食物種類還可以，最後點左份set dinner 同一份卡邦尼意粉，set dinner主菜揀左意式雲吞，兩款都係chef highlight ,頭菜揀左南瓜湯，湯味唔算濃郁，但對於口味偏淡嘅我都可以接受，最值得推介係卡邦尼意粉，金黃色嘅湯汁配上濃濃的芝士汁，入口油而不膩，算係驚喜之作，意式南瓜味道可口，比較有特色，外皮鬆腍，值得一試。餐廳環境尚可，係熱左少少，價位中上。

今晚我們去咗尖沙咀iSquare嘅「Carpaccio Pasta Pizza Vino」食晚飯！我們叫咗巴馬火腿意大利薄餅、正宗意大利傳統烤肉同廚師推介晚市套餐：南瓜湯、傳統意式西冷牛扒切片配芝麻菜，蕃茄乾，巴馬臣芝士片及意大利黑醋同意式雲呢拿奶凍配野莓！巴馬火腿意大利薄餅焗得好香脆，巴馬火腿相當軟滑，味道非常惹味濃郁，而且份量超多！正宗意大利傳統烤肉：美國牛柳嘅肉質好鬆軟，肉味好濃郁！豬仔骨嘅表面雖然焗得有啲燶，但肉質都幾腍幾滑！有機鷄腿嘅肉質都幾軟滑！進口意大利香腸嘅香腸皮好脆身，肉汁都幾多！澳洲羊扒係眾多款之中肉質最嫩滑鬆軟，而且味道唔會好「騷」！廚師推介晚市套餐：南瓜湯好香滑濃郁，味道好香甜！傳統意式西冷牛扒切片配芝麻菜，蕃茄乾，巴馬臣芝士片及意大利黑醋嘅肉質超嫩滑鬆軟，配埋芝麻菜同黑醋一齊食，味道非常清新，唔會有好膩嘅感覺！意式雲呢拿奶凍配野莓嘅奶凍相當滑溜，味道極之香甜濃郁！